ابو زيد رمحه فاللقا خادمن شلفاه== حبيب العازمي --افزع لنا يابوفايح

[صاهود]

يالربع اليوم علي قناة الساحه طلعو لعبة حبيب العازمي وعبدالله الميزاني

ومنها هذا البيت


ابو زيد رمحه فاللقا خادمن شلفاه=

وش قصده حبيب العازمي نبغا تفسير ياهل المعاني

هل يقصد تركي الفين

هل يقصد صوت تركي خادم شعره

وشبه الصوت يالرمح وشعره شلفه والرمح اكبر واقوا من الشلفه يعني ماش شعر

افزع لنا يابوفايح فالتحليل

[مرزوق الجعيد]

صباااااااح الخير

هذا وانت شاعر يا صاهور بلشانن بها هههههه

ابو زيد=حبيب

رمحه=لسانه

شلفاه=يده

وقد يكون هناك تفسير اخر ولكن هذا ما اعتقده

وفي انتظار

دكتور التحليل

ابو فايح

[علي خيران العتيبي]

مرحبا صاهود


والله انا جاي بقول

مثل ما قال الجعيد

الا

رمحه = شاعريته

و لكن انت اخبر مننا يا خلف

و عند ابو فايح الخبر الاكيد :)

[صاهود]

مرحبا صاهود


والله انا جاي بقول

مثل ما قال الجعيد

الا

رمحه = شاعريته

و لكن انت اخبر مننا يا خلف

و عند ابو فايح الخبر الاكيد :)

هي ماهي بالخبره

ياعلي

هي فراسه وانا مرثع فيني لبن الصميل ههههههههههههه

تركي كان متواجد فالحفل

لان اخر بيت لحبيب

يقول == هذا شاعر المطران واحرص علي شرواه=لوان اكثر المطران فالرجل مغتره

والله اعلم

[صاهود]

صباااااااح الخير

هذا وانت شاعر يا صاهور بلشانن بها هههههه

ابو زيد=حبيب

رمحه=لسانه

شلفاه=يده

وقد يكون هناك تفسير اخر ولكن هذا ما اعتقده

وفي انتظار

دكتور التحليل

ابو فايح



شاعر يالله السلامه يالجعيد

انا ماغير وزن وقافيه

ماعليك من البهرجه

ننتظر ابو فايح ونسمع رايه

تركيبة البيت غريبه

[علي خيران العتيبي]

ههههههههه

والله ما يندرى

حبيب و عبدالله

خصوصا ما تدري شيقصدون الا بعد ما تسمعها ثلاث اربع مرات والله

و لعباتهم الي بينهم هي الاجمل تالي الوقت

[محمد ابن رووق]

على قولت الاخوان انت شاعر وابخص لو ان الموضوع موجه الى ابو فايح لكن نحب نشارك


في الموضوع حتى تعم الفائده اعتقد من الصعب اي من الشباب يحكم على المعنى من بيت واحد


لو جبت بيت الميزاني اللي قبل يمكن يتضح شي

[سعود البرقاوي]

ياليتك ياصاهود تورد المحاورة كاملة هنا !!!!!!

[ابو فايح]

حبيب العازمي

سلامـي سلامن فيه معنى وأبـا معناه
........................................على الشاعر اللي جرَته تدفن الجرَه
يـقـولـون عبدالله عـلشـان ذاك وذاه
........................................يجيب الحصا في نجد من حرَت الحرَه

سوار الذهب

هلا مرحبا ليلـك سحـاب أوَلـه وأتـلاه
........................................يحـوَل بـرد فمـراه ويسيـَل الـبـرَه
يقولون شركه بين الأقدام والجمهاه
........................................وأنا ما عليَ من العوازم ولا المرَه

حبيب العازمي

وصلك السحاب اللي يسابق بروقه ماه
........................................ويعطيك من خيره ويكفيك من شرَه
أبو زيـد رمحه فاللقـا خـادمـن شلفـاه
........................................وحظَه بناله بيت مع عالم الذَرَه

سوار الذهب

حبيب ولـد لكن ويـش أضحكـه وأبكـاه
........................................يـجوز السـبب صياف ومحمد الـدرَه
هـذا العازمي ياطول صبره على ماجـاه
........................................عيونـه صغـار ويقطع الحبل ويجـرَه

حبيب العازمي

حبيب مـاخـلالـه حسـوفـه على دنـيـاه
........................................وعبدالله اللي شاب والكبد محتـرَه
هذا اللي يبا يداوي ضرير العرب وأعماه
........................................عيونه كبار وساع والكحل ماذرَه

سوار الذهب

على مـاتبـا يـاحلـو ياللي قـليـل حـلاه
........................................يحاول سنيـن يحط فـي ظلـم مـغتـرَه
ربـط محزمـه واشتـال حـمله ولاوطَـاه
........................................على جرَتـه نسمع عتيبـه لهـم صـرَه

حبيب العازمي

بعد راعـي الدكـان قـفـَل على المقضـاه
........................................تـحفـَر قبـور الناس وتـدوَر الـصـرَه
هذا شاعر من مطير وأحرص على شرواه
........................................ولـو أكثر المطـران بالرَجـل منغـرَه

سوار الذهب

وألا يـابراد الـما دخيلـك على حـمـَاه
........................................عليه أربعين من المظلات منشرَه
أنـا ماوردت العـدَ حـتَى تـفيـَح مـاه
........................................ولـو آرده مـرَه تساوي مية مـرَه

حبيب العازمي

تنادي ملـوك الجـن والجـن قالـو هـاه
........................................وخطَتـك مكشوفـه ونـيَتك مفتـرَه


هلا بصاهود هذا الطاروق كامل ونزل فالمنتدى اكثر من مره والحقيقه محاوره رائعه كل ما أقراها كاني أقراها اول مره


من البدايه حبيب طرق معنى لاأدري هل سوار الذهب صاده او لا

أعتقد ان بيت سوار الذهب الثاني يقصد قناة المرقاب وانها شراكه بين حبيب وناس معه
وبعده جاء بيت حبيب اللي تسال عنه وهو افتخار بنفسه مافيها كلام وبشعره مثل ما قالوا الاخوان



بعدها هناك شوية وضوح عن شاعرية حبيب وعن سوار الذهب

وبعدها اعتقد سوار الذهب يتكلم عن محاورات النخبه على المرقاب ويقول (يحاول سنين يحط في ظلم مغتره )


هذا شاعر من مطير وأحرص على شرواه
........................................ولـو أكثر المطـران بالرَجـل منغـرَه

البيت هذا المقصود به سوار الذهب واني احرص على اللعب مع شرواه
ويستدرك الامر ويوجه الكلام لمطير انها فيه منغره سواء انهم لايعرفون قوة شاعريته ويمجدون غيره او العكس يرون انه شاعر الشعراء وهو غير ذلك .

كل هذا اجتهاد شخصي ربما يكون صائب وربما يكون خاطئ والمجال مفتوح لبقية الاخوان ويبقى المعنى في بطن الشاعر

[& محمد خالد القحطاني &]

الله لايهينكم جميع ومثل ماقال ابو فايح
يبقى المعنى في بطن الشاعر

لاكن في بيت الميزاني اللي يقول
هـذا العازمي ياطول صبره على ماجـاه


اعتقد يقصد موال تركي الموجه لحبيب

والبيت اللي يقول حبيب

هذا شاعر من مطير وأحرص على شرواه
ولو اكثر المطران بالرجل منغرة
الرجل اعتقد تركي الفين
اي احرص يعبدالله اعتقد كذا وليس حبيب اللي يحرص

[المرقاااب]

الله لايهينكم جميع ومثل ماقال ابو فايح
يبقى المعنى في بطن الشاعر

لاكن في بيت الميزاني اللي يقول
هـذا العازمي ياطول صبره على ماجـاه


اعتقد يقصد موال تركي الموجه لحبيب

والبيت اللي يقول حبيب

هذا شاعر من مطير وأحرص على شرواه
ولو اكثر المطران بالرجل منغرة
الرجل اعتقد تركي الفين
اي احرص يعبدالله اعتقد كذا وليس حبيب اللي يحرص

الطاااااروق هذا كاان قبل موال تركي وحبيب......
لاهنت يااارااعي الموضوع.....دااائما يلعبوون بغمووض ويعكسوون المعنى....
محاورااتهم هي اجمل محاورات الوقت الحالي.......
ابو زيد رمحه فاللقى خادمن شلفااه<رد على بيت سوار الذهب مثل ماوضح ابو فايح ان القناة شرااكه بين حبيب وغيره او ان فيه احد معااونه عليها>
فرد عليه فالبيت موضحا انه جابها بذرااعه
وسلامتكم....

[المرقاااب]

وألا يـابراد الـما دخيلـك على حـمـَاه
........................................عليه أربعين من المظلات منشرَه

هذا البيت كل مااقراه او اسمعه القا له تحليل......ياليت تفيدوونا يااهل الخبره عن المعنى لهذا البيت لاهنتووا

[شمروخ ابن عايد]

المعنى معروف لدي .

استغرب من الذين يقولون قناة المرقاب !!!!!!!!!!!!!! لان بادع المعنى هو حبيب وليس سوار الذهب .

كذلك من يقول أن حبيب يقصد موال تركي 2000 لأن هذه المحاورة سبقت الموال الذي اقيم في نفس الحفله .


ابا اكتب لكم التحليل في وقت لاحق ان شاء الله .

[المرقاااب]

صدقني تحليلها صعب خصوصا ان الشعار هم حبيب وسوار الذهب
لو اقوولك ان معنى الطااروق كان في ملفي وتركي هل تصدق؟؟؟؟؟
ياليت تفيدنا بمعنى الطاروق وجزاك الله خير على المجهود

[سرحان 511]

.

..

أبو زيـد رمحه فاللقـا خـادمـن شلفـاه***وحظَه بناله بيت مع عالم الذَرَه

انا يابو فايح لي تعديل على التحليل

حبيب يقول

ابو زيد شعره في المعلبه خادم لقناته***وحظه اسس له قناه كبيره مع القنوات الصغيره :)

تقديري

.

..

[طلال ناشي]

الطاروق الذي أحرجني كثيراً

ما أوردته ياصاهود

تمنيت أني لم أحضر تلك الحفله بسبب هذا الطاروق


لذاك سجل مشاركتي بدون تعليق ...

[محمد الكرشمي]

معنى هذا البيت هو قناة المرقاب والدليل هو عندما قال سوار الذهب
يقولون شركه بين الأقدام والجمهاه
1- هنا يقصد سوار الذهب بإن القناه ليست لك وحدك وأن لك فيها شريك
........................................وأنا ما عليَ من العوازم ولا المرَه
2- أما هنا فيقول انا ما علي منكم فقط أردت أن أوضح للناس بإن القناه ليست لك أنت وحدك
هنا رد حبيب >الشبح< عندما قال
أبو زيـد رمحه فاللقـا خـادمـن شلفـاه
1- هنا يقول حبيب انا يحق لي أن يفتخر بي شريكي في القناه وكأنه يقول أنا صاحب الجماهيريه الكبيره ولولا الله ثم لولاي لما أفتتحت القناه
........................................وحظَه بناله بيت مع عالم الذَرَه
2- وهنا وضح المعنى بإن له قناه من ضمن القنوات الفضائيه
وشــــــــــــــــــــــــــكـــــــــــــــــــــ ـــــــــراً ^_^

[وحي العقل]

/
/

اختلف العلماء :):):)

اعتقد ان المعنى ابعد بكثير من ماترمون إليه

[سرحان 511]

.

..


8


8

يوسف ايها الصديق افتنا

افتنا في طاروق حبيب وسوار الذهب:(

وانبئنا باعتقادك الذي تراه ابعد من ما نرمي اليه

:) :) :)

.

..

[احمد منير الواصل]

مشكور اخوي شمروخ والله يجيب المعني

[فهيد الايدا المورقي]

سلامـي سلامن فيه معنى وأبـا معناه
........................................على الشاعر اللي جرَته تدفن الجرَه
يـقـولـون عبدالله عـلشـان ذاك وذاه
........................................يجيب الحصا في نجد من حرَت الحرَه

حبيب يقصد في معناه ان سوار الذهب فزع لتركي 2000 في شاعر المليون بقصيده


هلا مرحبا ليلـك سحـاب أوَلـه وأتـلاه
........................................يحـوَل بـرد فمـراه ويسيـَل الـبـرَه
يقولون شركه بين الأقدام والجمهاه
........................................وأنا ما عليَ من العوازم ولا المرَه


سوار الذهب اعترف وقال انا متفقين شراكه انا ولد عمي ولاتروح لقبيلة ثانيه


تحيتي

[مهدي]

حللت لكن ما وصل التحليل الصحيح الى الان
مشكور يا صاحب الموضوع

[الجوراسي]

سؤال/ لماذا محاورات عبدالله الناجحة والشهيرة مع حبيب العازمي فقط؟

[شمروخ ابن عايد]

سؤال/ لماذا محاورات عبدالله الناجحة والشهيرة مع حبيب العازمي فقط؟



هذا لأنك لاتتابع الا حبيب .


أنا أرى ان انجح محاورات سوار الذهب هي مع الشاعر المبدع نواف العازمي رحمه الله , شاعر كبير ومبدع ولايمكن يلعب الا على معنى ثقيل وقوة بيوت ودهاء وقوة ردود .

كذلك مع فيصل الرياحي محاوراتهم دائماً قمة .


ومع مستور العصيمي ولو أنها أقل من الشعراء السابقين لكنها رائعة دائماً .

[الجوراسي]

ههههههههه

لا انكر انني من اشد المتابعين لحبيب

ولكن حتى المحاورات المطروحة في المنتديات

والمنقولة في القنوات نادراً مانجده مع غير حبيب

[الثاقب]

اوشي عبدالله مامشى على معنى حبيب في بداية الطاروق


يـقـولـون عبدالله عـلشـان ذاك وذاه=يجيب الحصا في نجد من حرَت الحرَه

وقد يكون مايبي يتطرق للمعنى عبدالله او مثل ماقال ابوفايح ماصاده وبدأ معنى جديد.



معني عجز بيت حبيب

أبو زيـد رمحه فاللقـا خـادمـن شلفـاه

المقصود بالرمح هو لسانه ( الشعر ) والشلفا هي قناته ( الشهرة )


لان سوار الذهب يقول:


يقولون شركه بين الأقدام والجمهاه=وأنا ما عليَ من العوازم ولا المرَه

ومقصدة ان حبيب انشاء القناة حتى يبرز نفسه ويكسب شهرة كونه شاعر وصاحب قناة وقال عن نفسه انه لايهمني ان اتقرب من شخصيات مهمة وغيره


فكان رد حبيب


أبو زيـد رمحه فاللقـا خـادمـن شلفـاه=وحظَه بناله بيت مع عالم الذَرَه

ويقصد ان شعري فقط قد جعلني مشهور ومهم قبل القناة ليست القناة غايتي للشهرة ولكن من الخير الذي عندي انشأت قناة لايستطيع انشائها غير الكبار

[شمروخ ابن عايد]

اوشي عبدالله مامشى على معنى حبيب في بداية الطاروق


يـقـولـون عبدالله عـلشـان ذاك وذاه=يجيب الحصا في نجد من حرَت الحرَه

وقد يكون مايبي يتطرق للمعنى عبدالله او مثل ماقال ابوفايح ماصاده وبدأ معنى جديد.



معني عجز بيت حبيب

أبو زيـد رمحه فاللقـا خـادمـن شلفـاه

المقصود بالرمح هو لسانه ( الشعر ) والشلفا هي قناته ( الشهرة )


لان سوار الذهب يقول:


يقولون شركه بين الأقدام والجمهاه=وأنا ما عليَ من العوازم ولا المرَه

ومقصدة ان حبيب انشاء القناة حتى يبرز نفسه ويكسب شهرة كونه شاعر وصاحب قناة وقال عن نفسه انه لايهمني ان اتقرب من شخصيات مهمة وغيره


فكان رد حبيب


أبو زيـد رمحه فاللقـا خـادمـن شلفـاه=وحظَه بناله بيت مع عالم الذَرَه

ويقصد ان شعري فقط قد جعلني مشهور ومهم قبل القناة ليست القناة غايتي للشهرة ولكن من الخير الذي عندي انشأت قناة لايستطيع انشائها غير الكبار



يالحبيب أنت تحلل المحاورة كلها بشكل خاطئ , فعليه تقييمك سيكون بلا اساس , والمعنى ليس ماذكرت على الاطلاق .

[شمروخ ابن عايد]

ههههههههه

لا انكر انني من اشد المتابعين لحبيب

ولكن حتى المحاورات المطروحة في المنتديات

والمنقولة في القنوات نادراً مانجده مع غير حبيب












محاورات سوار الذهب مع الشاعر المتمكن نواف العازمي كثيرة جداً , وكذلك مع الرياحي , وملفي المورقي , ولو أن المورقي لايتقن أحياناً فك الرموز واللعب المدفون .

وهناك محاورات رائعة أيضاً بين سوار الذهب والمرحوم عبدالله العير , وهو من الشعراء المتمكنيين رحمه الله .







وسأعطيك نماذج عن محاورات نموذجية له مع شعراء كبار .








هذه محاورة ثقيلة , وأعتبرها درس نموذجي لكل من أراد الابحار ومعرفة شعر المحاورة على أصوله , ولو غصنا في هذا المحاورة لوجدنا الكثير .

وهي بين الشاعرين سوار الذهب ونواف العازمي رحمه الله .




نواف العازمي :

يامرحبا من هجوساً صادقاً ماهو بكذاب *********** بأصحابنا اللي تواعدنا وتوفي في وعدها
بضاعة السوق وسط السوق ياللي تفتح الباب ******* وأنا اعرف الأوله والثانيه واللي بعدها

عبدالله غازي :

دام البقا بالصحيب اللي يعدي كل مرقاب ******** يخايل المزنه اللي سيلها يسبق رعدها
بضاعة السوق مابين الشرار وفتل الاشناب ****** يشفق على سلعة البيّاع شراياً فقدها

نواف العازمي :

ياأصحابنا اللي يربون اللحى وتحف الأشناب ****** اتعلم اللي يجيب اخبارها لو مانشدها
الناس يامطير في تال الليالي صارت احزاب ******* وأحزابكم قمت اعددها ولايحصى عددها

عبدالله غازي :

الساحر اللي دفن سحرك وثارت فيك الاسباب *** والأرض تبكي على الطيّب تضمه في لحدها
جابتك من تحت الارض الحيه اللي جابت الداب **** والنفس مادري يصدق جدها ولا جهدها

نواف العازمي :

يااصحابنا ياأهل الضفة فضحتونا فالاجناب ***** من حبكم للشهاده ترمي المرضع ولدها
خلوني أضرب بسيفي كل ماحصلت مضراب *****هاذي علوم الحقيقه ياابن غازي واعتمدها


عبدالله غازي :

الكون كله مجرات وسماء ونجوم وتراب ******* كم واحداً يطلب الحاجه ويرجع ماوجدها
ياراس مشعاب في هذا السنه ماانته بمشعاب ***** والعين مادري يصدق دمعها ولا رمدها


نواف العازمي :

الناس راس وذنب وانتم كماهم روس وأذناب ****خل النمـاره تنـزل روسهـا وتمـد يدهـا
ماودي انك تغيب نورهـا والنـور ماغـاب**** لو مامعك حجة فالمحكمـه تثبـت سندهـا

عبدالله غازي :

حنا لقيناك يابيت الشعـر عمـدان واطنـاب ***** ماتستعـز البيـوت وبنيهـا كنـه هـددهـا
يالعازمي مايجي معنى الزمان حروف وكتاب *****خل البـلادا تعيّـد عيدهـا داخـل بلدهـا


نواف العازمي :

راحت بيوت الشعر والشعر مع سعدون وعقاب *****ياصاحبـن لامناسيـب البيـوت ولاعمـدهـا
الليله انته لذيك وذيـك لازم تحسـب حسـاب ***** وان شفت برق السحابه زادجنب عن نصدهـا



انته ثنا عشر سنه تومي على راسك بمشهاب *****وحنـا نسمـي عبدهـا اول مـن عبـدهـا
اما تجي بالرضا والطيب ولا بـأم غصّـاب ****** ياطيب الفال من حل البيوت ومـن عقدهـا























وهذه محاورة نموذجية ايضاً , وقوية كمعنى ومبنى وإبداع لايمكن تكراره في ميادين الشعر الا نادراً , وابداع بالذات من سوار الذهب ومجاراة قوية من المرحوم العير .


سوار الذهب :

سلام مني شهر دنيـا سنـة ديـن = ياليت عبـدالله الشاعـر يراعـي
ياطور سينـا ويالزيتـون والتيـن = موسى سرح مع بنات شعيب راعي

العير :

يامرحبا وانت وين وماتبا ويـن = الناس ركبت على النقل الجماعي
الظبي ابو قرن عارضني بقرنين = متوجهـاً للذيابـه والسبـاعـي


سوار الذهب :

في مسجد العيد ياكثر المصلين = روس المصلين ياروس الافاعي
ماتنتسمى عمى وانته معك عين = لكن موج البحر غطى السواعي


العير :

ماباقي الا تقول الهم على يمين = تراك مانته وزير امرك مطاعي
الوقت طوّل يدين وقصّر ايدين = لاشمس طلعت ولابه زبد ماعي

سوار الذهب :

جبت الاشده وضيعت البعاريـن = وترقّص الجوع فبطون الجياعـي
اجبال الأقصين وشعيب المواليـن = يمطر عليها المطر من غير داعي


العير :

مانيب رب اليتامى والمساكيـن = يبكون وهمه من النعمه شباعـي
قالوا لي انك نهار نحارب حسين = متجوداً في ذنب عنزاً رباعـي


سوار الذهب :

لاتحرق الطين ابوك آدم من الطين = والفرق بين الشريعه والشراعـي
صاحين يهل الهدى والا مجانيـن = ياللي تذيعـون علمـاً مايذاعـي

العير :

تمتعوا بالحياه وصروا العين = يابدو يهل الزبادي والمراعي
لكن ابا اشد واشيل المواعين = واللي يبا يطيح ماعده متاعي


سوار الذهب :

عيال تسعه ماهم بعيال تسعين = القلب ميت ورمش العين واعي























وهذه محاورة نموذجية بينه وبين الشاعر فيصل الرياحي رحمه الله .


عبدالله غازي ( سوار الذهب ) :


هلا مرحبا والباب غيره ميـة بـاب = على شان غض الطرف غير الطرافه
ابو بدر يطري له شبابه ليـا شـاب = ولا ادري يخيف الموت والا يخافـه

الرياحي :

يدوم البقا من هاجساً فيه هنـداب = تحـب الادب والاتحـب اللقافـه
تمشّى يا عبدلله ورا راس مشعاب = وابو بدر من دونه تطول المسافه

سوار الذهب :

ميادين مشتاقـه لأبوزيـد وذيـاب = على شان يبطل سوق راع الكنافـه
وطت جرة الحيه على جرة الـداب = على اول مطاف الداب وآخر مطافه

الرياحي :

ابو عقل يدري بالقضيه والاسباب = وابوجهل يحسبها مزووح وخرافه
ترا جمله الداب محفوظه بالاعراب = بعد ماتت الحيه ماعنـده حسافـه

سوار الذهب :

ابا اقول لك قصه على قص الأرقاب = ولا اقول وين العرف وانت العرافه
لقيت النعش فوقه نصيبه ومنصـاب = وانا مااحسب التحريف مثل الحرافه

الرياحي :

مادام اللحى تسكن تحت ظل الأشناب = عسى صورة الصحاف تحت الصحافه
لو ان النعش يا فلان صندوق قـلاب = ملينـاه مـن بقعـا ولا مـن كلافـه

سوار الذهب :

وش الفرق مابين الصحابه والاصحاب = على طول وانته ضيف منته ضيافـه
ويا قلب يامشغوف في عد الانسـاب = ما غير انشغاف العاشقيـن انشغافـه

الرياحي :

تبـا تفتـح الدنيـا ثلاثـيـن دولاب = و تلقـا معـزب والكـرم لا تعافـه
عسى لله يساعدنا على حرب الارهاب = ولا ينظف الا مـن يحـب النظافـه

سوار الذهب

قديحه وصوانه ولا فـاس حطًـاب = واكيد الظرووف تحول دون الظرافه



















كذلك محاورة نموذجية بينه وبين مستور العصيمي .


مستور العصيمي :

ياسلام الله بحفل مطيـر حمـران النواظـر = الرجال اللي مع الإعـلام مرفـوعاً علمهـا
الشعر من هيض والا غيض وافكار وخواطر = من لقى لـه فرصـةًً فـأول حياتـه يغتمنهـا



عبدالله الميزاني :

ياهلا يا مرحبا . يامرحبا حاضر بحاضر = الله الله يا مواطي رجلهـا مـدري قدمهـا
انت يامستور شاعر فيك شي من المشاعر = مير حنا ما نبي طبخه لحمها فـي شحمهـا



مستور العصيمي :
الشعر مايطلع الا من مشاعر وأنت شاعر = يعرفه من يعرف حقوق الرجال ويحترمها
أرضنا فيها العجايب والبحر فيه البواخر = خل صناع الحلي حول العقود اللي نظمها



عبدالله الميزاني :

أنطقوها باللسان وسجلوهـا بالدفاتـر = وش يورا خادم الدنيا وغيره ما خدمها
دقه البيبان ماهي شي مع دق الخناجر = والمنايا يالعصيمي موت مايرحم سهمها


مستور العصيمي :

الليالـي ماتعلـم بالـحـدث بـاطـن وظـاهـر = ميـر رعيـان الغنـم ماتفلـح الا فـي غنمـهـا
انت الأوسط من مطير ولا انت الأول ما أنت الأخر = ميـر غيـرك مايعلـم بالحلـوم اللـي حلمـهـا



عبدالله الميزاني :

انتهت هجرتك ياعبدالرسـول ولا تهاجـر = من بنى القبه على راس الشريف ومن هدمها
كل ماجينا نصب الكحـل مانلقـى محاجـر = والغشيم اليا لقى الصخره على دربه غشمها



مستور العصيمي :

الهروج العوج للرجال مافيهـا تفاخـر = صل لّله واعبده واهل الصنم تعبد صنمها
نصها يم الحجول ونصها في ريع ذاخر = لي صحيبٍ ياكل التمره ويلحقها عجمها



عبدالله الميزاني :

ابتدأ التفصيل .. توصيل القلوب اليا الحناجر = كـل مابـروا تهامـه يالعصيمـي تتهمهـا
الصوابر بيض وأنته من زمان العام صابر = والغريبه راسها واخناعهـا يكتـم نسمهـا





















كذلك محاورة نموذجية مع حبيّب العازمي .

حبيب :
سلام بقاف للعراف مطـوي مثـل طـي البيـر = وطـي البيـر يحفضهـا مايدفنهـا علـى ماهـا
أنا شاعر ولي وجهة نظر وحـده فقـط لاغيـر = أقول الشعـر غبـه مـن طفـح عنهـا تعداهـا



عبدالله :
هلا يامرحبا ترحيب يسبح فـي بحـر ويطيـر = يحـل مـن الديـار اللـي حبـيـب ماتحـلاهـا
كلامـك مايتعبنـي بسيـط ولايـبـا تفكـيـر = ابا اكتبلـك حـروف منقطـه بسطـور ومحاهـا

حبيب :
والا ياطير يالي مايشوفـك غيـر جـن مطيـر = متـى تلقـى الطيـور اللـي مخاليبـك تعشاهـا
ياعبدالله هداك الله تـراك بخيـر وانـا بخيـر = لاكن الرجـل يتعـب فـي لزومـه ليـن يلقاهـا

عبدالله :

أقول انك واشك انـك تبيـع الاجـر بالتأجيـر = وهـاذي عدهـا يالعـازمـي وانــا اتعـداهـا
أبو سبعة كفر يمشي ولاهـو مثـل ابوجنزيـر = ابوجنزيـر يسـرف فالجبـال الـيـا تـولاهـا

حبيب :

أنا مانيب مثل اللي يقولـون الذهـب قصديـر = واخو مـره علـى الجـره لاكحلهـا ولا عماهـا
لون الذيب يمشي لين يصدم فـي جبـال النيـر = مصيبـة قـوم صالـح نـاقـة الله وسقيـاهـا

عبدالله :

أنا ماقول فيـك اطقـوق لاقاصـر ولاتقصيـر = ليـا ضيعت لـك حاجـه بعـد شهريـن تلقـاهـا
من اللي يحسبن الخمروالميسـر لحـم خنزيـر = والارض وماطحاها من ضحاهـا الليـل يغشاهـا

حبيب :

ليا طاب المريض من المرض وش حاجة التقرير = نهايـة علتـه يومـن ربـي يـسـر ادواهــا
عطاك الله من هموم الليال السود حمـل بعيـر = وحدتك الجمـال اللـي هديـرك ضـاع فرغاهـا

عبدالله :
سمعت انك عميل(ن)تدعـم الارهـاب والتفجيـر = من اللي كنت تنفـض راسهـا وتحـك علباهـا
ولاكـن البنـادم ماعليـه ان المصيـر يصيـر = وتطهيـر النفـوس احسـان نيتهـا وتقـواهـا

حبيب :

كبنك قد قضيت اسبوع في كابل وفـي كشميـر = وحالـق لحيتـك وتعيـر العـربـان بلحـاهـا
ولا يالزير سالـم ليـت مثلـك لونـص الزيـر = علشان العرب تعـرف عصاهـا اللـي تعصاهـا

عبدالله :

والا يالعازمي مسـرع ومتهـور بـدون انبيـر = ولا يازينهـا لـو القـدور البـيـض بغطـاهـا
أكل مفرودها سبع الخـلا وازرت تـرام الضيـر = ولاندري مـن اللـي عندهـا ويـروح ماجاهـا

حبيب
أناخابرك ماتسـرع ولاكنـك عكسـت السيـر = وجتك النجده اللـي يقبـس ادناهامـع اقصاهـا
عساهـا ماتـرام الا بعـد يحصلهـا تدبـيـر = وعبـدالله يرعاهـا مايـدري كـيـف يرعـاهـا























هذه نماذج مع كبار الشعراء , ومحاورة واحدة فقط مع كلاُ منهم كمثال للتوضيح لاغير .


وسوار الذهب يبدع أينما وجد الشاعر الكفؤ , ويتضايق كثيراً من الشاعر بسيط المعرفة في الشعر , أو الذي يخطئ في فهم اللعب ولايتقن فك رموزه , أو يتناول معانيه بسطحية وشاعرية ضعيفة .

[الثاقب]

يالحبيب أنت تحلل المحاورة كلها بشكل خاطئ , فعليه تقييمك سيكون بلا اساس , والمعنى ليس ماذكرت على الاطلاق .

من حقك ان تطرح وجهة نظر ياشمروخ ولكن لم تصل لمرحلة التصحيح والتخطية على تحليل معاني الشعراء لان من خلال متابعتي للمنتدى من فترة قبل التسجيل اجدك دائماً الحلقة الاضعف في المحللين وفاقد الشئ لايعطيه

وحتى تعرف مستواك في تحليل معاني الشعراء وبعد ان اصبحت في زاوية حملت اللوم على الشعراء اليك هذا الرابط

http://www.otaibah.net/m/showthread.php?t=101198&page=3


واكرر لك حق طرح وجهة نظر مثلك مثل غيرك في التحليل ولكن بينك وبين التخطية والتصحيح للمحللين في تحليل المعاني مسافة طويلة

[شمروخ ابن عايد]

من حقك ان تطرح وجهة نظر ياشمروخ ولكن لم تصل لمرحلة التصحيح والتخطية على تحليل معاني الشعراء لان من خلال متابعتي للمنتدى من فترة قبل التسجيل اجدك دائماً الحلقة الاضعف في المحللين وفاقد الشئ لايعطيه

وحتى تعرف مستواك في تحليل معاني الشعراء وبعد ان اصبحت في زاوية حملت اللوم على الشعراء اليك هذا الرابط

http://www.otaibah.net/m/showthread.php?t=101198&page=3


واكرر لك حق طرح وجهة نظر مثلك مثل غيرك في التحليل ولكن بينك وبين التخطية والتصحيح للمحللين في تحليل المعاني مسافة طويلة



يالثاقب أنت تتعابني من مبطي أجل ( وجه مبتسم )

وتسجيلك جديد الظاهر أن تسجيلك لحاجة في نفس يعقوب .




يقولون الأولين ( عسى الطيّب من عربنا ) وأن أقول عسى فيك بركة ونستفيد منك بإمتاعنا بالتحليل والنقد السليم للمحاورات وعليك بإثبات نفسك .




إما هذا المحاورة صدقني أنك حادر شعيب وماانت حول معناها ابد , وأسمع اخوك وتأكد من كلامه , وأنا أعامل الناس بإريحية , الحقد واللعانة ماتجي في قاموسي ابد .

[الثاقب]

اكيد ماسجلت غير بشارك وافيد واستفيد

اما تحليل المعنى من وجهة نظري فلا يهمني رايك لامن قريب ولامن بعيد نهائي لانك لازلت تفتقر للنظرة الثاقبة في التحليل

انا لا اعيب عليك اجتهادك ومحاولتك اصطياد هدف الشاعر وفشلك في كل مرة ولكن لاتتعدى لتصنيفات لم تصل لمستواها

[شمروخ ابن عايد]

مافيه مشكله يالثاقب .


كثروا المحللة ويعتقدون أن الأمر سهل , والله كريم .