شرق النفود وغرب جو السماوه

[ابو عبيــد]

تال العشي عديت راس النزاوه .. وسقت النظر بالعاليه تالي عصير

وذكرت عصرأ مثّلوه السباوه .. عصرأ مضى ياناس مافيه تقصير

عصر البداوه والطرب والعزاوه .. مع ضف قوم يكرمون الخطاطير

لطامت العايل بسرد الفلاوه .. وفي سلمهم للحيل تلقا جزازير

وهنيت شخص مانشاء بالبداوه .. مرتاح ماشاف الضعن والمضاهير

ولاتل قلبه حب ذود(ن) نقاوه .. فنس الخشوم اللي تنومس على البير

لاجاء نهار الورد فيها عداوه .. تدحم هل البوش الحمر والمغاتير

واليا ندبها اللي يعرف النداوه .. تسمع صريح لحيها بالبواصير

سودن طوالن مادخلها رخاوه .. شوف النعش بخدودها عز يامنير

وان شدو البدوان مع درب ناوه .. وجرو جرايرها يبون المحادير

فيها مع الممشى جراه ورهاوه .. يازين رد عيالها تالي عصير

في خايع نبته جديد وحلاوه .. الديدحان مع النفل له نواوير

شرق النفود وغرب جو السماوه .. قبل الشواوي يشترون الحناتير

ولاسج باله بالوفاء والنقاوه .. مع عندليب(ن) ماربت بالجواخير

يطرب لها المشتاق كل الطراوه .. عسلوجتن ماهاتفوها النواطير

ماهوب مثلي فيه هم وشقاوه .. اليا ذكر نزل السلف والدواوير

عاف الحضاره والكلا والهداوه .. حضارة فيها الطفش والمزامير

والنوم فيها والكسل والرادوه .. وراع الولع فيها يشوف التفاكير









الشاعر : عيد بجاد معوض ابن شدة العتيبي

[ابن صنهوت]

صح لسانك مبدع والبداوه راحت معاد ابه بدواه الله يعين

لاهنت

[علي الشهراني]

صح لسان الشاعر


و لاهنت على النقل

[عبدالله الفهد الاسعدي]

صح لسان الشاعر

موفق

[ابو عبيــد]

صحت ابدانكم جميعً لاهنت

[ابو حاتم الموج]

صــح لسانك يامبدع .. على هذه الابيات الطيبة

[ابو عبيــد]

صح بدنك يالخطيب لاعدمنا هالطله الغاليه علينا