ابن شلحاط يتحدى من خالفوه ويقول انا من يعتمد اسماء المئة شاعر في شاعر المليون

[شامان العتيبي]

خاص/ الدوادمي الشعبية : مشعل الريمان



في تصريح للشاعر مانع بن شلحاط خصّ به صحيفة الدوادمي الشعبية أكد أنه مازال متمسّك برأيه ويراهن على ان بيت الشاعر الكويتي عبدالله بن بصيّص مكسور
الذي يقول فيه الشاعر :




فـي ألـف ليلـه و ليلـه مـن خيـال وشـرود ==== كنزت في خاطري سيف ومسا و شهرزاد





وفي مايخصّ الشعراء الذين خالفوه الرأي وأكّدوا سلامة البيت من الكسر ومن هؤلاء الشعراء الشاعر غازي بن عون والشاعر والباحث والناقد ابراهيم الخالدي والشاعر والكاتب خلف الحربي والباحث والشاعر قاسم الرويس قال ابن شلحاط : انا مازلت عند رأيي واتحدّى واراهن عليه واسألوا الشاعر عبدالله بن عون والشاعر رشيد الزلامي والشاعر فلاح بن مبرد المطيري.
وفي سؤالنا له عن تقييمه ومدى رضاه عن مشاركته في الإستوديو التحليلي في مسابقة شاعر المليون قال ابن شلحاط : اترك الحكم في هذا الأمر للجمهور وأود أن أبيّن انني لست غريب على شاعر المليون فأنا مع شاعر المليون من بداياته ولا تُعتمد أسماء المئة شاعر في المسابقة إلاّبتوقيعي .




منقول من صحيفة الدوادمي الشعبيه






,

[علي الشهراني]

و الله الظاهر ان فيها شوي مهايطه



على العموووم مشكوووووووووووووور

[حسن إبراهيم الدجيماء]

.. والله ان البيت مافيه شئ .. وعلى فكرة انا ضد مانع بن شلحاط في كل ماجاء به

في شاعر المليون .. << وجهة نظر ..!!

مشكور اخوي شامان على النقل .. دمت برعاية الله وحفظه ..!!!

[شمروخ ابن عايد]

رغم عدم متابعتي للبرنامج .

الا أن البيت مكسور كسر واضح , واستغرب من الذين يكابرون بغير ذلك .

ابن شلحاط رغم أني غير مقتنع به شعرياً الى أن جرأته واصراره على حقه وببرهان لايقبل الجدل وتضاده مع شعراء كبار خذلتهم معرفتهم لمشاهدة الكسر الواضح , ربما خذلتهم او انهم فقط يريدون دعم البرنامج وصنع بهرجة من لاشئ له ومحاولة اعادته لذهن الناس , فأنا أحيي ابن شلحاط على اصراره والحق معه 100% .




بل لو دققنا سنجد الكثير والكثير جداً من الكسور والركاكة والضعف في بيوت شعراء المليون المزعومين , ربما هناك ثلاثة أو أقل جيدين كل موسم فقط لاغير والأغلبية منهم أقل بكثير من كلمة شاعر .

[ابو ضيف الله]

في تصريح للشاعر مانع بن شلحاط خصّ به صحيفة الدوادمي الشعبية




يا الربع الخبر كله شيء وهالكلمة شيء
ابن شلحاط يخص صحيفة الدوادمي الشعبية بتصريح (لاحظوا شعبية )

هالشعبية هي نفسها الصحيفة اللي تقول
ان فيه بنت حضرت مبارة الفتح والهلال بعد سماح شرطي لها؟!!
http://www.otaibah.net/m/showthread.php?t=103739&highlight=%C7%E1%E5%E1%C7%E1

[الباااسل]

بن شلحاط يبي يسوي اثاره ويلفت انتباه الناس


يبي يكون حديث المجالس وهو فعلاً نجح في ذالك




لا هنت ياشامان

[الباااسل]

يا الربع الخبر كله شيء وهالكلمة شيء
ابن شلحاط يخص صحيفة الدوادمي الشعبية بتصريح (لاحظوا شعبية )

هالشعبية هي نفسها الصحيفة اللي تقول
ان فيه بنت حضرت مبارة الفتح والهلال بعد سماح شرطي لها؟!!
http://www.otaibah.net/m/showthread.php?t=103739&highlight=%C7%E1%E5%E1%C7%E1




ابوضيف الله ابي اوضحلك نقطه عندك لبس فيها



اللي منزل خبر فتاه تحضر مباراة الهلال والفتح صحيفة الدوادمي الالكترونيه وهي صحيفه اخباريه سياسه محليات اقتصاد رياضه كلش فيها وها رابطها

http://www.aldawadmi.net/news/


اما خبر ابن شلحاط منزلينه صحيفة الدوادمي الشعبيه مختصه بالساحة الشعبيه واخبارها عن الشعر والشعراء ولقاءت وقصائد كلها شعر وهذا رابطها


http://www.dwadmi-sh.com/newspaper/




حبيت اوضحلك ان هذي غير هذي :)

[صاهود]

ابن شلحاط رجال لايحرم ولا يحلل وانا اعرفه عز المعرفه ولعبت وياه فوق عشرين محاوره ايام ماطاح فالمحاوره

وفيه سفاهه شوي وبينه وبين مطير مشكله علي قصيدة الصمان سنة 1992كلنا نعرفه وانعرف اخلاقه زين

هياط --- كذب ---- افلام --- ماشفتوا لقائه علي الصحراء ويالمذيع العتيبي يوم قال لو طلب محمد عبده منك قصايد عشان تغنا تقبل ام ترفض قال اقبل ولافيها مشكله ورد عليه المذيع العتيبي وقال بس حرام

قال محمد ياخذ وانا ماخذ شي لا بالله اباخذ وردها له المذيع وقال حرام ناخذها وبعدين اتوب

والله العالم انه بياضي

البيت مافيه كسر لكن فيه جبر والجبر ماهو كسر ( وشهرزاد ---الواو امثقله البيت شوي) ولا الكسر مافيه كسر

تحيتي

[سيف الجعدة]

ياريجيل اكبر خطا في شاعر المليون ليا الحين هو وجود مانع بن شلحاط في الاستديو يعني قلو الشعار يوم يجيبون مانع اكبر مهايطي والمشكله يبا يخالف رمز من رموز الشعر افهم منه فالشعر غازي بن عون

[شامان العتيبي]

اشكركم جميعاً على مروركم العطر والله لايهينكم



وشكراً يالباااسل على التوضيح

[علاي الحافي]

ياخواني الكرام

شاعر المليون لايستحق هذا الاهتمم اكبر

هو برنانمج بالعربي يحك على عقول الشعوب العربيه

الجنه+المذيعين+المحللين+الجمهور+امصورين+المغنين

عايشين على اموالناء وسلحهم هم شعار القبائل

ودمتم

[ابن هثيله]

الله الله ياابن شلحااط

ماايمرون الا بعد توقيعك


اخااف انك محمد بن زايد



على العموم الله يعنا على تحليلك للقصاائد

[محـ العتيبي ـمد]

البرنامج يثبت فشله كل سنه اكبر من السنه اللي قبلها

والدليل قلة متابعيه في هذه النسخه

ومن الطبيعي ان يختار من هم دون المستوى في التحليل والنقد