محاوره من العيار الثقيل

[سيف الجعدة]

مصلـح بن عياد




يـاسـلام الله عليـكـم مـــن هـجــوسٍٍ مـاتـبـدل
مــا يغيـرهـا الـزمـان و لا يغيـرهـا المـكـانـي
نـعـم والله بالـرجـال الـلــي فعايـلـهـم تـجـمـل
واضحه مثل القمر و الشمس وسهيل اليماني




مستور العصيمي




مرحبـا بالشاعـر اللـي كــل مــا قــام يتحـمـل
اهرج اهرج مع عتيبه و انت مطلوق اللساني
انــت راعــي حـجـة تطـلـب طـلـب ولا تـعـلـل
ما تجي لـك ماتجـي لـك يـا عميلـي بالتمانـي



مصلـح بن عياد




كل ماعدل عصـا دنيـاي عيـت مـا تعـدل
و السنين الباقيه مدري تسع و لا ثماني
حجتـي وردتـهـا للـعـد و حبـالـي مفـتـل
و العصيمي شـاب راسـه بيـن....و.....



مستـور العصيمي




الشعـر مـا هـو حديـثٍ مــن كـتـاب الله مـنـزل
وينهـا حجـتـك قـلـي يــا فــلان ابــن الفـلانـي
كيف صناع السلاح امن السلاح امسـى معـزل
و انت ساكن في ديار الخوف و لا في الاماني



مصلـح بن عياد




الشعر ما هو بمشروب السجاير و المعسل
اهرج اهرج من السانك و اتكلم من لساني
انتظرني لين اجي و لا ازبن الرجل الموكل
ما علي خلاف باقي لي ثلاثـه مـن خوانـي



مستـور العصيمي




و الله انـي ماتعبـت الا مــع الـنـاس المهـبـل
تـرجـم الكلـمـه تـرانـي يالشبـابـي ترجمـانـي
وان بغيـت تعيدهـا ياصاحبـي مصلـح تفضـل
يا اهل الوادي نقول السيل اخير من السواني



مصلـح بن عياد




لاتـحللها غلـط واثـر الغـلـط مــا ينتحـلـل
لـو انتبـه للثالثـه واليـا هـداك الله هدانـي
احتزمنـا بالسيـوف وبالخناجـر والمفـتـل
ثم جيناكم صلاة الصبح في الحزم البياني



مستـور العصيمي




اسمعوا وش قال مصلح والدليله من تدلل
تاجدون الفرق ما بيـن الدقايـق والثوانـي
خطنا مشروع ما جينا معـى خـط التسلـل
ان بعدنـا قمـت تزهـم وان قربنـا ماتدانـي



مصلـح بن عياد




لاتضيق من الحقيقه و انت لك عقل مدبـل
حثهـا حـث الركايـب تلـهـا تــل الحصـانـي
ويش ادور يالعصيمي باقي المرقاب حـول
كان ترضيك النصيحه طيعني قبل تعصاني

[خيال الأصيله]

الله الله


محاورة قمة لاهنت على النقل


وصحت السنت الشعراء

[عيد بن مرضي]

الله الله



محاوره رائعه لاهنت على النقل الجزل

[علي الشهراني]

بيض الله وجهك


فتل و نقض على مستوى كبير

[سيف الجعدة]

خيال الاصيله+عيد بن مرضي+الراي السديد
مشكورين على المرور ولاهنتوا

[فايز بن سرحان الثبيتي]

محاورة رائعة "

ومواضيعك رائعة ياسيف الجعدة



اعتقد من قرائتي للمحاورة ان ابن عياد فشل في فتل المعنى المقصود وايصاله لمستور العصيمي"

" وهذه المشكلة الازليه لدى الشعراء الجديدين على القلطة " :confused:

لا نختلف على شاعرية ابن عياد وخاصة ان ابن عياد شاعر شقر من الطراز الاول ":

واعتقد لو كان مكان ابن عياد شاعر مبتدئ لما رحمووووه الشعراء ولا الجمهور ":eek:

ورغم ذالك كان هناك حوار هاديء حول الموضوع " وطلب للمعنى من مستور العصيمي اكثر من مره "

المرة الاولى ":)

الشعـر مـا هـو حديـثٍ مــن كـتـاب الله مـنـزل
وينهـا حجـتـك قـلـي يــا فــلان ابــن الفـلانـي
كيف صناع السلاح امن السلاح امسـى معـزل
و انت ساكن في ديار الخوف و لا في الاماني

المرة الثانية ":)

و الله انـي ماتعبـت الا مــع الـنـاس المهـبـل
تـرجـم الكلـمـه تـرانـي يالشبـابـي ترجمـانـي
وان بغيـت تعيدهـا ياصاحبـي مصلـح تفضـل
يا اهل الوادي نقول السيل اخير من السواني


المرة الثالثة " :)

اسمعوا وش قال مصلح والدليله من تدلل
تاجدون الفرق ما بيـن الدقايـق والثوانـي
خطنا مشروع ما جينا معـى خـط التسلـل
ان بعدنـا قمـت تزهـم وان قربنـا ماتدانـي


وهذا بيت ابن عياد اعتقد انه يثبت ماقلته ":rolleyes:

لاتـحللها غلـط واثـر الغـلـط مــا ينتحـلـل
انتبـه للثالثـه واليـا هـداك الله هدانـي

[سيف الجعدة]

في هذي صادق يابن سرحان

وانت مميز دايم في كل شي طال عمرك

مرحبا بك