" شـقر شـقر " [ آقرب يآبدر الـمقآطي ] ..

[نمرً المقآطي ] ’]

آقرب جآي " يآبن العم " ..




هلا مرحبابك ياشديد الصدر صـدر
ترا العلم يصدر من هنيا صدر صدر
نبا نوزن البيتين عجز وصدر صـــدر


يقولون مال الآوله غير تآليـــهآ ]]



يالالاله نعرفك يابدر شآعر تحترمنا ،، يالالاله وانت رجلن ماتهاب الذيب عاوي



^^

[الصميدع المقاطي]

الا يا نمر يالي تنادي بدر بدر
ترا نوركم يا اصحابنا ما بدر بدر
والا يا نجوم الليل منتي بدر بدر

يقولون مال الاوله غير تاليها

يالالاله نعرفك يا نمر وانته رجل منا = يالالاله مير قدمك يا نمر حرن نداوي

[نمرً المقآطي ] ’]

حضر ياهلا بالطيب اللي حضر حضر
تعرف الرجآل اصول بدو وحضر حضر
نبا نحضر الرخمه لحده حضر حضـــر


يقولون مال العله الا مداويها ~



يالالاله سيفنا يااصحابنا سيفن محنا ،، يالالاله نذبح العدوان في وقت العزاوي


.

[حسن إبراهيم الدجيماء]

الله اكبر ..

صحت الالسن والقلوب .. المقطة وتصامخوا الله يستر ..!!!

متاااابع ..!!

[الصميدع المقاطي]

انا مع رجالن بالمراجل بدو بدو
على راس مشرافن وقبله بدو بدو
ولا يا نمر ضمن الحضر أو بدو بدو

يقولون مال العله الا مداويـهآ

يا لالاله و المطالب ما تجي بالي تمنا = يا لالاله والهوى يلعب براسك يا الهواوي

[الصميدع المقاطي]

الله اكبر ..

صحت الالسن والقلوب .. المقطة وتصامخوا الله يستر ..!!!

متاااابع ..!!

ههههههههه .. يشرفنا متابعتك

[سيف الجعدة]

صح السنتكم يالمقطه على الشقر الرايع

[علاي الحافي]

الله الله
متتتتتتتتتتتتتتتتتتتتتتتتتتتتتتتابع
صحة السنتكم وقلوبكم

[نمرً المقآطي ] ’]

مع ارجال قيمتهم تساوي صفر صــــفر
وانا اعرفك مافرقت شعل وصفر وصفر
ترانا على نصف الشهر من صفر صفــر


يقولون مال الاوله غير تآليهااا ....


يالالاله والمطالب فـ الدروب اللي حدنا ،، يالالاله والهواوي للعرب من كل هاوي




.

[علي الشهراني]

طيب طيب


صحت السنتكم جميع


فتل و نقض و شقر


لا هنتو بدر و نمر


متااابع للابدااع

[الصميدع المقاطي]

ترا جرحك الاول ترا ما برا برا
وكنك مريكي عايشن في برا برا
ولكن محدن يم رد البرا برا



يقولون مال العله الا مداويها

يالالاله والله انك في طريقي ما تهنا =يالالاله مير روح لا تقاوي لا تقواي

[خالد الرويسي]

صحت الالسن والقلوب
فالكم المـــــــــــــــــليون

[نمرً المقآطي ] ’]

جروحي تبا تبرا ولاني مفر مفــر
ترا ياصحيبي مابقى لك مفر مفر
تدور وتفكر ثم تآخذ مفر مـــــــفر


يقولون مال العله الا مدآويـهآآ ...




يالالاله اركد اركد خل عنك الشر عنا ،، يالالاله خابرك تبغا تجيب الشر ناوي




.

[الصميدع المقاطي]

الا يا صحيبي ما تساوي كبر كبر
كبر حبت الزيتون ولا كبر كبر
وما يدخل الجنه بذرة كبر كبر

يقولون مال العله الا مداويها


يالالاله العتيبي فيك والله ما تعنا=يالالاله وانت مشرافن وانا نجمن سماوي

[نمرً المقآطي ] ’]

صح لسآنك يابدر .. محاوره رآئعه وتشرفنـآ ،،

موفق ....

[الصميدع المقاطي]

صح بدنك ، والشرف لنا ..

تحياتي

[فايز بن سرحان الثبيتي]

مع ارجال قيمتهم تساوي صفر صــــفر
وانا اعرفك مافرقت شعل وصفر وصفر
ترانا على نصف الشهر من صفر صفــر

ياسلام ياسلام"

نمر المقاطي صح لسانك على الابداع "
بدر المقاطي صح لسانك على الابداع "

بيض الله وجيهكم "

[نمرً المقآطي ] ’]

مع ارجال قيمتهم تساوي صفر صــــفر
وانا اعرفك مافرقت شعل وصفر وصفر
ترانا على نصف الشهر من صفر صفــر

ياسلام ياسلام"

نمر المقاطي صح لسانك على الابداع "
بدر المقاطي صح لسانك على الابداع "

بيض الله وجيهكم "



صح بدنك يابن سرحآن .. ووجهك آبيض ~

وحآضرين في كل وقت .. دمت بوّد .. /

[عايض القوبع]

صحة الألسنة