حياكم الله ... اللي يبا الطاروق يقرب !!

[علي الشهراني]

يا ليل يا ليل و ين الشاعر الماهري=بالطيب نرضيه .. و الدنيا على فالها
اللعب لا صار ماهو حاضر بحاضري= ما ابيه ما ابيه .. والدنيا على فالها

[حاكم الغنامي]

ياليل ياليل كم بك واحدٍ ساهري =الليل يسريه والدنيا على فالها
لو اجبر بخاطرك لا تجبر بخاطري =العلم عطنيه والدنيا على فالها

[علي الشهراني]

الله يحييك و مرحبا بك يا حاكم تراحيب المطر


يقلط على الموت الاحمر بو قليبٍ جري=ما ودي انعيه .. و الدنيا على فالها
لا روّح الجاحظ اقبل عمّه البحتري=بالنار نكويه .. و الدنيا على فالها

[حاكم الغنامي]

الله يبقيكـــ


اخلص علينا وهات العلم وش تحتري=الراي وش فيه والدنيا على حالها
الظاهر انه مريض بعلة السكري =ربي يعافيه والدنيا على حالها

[علي الشهراني]

العلم في جعبتك لا عاد لي تنظري=الحجز ok .. والدنيا على فالها
العيب و المشكله في موتر السمكري=ازرى يغطّيه .. و الدنيا على فالها

[حاكم الغنامي]

ترى الجمل بالكرامه يسمن وينهري=احذر لاتهريه والدنيا على حالها
دامك تعرف المواتر منت والله صري =وشهي مواريه والدنيا على حالها

[علي الشهراني]

تراك في حكمنا متهوم منته بري=العلم توحيه .. و الدنيا على فالها
فالحجم يمكن نقول الاكبر المشتري=من دون لا ليه ؟ .. والدنيا على فالها

[حاكم الغنامي]

السوق مفتوح للبياع والمشتري =معروف راعيه والدنيا على حالها
تضرب تحيه مثل تحية العسكري =لامر طاريه والدنيا على حالها

[علي الشهراني]

البيعه اللي كلاها كلها السمسري=بكره تعرّيه .. والدنيا على فالها
راجع مقر الوزاره و افحص الدفتري= وتشوف خافيه .. و الدنيا على فالها

[فايز بن سرحان الثبيتي]

تراك في حكمنا متهوم منتـه بـري
العلم توحيه .. و الدنيا علـى فالهـا

بيض الله وجيهكم "


الراي السديد "
حاكم الغنامي "


صحت قلوبكم والسنتكم على هالمحراف "

[علي الشهراني]

حياك الله يبن سرحان


و مشكوووووووووور




اخوي حاكم بيض الله وجهك


معذووور و الله يوفقك


الى لقاء قريب