ألى متى هذة التفاهات ألى متى

[علاي الحافي]

(بسم الله الرحمن الرحيم )

والصلاة والسلام على أشرف الانبياء والمرسلين سيدنا محمد وعلى اله وصحبه اجمعين

اما بعد

السلام ورحمة الله وبركاته........................................... .........


لايخفاكم أخوتي و أعزائي اعضاء ومشرفي ومسئولي هذا الموقع العضيم وفيه أحبيت أن

أتكلم عن موضوع شغلني في الفتره الأخيره بعد ان سمعت عنه وهو


عن برنامج (شاعر المليون) والذي بدات تتضح معالم هذا البرنامج

الداخليه واهدافه المكشوفه للجميع


سوف ادخل في صلب الموضوع

البرنامج وعندما
ظهرت حقيقته امام الناس واحس القائمين عليه بالخطر والفشل من الخسائر المترتبه

علا ذلك .

من خسائر ماديه . .
وخسائر اعلاميه . .
وخسار اجتماعيه . .


قامو باستغلال سلاح الاعلانات والمقالات الانترنتيه في منتديات القبائل

وخصوصاً القبايل المتاهل منها الشعار ال 48 لكي يبثو روح المنافسة


ولتي هي سلاحهم كل عام بين ابناء القبائل العريقه والهدف واضح ومعروف وهو


رفع اسهم هذا البرنامج غير مكترثين بالكوارث المترتبه عليه

من زرع الفتن والفرقه بين ابناء المسلمين





من هو شاعر المليون لكي نلتفت لة

هل هو حرب القادسية ام حرب حطين


لانريد أن تكون عقولنا و شبابنان أضحوكة لهذة التفاهات

..لجنة ...... مسرح..........جمهور..........تصفيق
شاعر خفيف دم .......... نساء حسناوات ......... فرقت حسب الله
أريام ..... عرض مكياج ..... بيرق .........
ألى متى ألى متى

على العموم لن اطيل لكي لاعطي هذا البرنامج التافه اكثر من مالايستحق


هناك طلب صغير جداً وهو اتمنى من أدارة هذا الموقع المهم في الشبكة العنكبوتية والذي يرتاده جميع ابنا قبيلة عتيبة وكثير من اخوانهم من القبائل الأخرى
وبحكم ماسمعت عنهم من نزاهة ورجاحت عقل بأن لايسمحو بتلك الحيل لواهية والغبية
داخل هذا الموقع العريق برجالة

ومن تلك لحيل

1- نريد التصويت لفلان ولفلان
2- فلان سوف يفوز وفلان سوف يفعل
3- فلان مضلوم وفلان غير مضلوم
4- البيرق لفلان او لفلان
5- لجنة التحكيم ظلمة لجنة التحكيم لم ظلم

الى اخرة ................


موقع قبيلة الهيلا عتبة

\\عابر سبيل\\

عضو فضي









موقع فبيلة الهيلا عتيبه
\\عابر سبيل\\

عضو فضي

[محمد ابن رووق]

انا معك ان التصويت اكل اموال الناس وانا ضد التصويت


لكن دام عتيبي شارك بالمليون ليه ما تشجعه لو معنويا والشعر ديوان العرب اذا ما تكلمنا عن الشعر


نتكلم عن ايش


بالعكس خل شعار العتبان يطلعون بالمليون يحصلون على اموال تخدمه وغير الاعلام يعني لو قعد


يقول الشعر اربعين سنه لن يشهر



شف غير كيف يحط شاعره فوق النجوم يجي منتديات عتيبيه كل مواضيعه عن ابن عمه ويسوي دعايه له


وفي منتدى ربعه طايح سب بالعتبان



الا اي شاعر عتيبي عند موهبه لا ينتظر يتقدم للبرامج راح تفيده

[علاي الحافي]

اخي محمد بن رررررروق اسعدني تواجدتك وحضورك

لاكن

انت تقول انك ضد التصويت وهذا شي طيب

طيب كيف اعطي شاعري معنويه كما تقول

وهو مشارك في برنامج يعتمد على التصويت

والمصيبه ان التصويت هذا محرم شرعاً

ويذهب الى ناس لايستحقونه

انا مع شعار القبيله ولاكن في مسابقات لاتستنزف القيله مادين

والله ياخي مايطلع الشاعر الا قد حللوه وحللو قبيلته ودولته


على العموم اتمنا ان نقاطع هذا البرنامج وحذف اي موضوع يخصه

واملي كبير في القائمين على هذا الموع

شاكر حضورك اخوي محمد

[محمد ابن رووق]

معنويا يعني تشجع لو تكتب هنا بالمنتدى


لو تبيني اجزم ان الشعار مايبون تصويت لانهم يعرفون وين تروح لكن يبون تشجيع بس




اما عني ما اتمنى يحذف البرنامج واي شي عنه لانه يخدم الشعار الشباب


بالله كنت تعرف عبدالله حديجان تعرف شعار عتيبه قبل هالبرنامج اكيدلا


طيب لو واحد من ربعك بيجيه 200 الف ولا اكثر ليه ماتيه يربح ماديا واعلاميا الا يطلع مع العالم



شف غيرك كيف يسوق لشاعره حتى عندك هنا بالمنتدى وانت تقول يا منتدى ربعه لا احد يجيب طاري البرنامج

[:: محمد النفيعي ::]

عابر سبيل


اسمحلي بالمداخله


والله لو ان المشارك واحد قريب منك انك ماتكتب الموضوع هذا


لكن الناس تبي الخير لبني عمهم وتفزع معهم باللي يقدورن عليه



والناس خابرين ان التصويت نصب واحتيال



لكن وش يسوون تبيهم يتركونه ولا كيف ؟؟؟؟


وانا طول الله عمرك واثق ثقه تامه ان ماراح يصوت للمشاركين في شاعر المليون


الا القريبين منهم والناس الثانيه والله ماهم بيم المليون ولا شي


لكن خل الناس تشتهر وتدور الخير ياكثر الناس اللي استرقزت وراه


الشاعر يستفيد فايده كبيره لادخل فالمليون وكلمة الحق تنقال


حنا نعرف ان له ايجابيات وسلبيات لكن شاعر المليون فايده كبيره للشاعر


ولافيه احد ينكر

[علاي الحافي]

ياخي نا اقول تابع لاتتابع

وشجع شاعرك لاكن الي حاصل والكل يعرف هذا الشي


الهدف ياخوي محمد ماهو سامي لان الضاهر لنا ولكم انه سامي لاكن هو غير كذا


هم عرفو كيف يجذبون الشعار وعرفو كيف يحكون على العالم المع قريبك وذالك على حسبك

يعني بالعربي ادفع وسوف يشتهر قريبك ياخي هناك برامج ناجحه ونزيهه كشاعر المعنى وغيره


لاكن الضحك على العقول لا والف لا انا لم ولن اصوت ولاكن الي قاهرني المساكين الذين غرر بهم


واذا رجعناء الى الشرع فشرعاً لايجوز لسباب منهاء التبرج والسفور والغناء والرقص وغيره

لنكون منصفين اخوي محمد ولا تكن وسيله لنشر هذا الفساد


تقبل تحياتي

[صاهود]

انا وياك ياعابر سبيل

الدعوه سحت واكل اموال الناس بالباطل

لكن الحميه مصيبه

[خلف الروقي]

لله درك يابطل انا معك في كل حرف



تحية طيبة لك مني



اخوك خلف العازمي

[علاي الحافي]

انا وياك ياعابر سبيل

الدعوه سحت واكل اموال الناس بالباطل

لكن الحميه مصيبه

صاهود الله لايهينك

والدعوا ضحك ادقون ماهو ببرنامج

والله يعز ربعي وحنا عزيزين بالسيف

والفعول ماهو بشاعر المليون

[علاي الحافي]

لله درك يابطل انا معك في كل حرف



تحية طيبة لك مني



اخوك خلف العازمي

خلف دامك معي فنا بخير ونعمه

وهذا كلام العقل

لاهنت

[ابن ثابت الهوازني]

يا محمد بن رووق

أولا من ناحية المنطق والعقل

كيف تصوت لشخص لمجرد أنه من قبيلتك ؟!

هذي مسابقة شعرية وليست معركة

ثانيا مثل ما قال عابر سبيل

الدعوة نهب دراهم عيني عينك

يعني أول كان القمار إنك تدفع مبلغ مقابل احتمال المكسب

يعني غرم مع احتمال الغنم ( مثل ما يقول علماء الفقه )

والمغنم لو قدر لك

ومع ذلك هذا هو القمار وهو حراااااااام


لكن هالمسابقات

غرم علينا وغنم محتمل لغيرنا

حلها

:)

[محمد ابن رووق]

المنطق والعقل انا ضد اي تصويت لانه لن يستفيد الشاعر منه



من تبيني اصوت له واحد ما اعرفه


اذا ما قمت مع العتيبي من اقوم معه


بالمنطق والعقل ليه تكتب بالمنتديات الهيلا ولا هذا اعدك عنصري على حسب عقلك

[ابن ثابت الهوازني]

بالمنطق والعقل ليه تكتب بالمنتديات الهيلا ولا هذا اعدك عنصري على حسب عقلك

اللهم لك الحمد والشكر

:)

[علاي الحافي]

يا محمد بن رووق

أولا من ناحية المنطق والعقل

كيف تصوت لشخص لمجرد أنه من قبيلتك ؟!

هذي مسابقة شعرية وليست معركة

ثانيا مثل ما قال عابر سبيل

الدعوة نهب دراهم عيني عينك

يعني أول كان القمار إنك تدفع مبلغ مقابل احتمال المكسب

يعني غرم مع احتمال الغنم ( مثل ما يقول علماء الفقه )

والمغنم لو قدر لك

ومع ذلك هذا هو القمار وهو حراااااااام


لكن هالمسابقات

غرم علينا وغنم محتمل لغيرنا

حلها

:)


ابن ثابت الهوازني

لاهنت يالغالي وهذا الكلام الي يجمد على الشارب

لازم نكون يد وحده في محربتة هذا الغزو والابتزاز

والقمار الي عيني عينك

على العوم لاهت يالغالي

[محمد ابن رووق]

:)

اللهم لك الحمد والشكر

:)


العقل نعمه وقلة العقل مصيبه

[علاي الحافي]

محمد بن روق


ابن ثابت


يعطيكم العافيه على الحضور


ههههههههههههههههه

هدو العب


خلاص هوناء

[محمد ابن رووق]

هلا عابر بالعكس


اعتقد اذا خالفتك موب معناة اني اكرهك لكن اذا جاء واحد الا انا الفاهم هذي مصيبه!

[علاي الحافي]

هلا عابر بالعكس


اعتقد اذا خالفتك موب معناة اني اكرهك لكن اذا جاء واحد الا انا الفاهم هذي مصيبه!

انا ماقول ماخالفته انت خالفت للحقيقه الواقعه الان الي واضحه للناس جميعاً
بدل ماتكون مع الحق صرت ضده
على العموم
المصيبه انك تقول للصح صح ويقولون الناس انه غلط
والاختلاف في الرائي لايفسد للود قضيه

تنقبل تحياتي

[علاي الحافي]

السلام عليكم ورحمة الله وبركاته




كيف الحال..!! ان شاءالله انكم بخير..!!




ياللي تصويت برساله قيمتها 5 ريال او 10 ريال .. ترى التصويت ماله ولا اجر..!!!


7
7
7
7
7
7
7
7
7

هناك من يحتاج فتات من الخبز قيمته ريال او اقل .. وله اجر كبـيـر قد احيية نفس من الموت..!!







موضوع قصير لكن حجمه كبير..!!



تحياتي
عبدالله هادي ناشي الفليت..

[منيف]

عابر سبيل .. المشرفين في هالمنتدى يعملون بعكس ماتطلب في موضوعك هذا... يلغون ويحذفون مواضيع تتنتقد البرنامج والتصويت .. يبقون مواضيع اللي تناشد الشباب بالتصويت ..بان انك عضو ماسي ابي منك واسطه .. ليه يلغون موضوعي اللى كتبته قبل اسبوع .. مع اني ماتعرضت لأحد بالغلط ..

ارسلت لك نسخة من الموضوع الملغي .. اتمنى بعد ماتقراه تعطيني رايك .. هل يستاهل الحذف

شاكرلك

[شمروخ ابن عايد]

انا معك ان التصويت اكل اموال الناس وانا ضد التصويت


لكن دام عتيبي شارك بالمليون ليه ما تشجعه لو معنويا والشعر ديوان العرب اذا ما تكلمنا عن الشعر


نتكلم عن ايش


بالعكس خل شعار العتبان يطلعون بالمليون يحصلون على اموال تخدمه وغير الاعلام يعني لو قعد


يقول الشعر اربعين سنه لن يشهر



شف غير كيف يحط شاعره فوق النجوم يجي منتديات عتيبيه كل مواضيعه عن ابن عمه ويسوي دعايه له


وفي منتدى ربعه طايح سب بالعتبان



الا اي شاعر عتيبي عند موهبه لا ينتظر يتقدم للبرامج راح تفيده



أخي عابر سبيل .


هذا انموذج لأحد الضحايا .


الناس تقول البرنامج لايستحق المتابعة وأفضل حل هو نسيانه وعدم الاكتراث به .

والأخ هنا يقول نشجع شاعرنا معنوياً .


شجع الشاعر لكن في غير هذا البرنامج الدنئ الأهداف , وأنتم حتى بتشجيعكم المعنوي تدعمون استمرار مثل هذا البرنامج .

[محمد ابن رووق]

أخي عابر سبيل .


هذا انموذج لأحد الضحايا .


الناس تقول البرنامج لايستحق المتابعة وأفضل حل هو نسيانه وعدم الاكتراث به .

والأخ هنا يقول نشجع شاعرنا معنوياً .


شجع الشاعر لكن في غير هذا البرنامج الدنئ الأهداف , وأنتم حتى بتشجيعكم المعنوي تدعمون استمرار مثل هذا البرنامج .

يا ابن الحلال حتى في ردودك تتكلف اجل ضحايا شوي تقول من المغرر بهم

انت يا ولد كنت تمدح شاعر العرب ولك اكثر من عشرين موضوع عن شاعر العرب في المنتديات


وفي المقابل لك اكثر من 30 موضوع تذم شاعر المليون


طيب لو تقارن بين البرنامجين فرق بينهم من ناحية الاعلام من ناحيه كسب وجوه جديده في الساحه

بعكس شاعر العرب اللي جاب شعار عمالقه في الساحه ولا فوق 50 سنه بعضهم كبر جدي

بتعيد اسطوانتك اللي كل يوم نشوى طيب هناك عبير احمد لا وبغى يجيبون باسكال


انا اتكلم بصفتي عتيبي وأقول لولا الله ثم شاعر المليون ولا ماعرفنا شعار كبار من عتيبه


امثال عبدالله حديجان وخالد الدعجاني وغيرهم والمحيا والحويماني وغيرهم


وناصر الفراعنه وبن فطيس وبن مريبد والخ الخ

تبي تتناقش في موضوع شاعر العرب ولا شاعر المليون من خدم الشعر ! خذ راحتك

راح تعترف اقل شي بينك وبين نفسك

[الجوراسي]

لله درك يابطل انا معك في كل حرف



تحية طيبة لك مني