يا وصل طيرك غدا طاير بخفاقه ؟؟؟؟؟

[المورقي22]

بعد الغياب الطويل اعود لكم واعتذر من المدير العام للموقع على غيابي

ولكل غايب عذر وانشاءالله انني اتواصل معكم ونبدا بهذا الطاروق مع الشاعر العزيز وصل العطياني


يا وصل طيرك غدا طاير بخفاقه=والموتر اللي خرب خربان سواقه
هات العلوم الجزيله وافتح الطاقه =والراس مرفوع والرايات مرفوعه


انا يا وصل لا غبت حدتني ظروف=ظروف(ن) تزيد الهم بننه وهيله
تلوح البروق وما نبا الملعبه خوف=نجيب الجزيله وانت هات الجزيله

[وصل العطياني؟؟؟]

أهليـــن خيــّــو :)

من طول الغيبات جاب الغنايم ...

هلا بك ...

وأبشــر بمن يلعب معك ...

لو إنك تخبرني والله اني مانع المحاورة في النت في جميع المواقع ...

حتى في الهيلا حاطين شرط :


8..اٍعفاء أخوكم وصل العطياني من المشاركه في أي محاوره وذلك

لعدم التفرغ ولايوجد لديه من الوقت مايوزعه بين الاْشراف وبين المحاوره

عموماً إستلم :


وصلت ياللي تنادي يا بعد حيي = مار إلزم الأرض ما انته طالعٍ زيي
والموتر يسوقه وخيّك ماهو وخيّي =والراس مرفوع .....

سبب غيبتك فــ الكشف ماهوب معروف = وغيبتك هالمرة تراها طويلة
لكن إلعب إلعب واترك الرأس مكشوف= أبى ألبـّسك غترة خفيفة ثقيلة


تحيااااااتي

[المورقي22]

البقا يا وصل

وانا اسف توني ادري انك قاطع عن المحاوره بالنت

ولكن يشرفني ان اتحاور معك

واستلم لاهنت


ان كان شليت انا طبقت لي عقده=والبحر كلن عرف جزره على مده
حرارتك H وظغطك واصلن حده=والراس مرفوع والرايات مرفوعه

سبب غيبتي ظرف(ن) سكن وسط مظروف=تركت السمينه يا وصل للهزيله

اابلعب وابلعب مير يا ليتك تشوف=وموترك كلن عارفن وش موديله

[الــوآفــي]

10- يحرم على شعار الهيلا عدم المشاركه في المحاوره مهما كانت الظرووف وخصوصا المراقبين :)

888


هذا الشرط الاصلي :)


صح السنتكم ولا هنتوا

[وصل العطياني؟؟؟]

إســتلم يا فوفو :)


الشــعر ماهو عقد يا راعي العقدة=الشـّعر ناسٍ تقول وناس تنــتقده
حبــلٍ يحـلّه هذا والثاني يعقــده=والراس مرفوع والهامات مرفوعة

ليا جبت هزلة صكـّــني خمسة كفوف=و راع الخطأ يدري وش اللي يجي له
وأنا خابرك رجّال لكنّ ملقوف=تبى تبلش العاقل وتظهر حفيلــه


تحيااااااااتي

[وصل العطياني؟؟؟]

ذيبـــان ...

يا حبــّك لتربيط الشــّـوَش :D


لكن خلّك قريّب ..

ولاهنت على متابعــتك ...


تحياااااااااااتي

[إبن مفلح]

مسيكم بالخير ...


صح لسانك يافلاح وياوصل ...


شدو حيلكم متابعين ومستمتعين ...


وانا في صف ابو مشهوور ولايهوون فلاح ...

وأنا خابرك رجّـال لكـنّ ملقـوف تبى تبلش العاقـل وتظهـر حفيلـه


واصل واصل واصل واصل واصل




تحياتي

[المورقي22]

الشعر ميدان للاهله واهله الفرسان=يالفارس اللي معه سيفن بليا حصان
شفت السفينه ولكن ما بها قبطان=والراس مرفوع والرايات مرفوعه


ليا جبت هزله صرت موضوع محذوف=الا واحليل اللي تحددى عميله
حريرن طبيعي ما يجي مجتمع صوف=نزيد اللقافه بالسيوف الصقيله

[المورقي22]

الشعر ميدان للاهله واهله الفرسان=يالفارس اللي دخلت وما معاك حصان
شفت السفينه ولكن مابها قبطان=والراس مرفوع والرايات مرفوعه

ليا جبت هزله صرت موضوع محذوف=الا واحليل اللي تحدى عميله
حريرن طبيعي ما يجي مجتمع صوف=نزيد اللقافه بالسيوف الصقيله

[بن بادي]

واصلو يا راجيل

معكم .. وانا بصف المورقي

ولا يهون ابو مشهور

لكن ابا اشوف من يلعب

انا ولا ابن مفلح ;)

بن بادي

[((الدلبحي))]

تسلمون يالربع
محاوره قويه وانا احد المتابعين وفي صف وصل
معذرتاً يالمورقي

تحيااااااتي

[الحر الأشقر]

أخوي فلاح المورقي بيض الله وجهك
مشرفنا وشاعرنا الكبير وصل بيض الله وجهك
وحنا متابعينكم واصلوا

لا كن يافلاح إنتبه للوزن فالموال الأخير فالموال وزنه ناقص
ومره أخرى لا هنتوا

أخوكم الحر الأشقر

[وصل العطياني؟؟؟]

يعطيكم العافية يالربع ...

وجودكم شــرف ...



تحياااااااتي

[وصل العطياني؟؟؟]

إستلم يا فلاح والعذر على التأخير :


فلاح .. ما أقول غير الله يسهّلها = تال السوالف ترى ماهو كمــا أوّلها
أنته تدوّر ومن دوّر تـحصـًّلها=والرأس مرفوع والهامات مرفوعة

بلاشي نجيب حصان ورماح وسيوف = عصا وحّدة تهبلك عشرين ليلة
تروِّح ويبقى حرّها داخل الجوف=وش أقول ؟ لكن مثل نار المليلة !



تحياااااااتي

[ولد زراااق]

يعطـــــــــــــــــــــــيكم العافية00
واصلوا وحنا متابعين



تحياتي:eek:

[مروي العطاشا]

يعطـــــــــــــــــــــــيكم العافية00
واصلوا وحنا متابعين