الطارف الله يحييه !!

[الدكتور شبيب]

ياسلام الله سلام رابح مشروعه= من هجوس ربعها يعدل ثلاث ارباعي
الفؤاد المرتجف والضحكة المصنوعة= نكبة الوقت الاخير وحيلة المرتاعي

[ابوخيال]

صح لسانك يالدكتور

[الدكتور شبيب]

صح بدنك

لاهنت على المرور

[حسن إبراهيم الدجيماء]

ياسلام الله سلام رابح مشروعه= من هجوس ربعها يعدل ثلاث ارباعي
الفؤاد المرتجف والضحكة المصنوعة= نكبة الوقت الاخير وحيلة المرتاعي

الله الله يالدكتور ... عز الله انك دكتور صدق ..!!!

الفؤاد المرتجف والضحكة المصنوعة = نكبة الوقت الاخير وحيلة المرتاعي ..!!!

عندي نقد لو تسمح .. ولو اني اول مرة انقد في المحاورة , لكن ماازين منها مجادلة الدكتور ..!! هه

لوقلت " حالة المرتاعي " تكون جبتها صح .. لأنها ماتكون حيله بقدر ماتكون غصب عليه ..!!!

صح لسانك .. وان كان اني اخطيت في نقدي علمني .. ان شاء الله اكون مخطي ..!!!

اخوك ومحبك : الدجيمااء ..!!

[فايز بن سرحان الثبيتي]

صح لسانك يادكتور شبيب وانا معك في استخدام كلمة حيله لأنها تليق بالشطر الاول " ( الفؤاد المرتجف والضحكة المصنوعة )"

ولا أؤيد طرح الرائع الدجيما في تغييرها الى حاله"


واسمحلي اجاريك "



مرحبا ترحيبة ٍ مثنية ومربوعة = من هجوس ٍ ماتجي في وقت ماله داعي
شدني فالبيت الاول طرحه وموضوعه = وشدني فالبيت الاخر سبرة الارواعي

[حسن إبراهيم الدجيماء]

صح لسانك يادكتور شبيب وانا معك في استخدام كلمة حيله لأنها تليق بالشطر الاول " ( الفؤاد المرتجف والضحكة المصنوعة )"

ولا أؤيد طرح الرائع الدجيما في تغييرها الى حاله"


واسمحلي اجاريك "



مرحبا ترحيبة ٍ مثنية ومربوعة = من هجوس ٍ ماتجي في وقت ماله داعي
شدني فالبيت الاول طرحه وموضوعه = وشدني فالبيت الاخر سبرة الارواعي


اشكرك يابن سرحان على شفافية طرحك واللي تتميز فيه .. لكن ابي اسألك سؤال ممكن ؟؟

إذا أنت خايف من شئ .. هل تعتبر حيله تحتال بها على من انت خايف منه ؟؟؟ أم شعور وحالة تنتابك

وخارجه عن الاراده ؟؟

وهذا ماهو تنقيص من مكانة الدكتور وشاعريته لكن ماشاركناه إلا للفائدة .. وخصوصا معك ..!!

قبل لاانسى : صح لسانك رد رااائع ومن شخص متميز ..!!!

[علي الشهراني]

الناقد الدجيماء كلامك اوافقك عليه


صحت السنة الشاعرين


متاابع للابدااع


و الصف صفك يا ابن سرحان

[الدكتور شبيب]

صح لسانك يادكتور شبيب وانا معك في استخدام كلمة حيله لأنها تليق بالشطر الاول " ( الفؤاد المرتجف والضحكة المصنوعة )"

ولا أؤيد طرح الرائع الدجيما في تغييرها الى حاله"


واسمحلي اجاريك "



مرحبا ترحيبة ٍ مثنية ومربوعة = من هجوس ٍ ماتجي في وقت ماله داعي
شدني فالبيت الاول طرحه وموضوعه = وشدني فالبيت الاخر سبرة الارواعي

الله الله

حياك الله يالجزل

استلم لاهنت


البقا والمشكلة فالسلعة الممنوعة =سلعة ماتنشرى يالتاجر البياعي
يالثبيتي من يساقي بذرة مزروعة=خير من ضامي .. أمل عمره ورا الخدَاعي

[الدكتور شبيب]

الدجيما

الراي السديد

يامرحبا والله ومسهلا

مرورك شرف الله لايهينكم

احترم ارائكم وهذا لايعني اني مؤيد للي تقولونه لاهنتوااااا


تقديري واحترامي

[معجب العتيبي]

شبيب وابن سرحان



صحة الالسن


ننتظر اكتمال الابداع

[فايز بن سرحان الثبيتي]

ياشبيب الناقه اللي جاتنا مجبوعه = ردها وافطن لحس الذيب حووول راعي
ثم قله ياطويل العمر يلحس كوعه = كان وده يلوي ابهذا الكلام اذراعي

[فايز بن سرحان الثبيتي]

الناقد الدجيماء كلامك اوافقك عليه


صحت السنة الشاعرين


متاابع للابدااع


و الصف صفك يا ابن سرحان


صح بدنك ياطويل العمر واختلاف الراي لا يفسد للود قضيه "

[فايز بن سرحان الثبيتي]

معجب لاهنت يالامير "

[سيف الجعدة]

صح لسانك يادكتور شبيب وابن سرحان الثبيتي

[الدكتور شبيب]

ياشبيب الناقه اللي جاتنا مجبوعه = ردها وافطن لحس الذيب حووول راعي
ثم قله ياطويل العمر يلحس كوعه = كان وده يلوي ابهذا الكلام اذراعي


مايزيد الصاع رجلٍ قبضته مقطوعة = كنَه الزبدة ليا ذاق اللهب ميَاعي
كلمة الجاهل تجي من فكرة مصروعة = لو رفعها الريح لازم تنحذف فالقاعي

[فايز بن سرحان الثبيتي]

السوالف كان ماجتنا وهي متبوعه = مايبا يثمر زهرها مار خلك واعي
الشهر لازل وقته مانعد اسبوعه!! = وشرهة المدعو \ تسجل من نصيب \الداعي !!

[حسن إبراهيم الدجيماء]

الــشــهـــر لازل وقـــتــــه مــانـــعـــد اســبـــوعـــه!!
وشرهة المدعو \ تسجل من نصيب \الداعي !!

حكم يابو الحكم ... كلام كلام ..!!!

صح لسانك يابن سرحان .. ولسان الدكتور ..

متااابع وبقوة .. لاهنتوا ..!!!

[فايز بن سرحان الثبيتي]

الدجيما "


حياك الله وحي متابعتك "