ياسلام الله سلام ٍ بصمته معروفه = من نتاج افكاري الحره ونهج اسلوبي \ سلطان الجذع

[عقاب العنزي]

ياسلام الله سلام ٍ بصمته معروفه = من نتاج افكاري الحره ونهج اسلوبي

ابتلشنا في شعوب الاندلس والكوفه = كل منهم قال منّا القائد الايوبي !!

[حسن إبراهيم الدجيماء]

الله الله ..

مشكلة شعب الاندلس والكوفة ..

صح لسانك ياعقاب .. كبير ياكبير ..

وبيض الله وجهك ..

في انتظار الاسطورة الجذع .. وصح لسانه مقدماً ..!!!

متاااابع ..!!!!

[عقاب العنزي]

الدجيما


حضورك دائم ٍ له نكهه خاصه الله يعافيك ويسلمك


صح بدنك

[سلطان الجـذع]

...


مرحبا ترحيب فعله بالعيون تشوفه = يوفي كرام السبال ويكمل الماجوبي !!
المقام اللي تساوو بالمقام صفوفه = كلهم وافين وادناهم يسد النوبي !!

[سلطان الجـذع]

.....

ارحب يالدجيما صح بدنك وحياك الله ...

[صاهود]

فتل

ونقض

كايف صحت الالسن والقلوب جميع

متابع بقوه

[حسن إبراهيم الدجيماء]

متاااابع .. وصحت الالسن والقلوب ..

في انتظارك يالعنزي ...!!!!

[سلطان الجـذع]

...

ارحب ياصاهود ارحب ... شرفتنا بحضوركـ ...

[عقاب العنزي]

البقا والطيب منّكم ماتعد وصوفه = يارجال كل مازرت المحل حيّوبي

الكتاب اللي وصلكم لاتضيع حروفه = ثم نبلش في حساب اذنوبكم وذنوبي

[عقاب العنزي]

صاهود


الدجيما


لاهنت على الحضور

وصحة ابدانكم

[خوي السعد]

الصف سلطاني
بيض الله وجيهكم متابع

[عقاب العنزي]

خوي السعد

وجهك ابيض وبصف سلطان عدك بصفي


شرفتنا

[حسن إبراهيم الدجيماء]

الله اكبر ..

العنزي وش نقول وش نخلي ..؟؟

مااقول غير بيض الله وجهك .. وصح لسانك ..

متاااابع وبشغف ..!!!

[عقاب العنزي]

الدجيما

وجهك ابيض ومتابعتك محل تقدير واعتزاز


لاهنت

[علي الشهراني]

الله الله


بيض الله وجيهكم


شعار كبار و الكبير الله


صحت السنتكم جميع


عقاب - سلطان


متاااابع لكمــــ

[عقاب العنزي]

الراي السديد


متابعتك شرف يالذيب لاهنت


صح بدنك

[سلطان الجـذع]

...


لاتقابلنا بهرجٍ نسمعه ونطوفه = ولاتشرع فوق نفسك للهجاد دروبي !!
انت ميزانك خفيف ولا تقر كفوفه = ماتصيغ اللي تريده زين ... فالمكتوبي!!

[محمد النخيش]

الله الله


متابع

[سلطان الجـذع]

...

ارحب ارحب يالراي السديد .. صح بدنك وشرفتنا بحضور ك

[سلطان الجـذع]

...

ارحب ارحب ارحب يابو غازي

[عقاب العنزي]

لاتقابلنا ترى كل ٍ يسل سيوفه = ياعجوز ابليس عن فعل الخطايا توبي

يالجذع من بيننا تفاحة ٍ منصوفه = الله اكبر كيف تنسى الزاد والمشروبي !!

[سلطان الجـذع]

...

ارحب ارحب ياخوي السعد

ولاهنت على التشريف والمسانده :)

[سلطان الجـذع]

..


هذي اللي لعنزة ومن عنزة مصروفه = ألتسبها يابن وايل مثل لبس الثوبي!!
بارك الله في عقاب مقدرين ظروفه = يلعب المنكوس والا يلعب المسحوبي!!

[عقاب العنزي]

الجذع يااصحابنا لو هي تطول كفوفه = اعرفوا في وسط قلبه مايزيح الخوفي

انت لو تاخذ معانا فالشمال بروفه = كان سمّوك العرب بالشاعر المحبوبي !!

[سلطان الجـذع]

...


:)


الله يعينك على وقتك هذا وصدوفه = تكبر النكبه وتلقى وجهك المنكوبي!!
خلها ياصاحبي فلحافها ملفوفه =مابغيت امركم واخلي يدي وجيوبي!!

[زبن الجعفري العنزي]

الله الله


عقاب العنزي


صح لسانك والصف صفك


ولايهون الاسطوره وصح لسانه

[سلطان الجـذع]

...


ارحب ارحب ياراع الجدعا ...

صح بدنك ولاهنت على مرورك يالغالي ...

[عقاب العنزي]

لاتضحكني وانا ماقد سمعت اطروفه = دام عينك للمساجد والعقل فاللوبي !!

والله اني ماخبرت بمنّه ومعروفه = لوّ اني ضامي تركني وارتشف من كوبي !!

[عقاب العنزي]

راع الجدعا


الصف يزهابك يالذيب لاهنت


صح بدنك

[علي الشهراني]

الله الله


لا زلت متااابع لهذا الطاروق الرائع بروعة شعاره


صحت السنتكم جميع


متااابع

[عيد بن مرضي]

يا سلاام يا سلاام



لعب على مستوى عالي



صحت الآلسن .. متابع للفايده

[السيل-الحافي]

يعطيكم الف عافيه

متابع

للعملاقين


وللجزاله

صحت السنتكم

[سلطان بن دحيم]

صحت الالسن والقلوب

[سلطان الجـذع]

...


عقاب صح لساااااااااااااانك ملايين والى لقاء قادم ..

تشرفت بمجاراتك ولاهنت لاهنت ...


وكل الشكر لكل من سجل مروره هنا


وتصبحون على خير

[عقاب العنزي]

جميع من قام بالمرور لاهنتو وصحة ابدانكم جميع


سلطان الجذع


صح بدنك ولاانت


الشرف لي طال عمرك


لك الشكر والتقدير


..

[معجب العتيبي]

عقاب وسلطان



صحة الالسن



استمتعنا بقراءة المحاوره