يا حاكم الغنامي ........... تعال ابيك ضرووووووري ...

[علي الشهراني]

الله يحييك يا حاكم

و لي الشرف في مقابلتك طال عمرك

يا ليت تكون مباشره


سلام الله على حاكم عسى حاكم يحكم الشور=على ما قيل و المعنى على غتْرَتْه و عقاله
ابيك تفسّر الموضوع و الباقين دون قصور=اشوف ان القَصَر حرّاس بابه كثْر عمّاله

[صاهود]

ابيك تفسّر الموضوع و الباقين دون قصور
اشوف ان القَصَر حرّاس بابه كثْر عمّالـه

ياسلام سلم

هذا والله هالعلم

صح السانك

وصح السان ابوعيد مقدما

[علي الشهراني]

حياك الله يا صاهود


مرووووورك تشريف و الله يحييك


في انتظااار حااكم

[حاكم الغنامي]

ارررحب اررحب

يالراي السديد

والشرف لنا طال عمركــ


هلا يامرحبا ترحيب له منهج وله دستور =على قانون مايهزع يمين الدرب وشماله
يعود الحكم في بغداد لبو جعفر المنصور =بنى قصر الخلافه ..وانت عيش وموت بضلاله

[علي الشهراني]

حياك الله يا حاكم و الشرف لي


يدوم الك البقا يا الشاعر المعروف و المشهور=ترا الايام يوم و يوم نزّاله و رحّاله
ترا كلمتك يا حاكم بلد ما تغرق البابور=عسى بو جعفر المنصور يظبط كيف فنجاله

[حاكم الغنامي]

الله يبقيكـــ


ترى ماني حبيب وانت منت بصاحبه مستور =ولكنا قرومٍ من رجال العرف والطاله
حلفنا مانسكر باب قصر المصمك المعمور =مشرع للضيوف ومن يحوص يسار نشتاله

[علي الشهراني]

انا الراي السديد اللي علومه بين سور و سور= اكيل و كل شاعر بالمعاني دوك مكياله
نبي نمشي على الخط السليم اللي عليه النور=لونّ القوم نص القوم نصّابه و محتاله

[حاكم الغنامي]

مدامك بين سور وسور فانته بينهم محصور =وانا وسط البحر سباح من جاله ليا جاله
ليا منك مشيت تسرني واقول الك مشكور =تراني عارف الداب المرنقط واعرف عياله

[علي الشهراني]

لونّك تعرف السورين ما جبت الهروج العور=عسى السبّاح يحفظ قيمته و يشل دسماله
اشوف الجنه الخضرا و لكن ما نظرت الحور=عسى ما هي سياسة بوش يا حاكم و جهّاله

[عيد بن مرضي]

الله الله


ابداااااع حتى النخاع


الراي السديد - حاكم الغنامي


صح الله اااااااااااااااااالسنتكم


متااااااااااااااااااااااااااااابعين لكم

[علي الشهراني]

ارحب تراحيب المطر يا بو مرضي


الله يحييك و مرووورك شرف طال عمرك


مشكوووووووووووووووور

[حسن إبراهيم الدجيماء]

الرأي السديد + حاكم الغنامي "حاكم الشعر" = ابداع وغاية الامتاع ..!!

بيض الله وجيهكم وصح الله السنتكم ... الرأي السديد مافيك كلام جزل والله العظيم , حاكم الغنامي لاتعلييق ..!!

[علي الشهراني]

الدجيما حياك الله


و مشكوووووووور


اخوي حاكم صح الله لسانك


تشرفت باللعب معك


و الى لقاء اخر ان شاء الله

[الحوووووت]

الله الله الله صح لسانك يالراي السديد ماهو غريب الابداع منك صح لسانك



وصح لسان حاكم الشعر



بيض الله وجيهكم