طالت قرونك في ذرا النخله وفالسيف الشطير = وقمت اتحدا مطير وعتيبه عريبين النسب !! وسمي

[زياد المزرمي]

يا وسمي انته لك ثلاث ايام وانته تستدير = ان كان معجب فالشنب إللحيتك جبنا شنب

طالت قرونك في ذرا النخله وفالسيف الشطير = وقمت اتحدا مطير وعتيبه عريبين النسب

[علي الشهراني]

طيب طيب


صح لسااانك يا زيااااد


و ابيض وجه


متااااااااااابع

[زياد المزرمي]

الراي السديد

صح بدنك يالغالي

ومشكور على المرور الرائع

:)

[حسن إبراهيم الدجيماء]

يا وسمي انته لك ثلاث ايام وانته تستدير = ان كان معجب فالشنب إللحيتك جبنا شنب

طالت قرونك في ذرا النخله وفالسيف الشطير = وقمت اتحدا مطير وعتيبه عريبين النسب


ايه ايه .. يالمطيري ..

لياغاب صاهود مطير ماغابت ..

صح لسانك يالمطيري ..

بدعه كايفه .. وعلى الزقم ..

متاااابع وبشغف ..!!!

[زياد المزرمي]

الدجيماء

صح بدنك ياسنايدي

لا خلا ولا عدم

وعلى فكره يسلم علاك صاهود السلام الواجد

وظروفه لاتسمح له بالدخول :)

[معجب العتيبي]

الله الله


زياد الابداع صح لسانك


شفت معجب احسبه اسمي هههههههههههههه



متااابع

[حسن إبراهيم الدجيماء]

الدجيماء

صح بدنك ياسنايدي

لا خلا ولا عدم

وعلى فكره يسلم علاك صاهود السلام الواجد

وظروفه لاتسمح له بالدخول :)


الله يسلمك ويسلمه .. والله ان له وحشة ..

بلغه سلامي .. وقول له ان الله قدره بيحلها باذن الله ..!!!

[الصميدع المقاطي]

الله الله

متابع متابع وين وسمي غدى

[زياد المزرمي]

معجب العتيبي

صح بدنك ياسنايدي

ولا تشغل الرادارات كلها وتصير حريص هههههههع

اشوف الرجال طلع بس عسى المانع خير :)

[زياد المزرمي]

ياصل سلامك يالدجيماء

وافي مامنك قصور

[أسير القوافي]

صح لسانك أستاذ : زياد :)





وننتظـر .. وسمي نجـد ..





متـــابع عن بعد !

[زياد المزرمي]

بدر المقاطي

صح بدنك يالغالي

وسؤال هو سؤال الجميع

ما ادري وين اختفى :)

[زياد المزرمي]

أسير القوافي

لا تحرجني رجاءا ههههع

صح بدنك يالغالي

ومشكور على المرور:)

[زبن الجعفري العنزي]

ههههههههههههه


صح لسانك يازياد


وفي انتظار ابو شنب الصغير

[زياد المزرمي]

هلا هلا براع الجدعا

وصح بدنك ياسنايدي

مشكور على المرور الرائع

[فرج القحطاني]

يا وسمي انته لك ثلاث ايام وانته تستدير = ان كان معجب فالشنب إللحيتك جبنا شنب

طالت قرونك في ذرا النخله وفالسيف الشطير = وقمت اتحدا مطير وعتيبه عريبين النسب



في سيفنا الموت لأحمر سقنا عتيبه مع مطير=اخذت صبحاء منكم والنار زيدوها حطب
السوق غالي ماجلبت البر في سوق الشعير=اما النسب فعرف ترى قحطان هم ساس العرب

[علي الشهراني]

طيب طيب يا الوسمي


متااابع

[علاي الحافي]

زياد الشطيطي صح السانك لين ترضى

على النيشان اثرك بواردي

والوسمي يجي هو فيه يوم طلبته


وصح
السانه مقدماً

والصف صف

[محمدالنفيلي الحربي]

بدع وافي ورد وافي متابع

[زياد المزرمي]

في سيفنا الموت لأحمر سقنا عتيبه مع مطير=اخذت صبحاء منكم والنار زيدوها حطب
السوق غالي ماجلبت البر في سوق الشعير=اما النسب فعرف ترى قحطان هم ساس العرب


يابو كباري روّح الكبري عسى فالامر خير = والسيف يكرم وانت منا يصرعك ضرب الركب

السوق غالي وانت مالك سوق يا وجه الفقير = ياراعي العرضات والدبكات في حمص وحلب

[زياد المزرمي]

عابر سبيل

صح بدنك يابعدي

ماعلاك زود يالذيب :)

ومشكور على المرور

[محـ العتيبي ـمد]

الله الله


طاروق حامي

صحححت السنتكم جميع

[سيف الجعدة]

بيض الله وجهك يازياد الشطيطي وسمي يباله قمعه من زمان لاهنت

[زياد المزرمي]

محمد العتيبي

صح بدنك ياسنايدي

ومشكور على المرور

[زياد المزرمي]

سيف الجعده

وجهك ابيض يالغالي

ومشكور على المرور الرائع

[عيد بن مرضي]

زياد مبدع الله لا يضرك


وسمي لاهنت


متابع لكم


يا زياد لاشفت الدجيماء على طول
سلّم عليه وشـد راسـه وحبـه
وقله ترا قدرك كما طلـع مفتـول
ماينكسـر لـو الهبايـب تهبـه
وقله ترا صاهود لو يكثر القـول
ما يرفع المشعاب من غير سبـه
ماني على ماصار ياروق مسؤول
غلطة ولد ما خاف ربـي وربـه
بكره يزين الوقت والشده تـزول
وامتع عيونـي بشـوف الاحبـه


الله الله يا صاهووود صح لسانك لين ترضى


والله إنك فقيده والكل يشهد

[أخو جوزا]

السوق غالي وانت مالك سوق يا وجه الفقير
ياراعي العرضات والدبكات في حمص وحلـب


صح لسانك ياالشطيطي

وصح لسان وسمى نجد

[زياد المزرمي]

عيد بن مرضي

صح بدنك يابو مرضي

والابداع مرورك ياسنايدي

تقديري واحترامي

[زياد المزرمي]

اخو جوزا

صح بدنك يالغالي

ومشكور على المرور الذي يضيف للصفحه

تقبل تقديري واحترامي

[فرج القحطاني]

امسيلمه كذاب كذبه ورده في زمهرير=ما نقرب المجروب لمنه غدى فيه الجرب
الصاع يرجع بالف صاع انته ترى وضعك خطير=يا ددسن(ن) ساري طريقه مير لفلف وانقلب

[زياد المزرمي]

امسيلمه كذاب كذبه ورده في زمهرير=ما نقرب المجروب لمنه غدى فيه الجرب
الصاع يرجع بالف صاع انته ترى وضعك خطير=يا ددسن(ن) ساري طريقه مير لفلف وانقلب


وشلون اصحي قلبك النايم يابو قلبٍ كبير = ترا العتب في قدوتك لاصار فالدعوى عتب

اللسانك اطول من يدك ياراعي الكف القصير = واليوم جينا نقطعه وانت الضحيه والسبب

[علاي الحافي]

[quote=زياد الشطيطي;986622]
وشلون اصحي قلبك النايم يابو قلبٍ كبير = ترا العتب في قدوتك لاصار فالدعوى عتب

اللسانك اطول من يدك ياراعي الكف القصير = واليوم جينا نقطعه وانت الضحيه والسبب[/quote



ههههههههههههههههاه


صح السانك

اصابه جيده

[عيد العازمي]

هلا هلا

بزيااد


وصح لسانك


مدهر ماشاء الله كالعاده



وصح لسان الوسمي



شاعر قحطان

[زياد المزرمي]

عابر سبيل

هلا بك ياسنايدي

وامسك الصف والوعد نور الصباح

ههههههههههع << ماسكه غلط

[زياد المزرمي]

العازمي

هلابك زوود

وصح بدنك وهذا ما تعلمناه من حضرت جنابك

هههههه

مشكور على المرور

[علاي الحافي]

عابر سبيل

هلا بك ياسنايدي

وامسك الصف والوعد نور الصباح

ههههههههههع << ماسكه غلط


هههاه

ازهله عندي

مادام هاذي علومك


يالقناص

ههههههههههههههاه

[محـ العتيبي ـمد]

امسيلمه كذاب كذبه ورده في زمهرير=ما نقرب المجروب لمنه غدى فيه الجرب
الصاع يرجع بالف صاع انته ترى وضعك خطير=يا ددسن(ن) ساري طريقه مير لفلف وانقلب


صح لسانك مليوووووووووووووووون ولا يكفووووووووووووووووووون

[زياد المزرمي]

هههاه

ازهله عندي

مادام هاذي علومك


يالقناص

ههههههههههههههاه

كفو ياسنايدي

هههههه

اما قناص :)

[علاي الحافي]

يازياد العلم ويش

نسري ولا وشلون

الاخ وسمي كلمه

ولا اتصل عليه

ورانا دوامات

ربع ساعه وماشين

[زياد المزرمي]

ما قصرت يابعدي

مار سرينا

يمكن الرجال سرا

[حسن إبراهيم الدجيماء]

الله الله يازياد ..

ابيض وجه والله .. وصح لسانك ..

اللسانك اطول من يدك ياراعي الكف القصير
والـيـوم جيـنـا نقطـعـه وانــت الضحـيـه والسـبـب

لاحول ولاقوة الا بالله .. << نعم النهاية ..

متاااابع .. ووصل اللي انت خابر ..!!

[سيف الجعدة]

انت علامك يالدجيما هد نفسك ياولد

[حسن إبراهيم الدجيماء]

انت علامك يالدجيما هد نفسك ياولد

والله مافيني ولاشئ .. لكن مجرد تحفيز ..

وبعدين وش تبانا نقول ..؟؟

واحد بيقطعون لسانه .. مانقول غير لاحول ولاقوة الا بالله ..

[زياد المزرمي]

زيـاد ياحيـك وياحـي هالـزول
اخذ كـلام ابـن الدجيمـاء ولبّـه

وصل سلام الذيب والعذر مقبـول
ماني بمن لااحتاجه الـذرب كبـه

قله معك حنا ولانـا مـع الغـول
اللي غوا في منهجه ويش طبـه؟

الخلـق تتشابـه ولكـن العقـول
اكبـر علامـه فارقـه تفترقـبـه

وان كانني مااحمى كلامي يوم اقول
عقبنـي الفنجـال ياللـي تصبـه

الله الله

صح اللسانك يامبدع

كفيت ووفيت ياسنايدي

وياصل كلامك وسلامك

[علاي الحافي]

يـا وسمـي انتـه لـك ثـلاث ايـام وانتـه تستـديـر
ان كـان معجـب فالشنـب إللحيتـك جبنـا شـنـب


على العموم صح السانك


مادام الوسمي اله ساعه اكيد انه سرى


مايحتاج سرى

والا الاتصال يمكن انقطع اكيد

[حسن إبراهيم الدجيماء]

زيـاد ياحيـك وياحـي هالـزول
اخذ كـلام ابـن الدجيمـاء ولبّـه

وصل سلام الذيب والعذر مقبـول
ماني بمن لااحتاجه الـذرب كبـه

قله معك حنا ولانـا مـع الغـول
اللي غوا في منهجه ويش طبـه؟

الخلـق تتشابـه ولكـن العقـول
اكبـر علامـه فارقـه تفترقـبـه

وان كانني مااحمى كلامي يوم اقول
عقبنـي الفنجـال ياللـي تصبـه

الله الله

صح اللسانك يامبدع

كفيت ووفيت ياسنايدي

وياصل كلامك وسلامك


صح بدنك .. ولاعليك زود طال عمرك ..

[فرج القحطاني]

خذها من كف صاحبك



هذا ترى قلبك على وصفك يابو عظم (ن) كسير=خذا على الحجان واليله نبا لعب الطرب
ترى القراده ما تساوي شي في عين البعير=يابو لأذاني طولها باقول لله العجب

[سيف الجعدة]

ابو التحفيز اللي تعرفه يالدجيما واللي تبا تنقطع يده من تراي ماشفت الملعبه
اتفلسف ومدري وش القصه ههههههههههه

[سيف الجعدة]

ابشرك جاكم الفقيده لقاله بيت ههههههههههههه

[زياد المزرمي]

انته تجينا ساعه وساعه لابن شايق تنير = يلقّمك من باب عرفه والمعرفه وتحسب
اصقه عن علوم الردي وعيني كما عين الضرير = ياراعي النجسه تعال و مد يدك واحتلب

[سيف الجعدة]

يازياد ان كان حيلة وسمي الهبوط بالمعنى والشعر ارفع نفسك عنه وكما قلت الله يطوله عمر ابن شايق تقبلوا خالص تحياتي
أخوكم/سيف الجعدة

[فرج القحطاني]

يا لأخوان هذا اسلوبي اذا ماهو عاجبكم لا تنادوني

واذا ما تبونه ما كملت الراي عندكم


ما ابي احد يزعل علي عشان محاوره ترانا اخوان

[علاي الحافي]

طيب طيب نعطيك على ماتبا:)

ترى القراده ما تساوي شي في عين البعير = يابو لاذاني طولها باقول لله العجب


انته تجينا ساعه وساعه لابن شايق تنير = يلقّمك من باب عرفه والمعرفه وتحسب
اصقه عن علوم الردي وعيني كما عين الضرير = ياراعي النجسه تعال و مد يدك واحتلب


هههههههههههههههههاه

هههههههههههههههههه

الله يعين على ساعة ابن شايق

هههههههههه ننتظر

ونشوف

[سيف الجعدة]

ياخي زبط اسلوبك وامش على المعنى وماش ان شاء الله زعل

[سيف الجعدة]

ترانا كلنا عارفين اللكاعه لكن انقدر مجالس الريجيل

[زياد المزرمي]

تراك تقعد ساعه ياوسمي ماترد

تسوي خروج وتحيرنا نحسبنك سريت

اذا عندك لعب حاضر بحاضر كمل

[زياد المزرمي]

هههههههههههههههههاه

هههههههههههههههههه

الله يعين على ساعة ابن شايق

هههههههههه ننتظر

ونشوف

التلقيم ضروري

ههههههههههع

[علاي الحافي]

يا لأخوان هذا اسلوبي اذا ماهو عاجبكم لا تنادوني

واذا ما تبونه ما كملت الراي عندكم


ما ابي احد يزعل علي عشان محاوره ترانا اخوان

هههههههههههاه

ياخي انت محترم في الكلام


هههههههههاه

لاكن بيوتك عجيبه شكلكم مجموعة شباب

ولا قاطين في استراحه

هههههههههههههههههههههههههههاه

الم تستحي ففعل ماشئت

هههههههههههاه

[سيف الجعدة]

وعان الموضوع موجود باسم ان كان فيك حيل ياوسمي اقرب

[سيف الجعدة]

بس شف ماتروح تاخذ البيوت من احد

[زياد المزرمي]

هههههههههههاه

ياخي انت محترم في الكلام


هههههههههاه

لاكن بيوتك عجيبه شكلكم مجموعة شباب

ولا قاطين في استراحه

هههههههههههههههههههههههههههاه

الم تستحي ففعل ماشئت

هههههههههههاه


استراحه فالمزاحميه

هههههههههههههههههههههههههه

الله يرجك يالحافي :)

[علاي الحافي]

ياخوي اذا انت صامل فالوعد القابله

واتحداك تكشف اي بيت اعطيك اياه

واذا ما مشيت عليك مقلب فلاني برجال :cool:


ههههههههههههههههاه

اثر الرجال ماهو قليل

راح فيها ابن وسام

الرجال واثق يالشطيطي

الوعد الخميس الجاي مع اول الشهر

ههههههههههههههههههههههههههه

[سيف الجعدة]

من اللي راح فيها ياعابر سبيل الوعد زي مايبا

[حسن إبراهيم الدجيماء]

مشكلة التلقيم والله ..

زياد اذا ماجاك الرد في خلال 20 دقيقة يحق لك تسري .. << نظام معاً ضد التلقيم ..!!

وسمي : احترم المكان .. واذا مرة متعود ع الدفن .. ادفن لكن حسن المنطوق .. ماهي هالكلمات اللي

والله استحي اقراها فما بالك اقولها ..!!!!

[زياد المزرمي]

بادين من الساعه 9 ونصف وهالحين 1ونصف

يمدينا ألفنا ديوان

على العمووم اشكر الجميع على المتابعه

وبالخصوص الدجيماء وسيف الجعده وعابر سبيل

وتصبحون على خير

[سيف الجعدة]

امتعتنا يازياد في اول القاف بس نهايته نزلته مع وسمي