سلام ردّه من صحيب ٍ مايبور مع الصحيب.. [الأرشيف] - الهيـــــــــــــلا *** منتدى قبيلة عتيبة

كبتن عتيبه

13-Jan-2010, 07:18 PM

سلطان الجذع...

مساء الخير..طال عمرك

سلام ردّه من صحيب ٍ مايبور مع الصحيب=يوعد ويوفي فالوعد.. لجل الرجال الوافيه!!
سلطان ودّه بالعسل وألاّ يبا سمن وحليب=كل الثلاث..أن قالها الله..صحتين وعافيه!!

حاكم الغنامي

13-Jan-2010, 07:20 PM

صحتين وعافيه

الله الله

صحت السنتكم

الثنين

ومتابع

فواز السعيدي

13-Jan-2010, 07:20 PM

الله الله الله

صح لسانك وفكرك يابو فيصل ..

بدعة عالمية

وصح لسان الاسطورة مقدما ..

متاااابع

كبتن عتيبه

13-Jan-2010, 07:27 PM

حاكم//فواز

شرفتمونا

تحياتي

سلطان الجـذع

13-Jan-2010, 07:29 PM

..

هلا هلا مساء النور ...

يامرحبا باللي يغيب وكل مايحضر يجيب = مثايلٍ ماهي مجرد وزن بيت وقافيه !!
نبا الوفا فالكيل والميزان والراي المصيب = ان كان تقدرها تراها يالثبيتي كافيه !!

سلطان الجـذع

13-Jan-2010, 07:32 PM

...

ارحب ارحب ياحاكم ولاهنت على تشريفك

سلطان الجـذع

13-Jan-2010, 07:33 PM

...

صح بدنك يافواز ولاهنت على تواجدك المهم ..

فايز بن سرحان الثبيتي

13-Jan-2010, 07:34 PM

" كبتن عتيبه "

" "

"سلطان الجذع"

صحت قلوبكم والسنتكم متابعين لكمـــ "

سلطان الجـذع

13-Jan-2010, 07:35 PM

,,,

حياك الله يابن سرحان ومتابعتك تشريف ...

لاهنت

كبتن عتيبه

13-Jan-2010, 07:41 PM

الله الله

الليله المرضان ياسلطان لازمه الطبيب=اللّي معه مشرط يطلّع كل علّه خافيه!!
أمّا حفرنا له قبر..وألاّ برَى الجرح العطيب=ما كُل جُرعه ياوسيع العرف جُرعه شافيه!!

معجب العتيبي

13-Jan-2010, 07:44 PM

كبتن الابداع

واسطورة التميز

طاروق يجيب يجيب يجب متابعته

صحة الالسن والقلوب

صاهود

13-Jan-2010, 07:46 PM

الكبتن------- الاسطوره

صحت الالسن والقلوب جميع

وجبت المتابعه

معجب العتيبي

13-Jan-2010, 07:47 PM

كبتن عتيبه

سلام ردّه من صحيب ٍ مايبور مع الصحيب=يوعد ويوفي فالوعد.. لجل الرجال الوافيه!!
سلطان ودّه بالعسل وألاّ يبا سمن وحليب=كل الثلاث..أن قالها الله..صحتين وعافيه!!

سلطان الجـذع

يامرحبا باللي يغيب وكل مايحضر يجيب = مثايلٍ ماهي مجرد وزن بيت وقافيه !!
نبا الوفا فالكيل والميزان والراي المصيب = ان كان تقدرها تراها يالثبيتي كافيه !!

كبتن عتيبه

الليله المرضان ياسلطان لازمه الطبيب=اللّي معه مشرط يطلّع كل علّه خافيه!!
أمّا حفرنا له قبر..وألاّ برَى الجرح العطيب=ما كُل جُرعه ياوسيع العرف جُرعه شافيه!!

كبتن عتيبه

13-Jan-2010, 07:52 PM

صاهود

معجب

ابن سرحان

نورتوا المتصفح

تحياتي

سـعـد الـعـصـيـمـي

13-Jan-2010, 07:54 PM

تسجيل حظور فقط لان هناك ابداع وابداع ينتظرنا ..

معكم على الخط

الــوآفــي

13-Jan-2010, 07:57 PM

ابو فيصل وابو عبدالله

ليله غير

وجبت المتابعه

كبتن عتيبه

13-Jan-2010, 07:59 PM

سعد العصيمي

ذيبان

لا هنتوا على الحضور

ناصر الجلاه

13-Jan-2010, 08:05 PM

..

كبتن عتيبه

..

صح لسااانكـ يابوفيصل تغيب وتحضر بالجزاله :)

صح لسانكـ يابوعبدالله جزل في كل حالاتك

واصلوووا متابعين للأستفاده

دمتم

..

سلطان الجـذع

13-Jan-2010, 08:11 PM

...

والله ماندري لو ان الظن هالمره يصيب = لو المسافر ناوٍ المسرا بشمعه طافيه !!
وانته علاك من الوجوب وجوب فاليوم العصيب = وأقله أنك للرجال ترجع الاسلافيه !!

سلطان الجـذع

13-Jan-2010, 08:14 PM

...

صح بدنك يامعجب وحياك الله ...

سلطان الجـذع

13-Jan-2010, 08:15 PM

...

صاهود مرحبا مرحبا شرفتنا بتواجدك

محمد ابن رووق

13-Jan-2010, 08:16 PM

روووووووووووووعه الطاروق

سلطان الجـذع

13-Jan-2010, 08:16 PM

...

يامرحبا ياسعد يامرحبا حضوركـ غير :)

سلطان الجـذع

13-Jan-2010, 08:17 PM

,,,

ارحب ارحب ياذيبان ,,,شرفتنا بأطلالتك

سلطان الجـذع

13-Jan-2010, 08:18 PM

...

ناصر الجلاه شرفت يالغالي ...

لاهنت لاهنت

سلطان الجـذع

13-Jan-2010, 08:21 PM

...

وانت اروع يامحمد روق :)

عمير الثبيتي

13-Jan-2010, 08:25 PM

كبتن عتيبه = سلطان الجذع

محراف ما ينعاف بينكم يزين القاف إبداع

كبتن عتيبه

13-Jan-2010, 08:26 PM

الله الله

وين الشياخه ..عنك ..وأنته يوم حدّرت الشعيب=رأسك مصلّع ياولد مزحم..ورجلك حافيه!!
حنّا ليا نادى المنادي والله أنّا ما نغيب=وأنته ليا جاء فالعلوم علوم ما تنشافيه!!

سلطان الجـذع

13-Jan-2010, 08:26 PM

,,,

ارحب ارحب يابادي المشراف ,,, وجودك يزيدنا تشريف

سلطان الجـذع

13-Jan-2010, 08:43 PM

,,,

مشيختي يوم الحريب يويق له سبر الحريب = واليوم ابا احيي ما مضى في حاضر الميقافيه !!
لا والله الا ضاع معروفي معك ضيعة ذهيب = الله يعوض اللي عيونك عن فعوله غافيه !!

علي الشهراني

13-Jan-2010, 08:46 PM

بيض الله وجيهكم

لاهنتو و صحت السنتكم

متااابع للابدااااااااع

سلطان الجـذع

13-Jan-2010, 08:50 PM

,,,

حياك الله يالراي السديد وشرفتنا بتواجدك ,,,

كبتن عتيبه

13-Jan-2010, 08:53 PM

الله الله

ياسطورة الجذعان وجهك يمكن أنّه وجه ذيب=لكن قلبك مختلف..وأحترت فالأوصافيه!!
كم تحذف أطفال الحجاره من حجر في تل أبيب=وقبورهم تحت الحجر يسفي عليها السافيه!!

كبتن عتيبه

13-Jan-2010, 08:53 PM

نرحب بالحاضرين كلهم,,,,,,,,,,,

ناصر الجلاه

13-Jan-2010, 09:02 PM

ياسطورة الجذعان وجهك يمكن أنّه وجه ذيب
لكن قلبـك مختلف..وأحتـرت فالأوصافيـه!!
كم تحذف أطفال الحجاره من حجر في تل أبيب
وقبورهم تحت الحجر يسفي عليها السافيـه!!

ياسطورة الجذعان وجهك يمكن أنّه وجه ذيب
لكن قلبـك مختلف..وأحتـرت فالأوصافيـه!!
كم تحذف أطفال الحجاره من حجر في تل أبيب
وقبورهم تحت الحجر يسفي عليها السافيـه!!

ياسلام ويلومنا فالكبتن :)

لله درك ياشيخ

..

كبتن عتيبه

13-Jan-2010, 09:08 PM

أرحب أرحب

ياناصر الجلاه

حضورك يكفي..

طال عمرك

سلطان الجـذع

13-Jan-2010, 09:09 PM

,,,

الله الله ههههههههه

حنا الصعايب ننتظرها كنها ( جيّة حبيب ) = وانته هناك النوم في وسط العباه الدافيه !!
ان جات خير ولن سرت ماهي رجا والا نصيب = من ودنها باقين للمجد التليد احلافيه !!

كبتن عتيبه

13-Jan-2010, 09:25 PM

الله الله

أنته تغطرس والتغطرس مانفع قبلك كليب=ساعة رفع خشمه وقال: أنّي ما الدّ خلافيه!!
ياللّي تقول الشعر مع (ملفي ومع زيد وشبيب)=الله يرحم مطلق ابن حميد وصيافيه!!

حاكم الغنامي

13-Jan-2010, 09:28 PM

ياسلالالالام

عليكم

واصلوا واصلوا

متابع

سلطان الجـذع

13-Jan-2010, 09:52 PM

,,,

اهم حاجة للنظر قاصر ولا الهقوة قريب = والعلم مع غيرك شهود العدل والانصافيه !!
انت تحسبها بعد مطلق عاقرٍ ماجت بصيب = ماتدري أن عيالها مثله جموعٍ لافيه !!

سلطان الجـذع

13-Jan-2010, 09:54 PM

,,,

كبتن عتيبه صح لسانك وبيض الله وجهك ,,, امتعتنا بابداعك ,,,

وتشرفنا بمجاراتك ,,, كل الشكر والتقدير لك ولكل من حضر هنا ,,,

وتصبحون عل خير

كايدالاجرب

13-Jan-2010, 10:00 PM

كبتن عتيبه

سلطان الجذع

صحت السنتكم على الطاروق الكااااااايف

لاهنتو ثنينكم

سعود العصيمي

13-Jan-2010, 10:27 PM

كبتن عتيبه x سلطان لجذع

الليله المرضان ياسلطان لازمـه الطبيـب
اللّي معه مشرط يطلّع كـل علّـه خافيـه!!
أمّا حفرنا له قبر..وألاّ برَى الجرح العطيب
ما كُل جُرعه ياوسيع العرف جُرعه شافيه!!

والله ماندري لو ان الظـن هالمـره يصيـب
لو المسافر نـاوٍ المسـرا بشمعـه طافيـه !!
وانته علاك من الوجوب وجوب فاليوم العصيب
وأقلـه أنـك للرجـال ترجـع الاسلافيـه !!

ههههههه

ياسلام عليكم
صحت الالسن والقلوووب

سـعـد الـعـصـيـمـي

13-Jan-2010, 10:32 PM

..

قاف فيه من ابداع المحترفين الكثير .. !!

صحت السنتكم

معلا إبراهيم الأسعدي

13-Jan-2010, 10:40 PM

كبتن عتيبه صح السانك

وصح السان سلطان الجذع

إبداع غير مستغرب من شاعرين أكفاء

عيد بن مرضي

13-Jan-2010, 10:40 PM

ياسلاام المعلمين هناااا

صح الله ااااااااااااااالسنتكم

كبتن عتيبه

13-Jan-2010, 11:00 PM

سلطان الجذع

الأسطوره

صح لسانك واعتلى شانك

و إلى إلقاء في محاورة أخرى,,,,

تحياتي

لك

و
لإبداعك

كبتن عتيبه

13-Jan-2010, 11:01 PM

الأخوان المتواجدون هنا

لاهنتم على الحضور

والتعليق

ومتابعة مجريات المحاورة

تصبحون على خير

سعود البرقاوي

13-Jan-2010, 11:02 PM

الليله المرضان ياسلطان لازمـه الطبيـب
اللّي معه مشرط يطلّع كـل علّـه خافيـه!!

ياسلام عليك ياكبتن

وماشاء الله عليك يالجذع

قاف فايف ستار ولاقصرتوا
تحياتي

رعد الروقي

13-Jan-2010, 11:34 PM

أنته تغطرس والتغطرس مانفع قبلـك كليـب
ساعة رفع خشمه وقال: أنّي ما الدّ خلافيـه

يا سلام

ابدعتما

صحت السنتكم حتى ترضون

محمد النخيش

14-Jan-2010, 03:15 AM

ابدعتو الله لايهينكم جميع

ولايستغرب الابداع من اهله

صح السنتكم

حسن إبراهيم الدجيماء

14-Jan-2010, 07:50 AM

بيض الله وجيهكم وصح الله السنتكم ... أمتعتونا واتحفتونا ... طاروق كايف ... ولاتحرمونا من ابداعاتكم ..!!

(( سلطان الجذع + كبتن عتيبة ))