اتمنى النقد البناء يااخوان

[فهد الشيباني]

اتمنى النقد البناء يااخوان

وهاذي قصيدتي امامكم


العين لوتذرف من الدمع كمين = كمن شعا بالقلب وكمن شعاها
ولو نجمع الكمين في عرض كفين = يرجح بها كف القلوب وعطاها
ياما على الدنيا خذتنا العناوين = واثر المخيله كدر اليوم ماها
تعطيني النظره على رأي رجلين = مثل البيوت اللي تعدد بناها
احد(ن) عطاك الصح في قالب(ن) زين = واحد(ن) عطاك اللي يسمك حلاها
ياصاحبي والنصح معطا ومسكين = خذها نصيحه والعلوم نحماها
لاتخدعك ضحكت خفيف الموازين = ضحكت بليد القلب وشهو وراها
تمشيبنا الأيام في درب عجلين = واعمل على الحسنه تلقى جزاها
هاذا كلامي وانتهى بين قوسين = من يعمل الطاعه بداها نهاها
يبشر بجنه تتسع للثقلين = للي عمل للأخره يب يراها

[مرزوق الجعيد]

صح السااااااااااااانك يا شبل

خارج حدود النقد

وافيه من وافي

رائعه بكل معنى الكلمة


----------------------------
تمشيبنـا الأيـام فـي درب عجليـن
واعمل على الحسنـه وتلقـى جزاهـا

من وجهة نظري ان الحرف ناقص

وقد اكون على خطا

ولكن رايي في القصيده كما اسلفت

[فهد الشيباني]

يامرزوق والله انه مكتوب عندي لكن من العجله ما كتبته

وصح بدنك والله لايهينك ياولد العم تسلم يالذيب

[ابن صنهوت]

صح لسانك والله يوفق وافيه من وافي ومضمونها يزيدها قوه ورونق
لاهنت والله يوفقك

[فهد الشيباني]

صح بدنك ياابن صنهوت

ومرورك تاج على راسي يالقرم

[مرزوق الجعيد]

يامرزوق والله انه مكتوب عندي لكن من العجله ما كتبته

وصح بدنك والله لايهينك ياولد العم تسلم يالذيب

مصدقك يا شبل

والله اني ترددت قبل انوه عن الحرف لاني شكيت يكون خطا طباعه
لان القصيده باينه انها حبكت شاعر ماعليها كلام

وعلى العموم حصل خير ولا هنت يا القرم

[فهد الشيباني]

الله لايهينك وكلامك في محله ولافيها شي

وملاحظتك من باب المنفعه تسلم يامرزوق

[حسن إبراهيم الدجيماء]

ابن شيبان .. كيف تبانا ننقد وانت تقول :

تــمــشــيــبــنـــا الأيـــــــــــــام فـــــــــــــي درب عـــجـــلــــيــــن
واعــــمــــل عــــلــــى الــحــســنـــه وتـــلـــقـــى جــــزاهـــــا

كلام كلام .. فوق النقد والله العظيم ..

صح لسانك وبيض الله وجهك ..

ولاتحرمنا من غيرها ..

تقبل مروري واعجابي ..!!!!

[فهد الشيباني]

الله يسلمك يالدجيماء وصح بدنك

وشهادتك وسام على الصدر

الله لايهينك يالذيب وتسلم

[فايز بن سرحان الثبيتي]

وااافي قصيده ماعلاه كلااام "

صح لسانك علاها "


لكن لو جينا للمضموووون وهذا بلا بوك ياعقاااب واكثر من 70 % من القصايد اللي نقرأها للشعراء اليوم تكون فااارغه يعني مالها بصمه مافيها بيت ينحفظ "

الوزن والقافيه سهله وكل مثقف شعريا يستطيع ان يصيغ قصيده ولكن الشاعر لابدا ن يكون حكيم" ويكون عنده ابيات تجمع وتختصر كلام ( يعني مجامع الكلم) وهذي خصله نااادره مانشوفها"

والقصيد في نظري نوعين "
النوع الاول \قصيد مليئ بالصور والتشبيه والجزاله والمفردات القويه والسبك والحبك. وهذا اللي يخش القلوووب من اول وهله وتحس انك لا قريته تغير من جلستك وتعيد قراءته مره ثانيه
والنوع الثاني \ قصيد موزون ومقفى فقط .وهذا تقرأ منه بيتين ولا ثلاثه ثم تقلب الصفحه .

وانت وش رايك وين تضع نفسك "

صدقني اني كثيرا ً ما اجد نفسي في النوع الثاني ثم اعيد ترتيب اوراقي لكي ارقى لان اكون في النوع الاول "

نصيحتي لنفسي اولا ً ولك ولاخواني جميع ان ارادوا ان تكون لهم بصمه في عالم الشعر ان يبحثون عن الجزاله في الطرح والقوة في الحجه والجرأه في المواضيع المطروقه والا سيصبح قصيدنا سوااالف لها وزن وقافيه "

[فهد الشيباني]

مرورك يرفع الراس ياابن سرحان

وصح بدنك وكلامك في محله

وعسا الله يجملنا مع هل الطيب

وصدقني لو الشاعر يتعب على قصيدته

يبا يشوف صداها عند الناس

[أسير القوافي]

صح لسانك ياشبل الشيابين :)






قصيدة جميلة جدا جدا .. والجميل لا ينتقد ..




لا تحرمنا القادم

[فهد الشيباني]

صح بدنك يااسير القوافي

ومرورك الأجمل وانا اخوك

الله لايهينك