ابن الشاويش .............

[فواز السعيدي]

عبد المجيد مساك شعر ياسنايدي ..:)


//

..


ياشاويش عتيبه الهيلا الصغير بالنيابه = بالنيابه عن شاويش عتيبه الهيلا عطيّه !!

جدك اللي يذكرونه يوم صكات الحرابه = ياترى ياناعم الاظفار بكره وانت زيه ؟ !!

[ماجد العصيمي]

صح لسانك يافواز

ولسان العطاوي مقدماً والصف صفه مافيها كلام


فواز تراك تلعب بالنار ههههههه

[علي الشهراني]

طيب طيب


صحت السنتكم جميع


متااابع

[فواز السعيدي]

هلا ياشبل



نورت يالغالي

//

[فواز السعيدي]

الراي


هلا والله


صح ابدانك

[حسن إبراهيم الدجيماء]

لله درك يالسعيدي .. صح الله لسانك ... متابع وفي انتظار الشاويش العطاوي ... !!!!

[فواز السعيدي]

الدجيما


ارحب ياسنايدي


لاااهنت

[عبدالمجيد العطاوي]

,, مساك ابداع يابو عايش استلم لاهنت والصلاة فاقيتنا ,,



استلم يالجندي اللي قد قطِع منه الرجا به=قاطعين هذيل منه الموكدة والمرجويّة
من بغى اللقيا على وضح النقا يامرحبا به=وانت لو درت النظر يمّك ضربت الجرهديّة

[فواز السعيدي]

:):):):):)

//
//
..


اعطي الرجال مهله لين يعطيني جوابه = ونتوحّا في جوابه (صايبه ولا خطيّه ) !!
يوم اصغّركم (عتيبه) يوم اكبّركم (عتابه) = والعتيبه ماترد الرجل لاياصل خويّه !!

[مــــحــــمــــد]

فواز السعيدي

صح لسانك

ولسان عبد المجيد مقدماً

[عبدالمجيد العطاوي]

,, :) ,,



لاتحسبنّك وكيل آدم على عدّ انتسابه=اهذليّ لا عنان ولا سنان ولا مطيّة
قولها يالليّ خلق الله خردة في خرابة=مالقينا فيك شيٍ ينتكبّر لو بليّة

[عبدالمجيد العطاوي]

,,

حيّاك الله يامحمّد مشكور على المرور

[فواز السعيدي]

طيب طيب

//
..


احمد الله ماعلي قصور (جدّاني صحابه) = وانت تفخر بالشاويش اللي لمثلك مقدويّه !!

لالمسنا الجرح بالقوّه ترى ماهي دعابه = اقبل اللي جاك والذمّه من الذّمه بريه !!

[فواز السعيدي]

محمد ارحب يابعدي


لاهنت

[أسير القوافي]

صحت ألسنتكم ياعمالقه ..


< في صف عتابه وعتيبه جميعا .. :)

[علي الشهراني]

العلم منتفخ


واااصلو و على القووووه


دائما لقاء النخبه يكون له طعم خاااص


صحت السنتكم جميع


متاااابع بصمت

[عبدالمجيد العطاوي]

,,



الكلام ابلاش .. جرّ الصوت مع قوس الربابة=واطيب الألحان تعرف بـ ( اللحون السامرية ):) !!
يوم انشّد عنك ربعك ( السعيدي ويش صابه )=قالوا انّه فيك علّة فالعصوب الداخلية !!

[عبدالمجيد العطاوي]

,,

صحّ بدنك ياأسير القوافي والصفّ يزها بك طال عمرررك

[عبدالمجيد العطاوي]

,,

مررررررحبا بالرأي السديد مرورك شرف :)

[حاكم الغنامي]

الله الله

صحت الالسن والقلوووب

متابع

[فايز بن سرحان الثبيتي]

ابداع ""



صحت قلوبكم "

[عبدالمجيد العطاوي]

,,

صحّ كلّك يابو عيد ارحب مليون

[عبدالمجيد العطاوي]

,,

هلا يابن سرحان نورّت المتصفّح طال عمررررررك

[سرحان 511]

.

..


قولها يالليّ خلق الله خردة في خرابة
مالقينا فيك شيٍ ينتكبّـر لـو بليّـة

لله درك وكفى

.

..

[سلمان العازمي]

لله دركما .... ابدعتوا

لا تحرمنوا من جديدكم


سلمان العازمي

[فواز السعيدي]

;):);)



السعيدي يوم تتكلّم معا حضرة جنابه = لازم انّك تفتخر مادمت طالب ثانويه !!

العطاوي ضيّع المعنى ياليت الله ماجابه = يوم افكّر في بيوته تنقلب كبدي عليّه !!

[فواز السعيدي]

عبد المجيد الابدااااااااع صح لسانك


تشرفت باللعب معك يابعدي .........



...................


كل من سجل اسمه على هذا الماصفح


شكرا شكرا من القلب ..


تحياااتي