يــابــوي ؟؟؟

[حسن شامي الجعيد]

السـلام عليكم ورحمـة الله....

هذه أحـدى قصايدي أضعها بين ايديكم وسالفتها سالفه ....

وأتمنى تنال رضاكم...

وتصل مستوى أذواقكم....




يا بوي جانا وقت شينه طواريـه=فيـه النسـاء قامن بدور الرجــالي

تأمر على الرجـال بأمراً يبكيــه=وأن راد يرفض مال رفضه مجـالي

تلعن أبو جـده تنظف مجـاريـه=وهـو الطـلي مرخي لها بالحـبـالي

أتربي الورعـان ثمن تربيــه= وترفع عليه الصوت بالحيـل عالي

أن كان ورعه مخطئاً لويجازيه= تـفـزع تصـيـح تقول يـذبح عـيــالي

ماله على عياله ولا أمراً يمشيه=مسكـيـن مـاله غير دفـع الريـالي

في كل درب أيروح لازم تخـاويه=خطوه بخطوه مثل طقم (........)

ماعـاد تهتم بـكـلام ومشـاريـه=ماعاد باقي غير تلـبـس عـقــالي

وتستقـبـل المـقـبل ترحب تهليــه=وتــقــول عـدّ.. وقربـتـه الـدلالـي

وتصب فنجـاله وهي من تقهويه=وتأخـذ علومه قبل شـدّ الرحــالي

ورجالها في بـيـتها ما تـنـاديـه=ماله اللـزوم تسـد بنت الـحـلالـي

وســـلامــتـكم

حسن شامي الجعيـد

[ذيب السرية]

صح لسانك اخوووووي قصيدة رائعة جدا

[((الدلبحي))]

صح السانك
ويعطيك العافيه

[مرزوق حمدان العتيبي]

..
صح لسانك والله يعطيك العافيه..

[داهية عتيبة]

الله الله


صح لسانك مليووون أخوي حسن



قصيدة تنبع بالحكمة

وتعبر عن واقع أليم



لا عدمناك يالغالي ونتطلع لجديدك


تحياتي...

[الــوآفــي]

حسن

صح لساااااانك

وعزالله انك صااااااااااادق

الله يعوضنا بالجنه


قامت القيامه الله يامنّا

تحيااااتي لك

[حسن شامي الجعيد]

ذيب السريه

الدلبحي

مرزوق العتيبي

داهية عتيبه

ذيبان


صحت ابدانكم جميع ولاهنتوا

والمعذره والسموحه منكم ظروفي ما تسمح ادخل النت

ولكم جزيل الشكر

اخوكم

حسن شامي الجعيد