يا سعود اقرب ترا لبيه يعني لبه !! البرقاوي حياك ...

[علي الشهراني]

مع التوصيه ..



يا سعود اقرب ترا لبيه يعني لبه=عيد الاضحى و الفطر في شرعنا مقرونه
شاعر الشعار لو في راسه امية حبه=بذن ربي ما يروح الّا و هي مطحونه

[كايدالاجرب]

ياسلاااااااااااااام على الابداع الجزل


صح لسانك الراي السديد


وفي انتظار ابو فهد صح لساااااااااااانه مقدمآ

[سعود البرقاوي]

الله يستر ،، ترى بعض التوصيات عكس مؤشر الاغلاق


واصلك باللي تبا واللي تباه العبه = والجبل مازحزحه ظبيٍ طوال قرونة
شاعرٍ كب الفروض ونص دينه كبه = نعرفه لامن تكلم نيته ملعونه

[عيد بن مرضي]

يا سلام يا سلام



الراي السديد - سعود البرقاوي :)



متابع متابع متابع لكم :) :)



صحت الالسن والقلوب

[سعود البرقاوي]

كايد الاجرب
صح بدنك وهلابك مليونين

[سعود البرقاوي]

عيد بن مرضي
حسبي الله على من كان سبب

[علي الشهراني]

لا يغرك لو لبست التاج فوق الجبه=العلوم علوم من تحت الثرى مدفونه
كان ودك بالنصيحه رجم عمك ذبه=لجل ما تخسر غرام الفاتن المزيونه

[علي الشهراني]

كايد الاجرب ..


عيد بن مرضي ..




حياكم الله و مرحبا بكم

[سعود البرقاوي]

قوم جمّع فالحطب والجمر الاحمر شبه = وانت رجلٍ والله اني ما اعرف وش لونه ؟
من نزل وسط البحر يحسب مقاس الغبه = والسبابيح اربعة والسالفة موزونه

[علي الشهراني]

كل رجالٍ على ما قيل يحما نبه=و الجمل سمحان شل الحمل فوق متونه
خابرين الباب ما يفْتَحْه غير الضبه=غير ليه الصاحيه تمشي مع المجنونه

[رعد الروقي]

الله الله


قاف مولع من اوله وشعاره ما تنقرب ارضهم


الراي السديد // سعود البرقاوي



صحت السنتكم مدد



متابعين لكم بتمعن

[علي الشهراني]

الله يخارج يا العمده


لاهنت و مشكوووور

[سعود البرقاوي]

سايق الموتر ترى الموتر يبا يقلبه = لاركب والياه يمشي ماسحٍ طبلونه
الزمن لو تمدحه غيرك تراه يسبه = يوم قام يركب الجمره على غليونه

[سعود البرقاوي]

العمدة
ارحب ملاييين ولاتكفي
وشرفت المتصفح واهله في ذمتي


ارحب
ارحب

[علي الشهراني]

ما تجيه الانقلابه دام طايع ربه=جعل يفداه الذي يتبع هوا صهيونه
شفت لي يا الربع مسجد بس ماله قبه=مدري التصميم والّا قاطعين المونه

[سعود البرقاوي]

عطني الفنجال يوم انك قدرت تصبه = قبل لاعود واقلك لحيتك محسونه
الله انه لايعاقبنا بليا سبه =صاحبي يالربع عنده مشكلة فعيونه

[كايدالاجرب]

الله يعافيكم

امتعتونا بطاروقكم الكايف


تحياااااااااتي لكم

تصبحون على خير

[علي الشهراني]

ما بلاني في سعود الّا غلاه و حبه=و الّا غيره لو يناشبني كسرت سنونه
صاحبي في راس رجمً و الهبوب تهبه=ما درا ان الدار من غيره ترا مامونه

[علي الشهراني]

كااايد الاجرب ..


الله يحييك في اي و قت


و نوووووم العواااافي

[عيد بن مرضي]

ولا زالت المتابعه مستمره:)





طاروووووووووووق مدرسه:)

[علي الشهراني]

حياك الله يا عيد


و الله يخارجنا


و لا عاد توصي مره ثانيه


مرحبااااااااااااا بك

[سعود البرقاوي]

كل راعي رب لازم نطعمه من ربه = من قديم الوقت هاذي حاجةٍ مضمونه
ياشعيل الهرش وش حصلت وسط الخبه = عقب مافليت وشلون الزهر وفنونه

[سعود البرقاوي]

كايد الاجرب
صح بدنك يالذيب

ونووم العوافي

[سعود البرقاوي]

عيد بن مرضي

مرحبا للمرة الثانية وهلابك

[علي الشهراني]

بيض الله وجهك يا سعوووود


و صح الله لسااانك


ودي اكمل و لكن النووم سلطان


تصبح على خير

[عيد بن مرضي]

بيض الله وجيهكم والله يعافيكم




طارووووووووووووووق سوبر ستار




لاهنتوووووووووووووووووووووووا:):)

[سعود البرقاوي]

ووجهك يالراي السديد ووجه راعي التوصيه
وصح بدنك ولاهنت
وخيرها بغيرها والايام جايه

[سعود البرقاوي]

عيد بن مرضي
كل الشكر الجزيل لك على المتابعة والحضور

لاعدمتك

[حسن إبراهيم الدجيماء]

الله اكبر ... طاروق يستحق المتابعة .. وبيض الله وجيهكم ... في انتظار القادم..!!!!

[أسير القوافي]

الله لا يريكم مكروه مثل ماريتونا هالابداع :)



صحت ألسنتكم ..!

[علي الشهراني]

عيد بن مرضي ..


الدجيماء ..


اسير القوافي ..




حياكم الله و مشكوووووووووورين

[فايز بن سرحان الثبيتي]

والله ماتمر الا بخمس نجووووم


سعود البرقاوي \ الراي السديد



ابدعتوا ياعمالقه بيض الله وجيهكم وصحت قلوبكم "

[رفيع المنزل]

خابرين الباب ما يفْتَحْه غيـر الضبـه
غير ليه الصاحيه تمشي مع المجنونـه


شفت لي يا الربع مسجد بس ماله قبه
مدري التصميم والّا قاطعين المونـه



الله انـه لايعاقبنـا بليـا سـبـه
صاحبي يالربع عنده مشكلة فعيونه




ابدعتو يامبدعين صحت السنتكم


وماقصرت يالراي السديد فعلا مبدع ولايهون سعود

[علي الشهراني]

ابن سرحان ..


رفيع المنزل ..




حياكم الله و مشكوووووووووورين