اللاش

[محمد عويض الثبيتي]

\\


//


\\


///



بعض البشر حبّــه علق في الغرايـز=والبعض يـمـكــن في محـبته إعجاز
والبعض في المعروف ماله جوائز=تدفع عنه من هرج مازح وهـمّــاز
وبعض البشر يحيى وغــيره جنايز=يكـفـيـك شوفه عن قبايل إذا جـــاز
وبعض البشر تعطيه كسوة عـجايز=يفرح بـها كــنّــه محـقـق له إنجـاز
إذا طلــبـتـه قــال عـنـدي عوايـــز=يزعل عليك إن كنت من جد معتاز
وإذا خصــرته صار بالمال فايـــز=يضحك بها في كل محفل و مركاز
فآخــــر زمان وكل ما قيــل جـايز=لاتصنع المعروف في اللاش بإيجاز




محمد الثبيتي

[فايز بن سرحان الثبيتي]

وبعض البشر يحيى وغيره جنايـز
يكفيك شوفه عن قبايـل إذا جـاز
وبعض البشر تعطيه كسوة عجايز
يفرح بها كنّه محقق لـه إنجـاز

إذا طلبتـه قـال عنـدي عوايـز
يزعل عليك إن كنت من جد معتاز



الله الله

ماشاء الله تبارك الله

هالقصيده تذكرني بقصيدة سعد بن جدلان

ودنا بالطيب مير الزمن جحاد طيب \ كل ماتخلص مع الناس كنك تغشها "

محمد بيض الله وجهك على الجزاله والتمكن " رغم قصر القصيده الا انها استحقت منا القراءه المتأنية

شاعر ننتظر منك الكثييييير بهذا السبك الراقي " والتحكم المذهل " الله لايضرك



سأقيمها بخمس نجوم وتثبيت "

[علي الشهراني]

تستاهل حبة خشم


صح لسااانك و بيض الله وجهك


نعم خير الكلام ما قل و دل

[أسير القوافي]

صح لساااااااااانك يالثبيتي :)




وماهو غريب على ثبيت .. وديارها اللي كلهم شعَار لو يظهرون على الساحه الشعبيه لملؤونا بالجزاله ..





تستاهل التقييم والتثبيت وكل علم غانم

[أخو جوزا]

فآخر زمان وكل مـا قيـل جايـز
لاتصنع المعروف في اللاش بإيجاز


صح لسانك يالثبيتي

[فهد الشهيب الثبيتي]

الله الله

صح لسانك يابن عويض ولاهان منطوقك

وبيض الله وجهك على هالرائعة

[محمد عويض الثبيتي]

من لا يشكر الناس لا يشكر الله


شكرا يا ابن سرحان وبييض الله وجهك لا هنت يا الغالي

[محمد عويض الثبيتي]

والشكر موصول للأخوان


الشهراني

وأسير القوافي

واخو جوزا

والشهيب الثبيتي

بييض الله وجيهكم وصحت أبدانكم

ولا هنتم

أخوكم /محمد الثبيتي

[قنوع النفس]

صح لسانك يالثبيتي

[محمد عويض الثبيتي]

الله يبييض وجهك يا القنوع



مرورك شرف لي