نشـدت عنـك نجـوم نجـد ونسيمـه=ومن ساطع القمراء تحريـت الاخبـار

[رشيدالهديرس]

*







نشـدت عنـك نجـوم نجـد ونسيمـه=ومن ساطع القمراء تحريـت الاخبـار

ونشدت عنك مع السمـاء كـل ديمـه=ورحت استشف العلم من همس الازهار

ومريـت بطـلال القصـور القديمـه=اللي بها سجلـت انـا وانـت تذكـار

انـشـد وادور والاجـابـه عديـمـه=لاصـوت جاوبنـي ولا دار ديــار

ورجعـت ازايـم عبرتـي والهزيمـه=مكسور خاطر بالـغ الحـزن منهـار

ضاق الفضاء واصبح بعينـي خريمـه=ماشـوف لـي معهـا بليـاك معبـار

ويـن انـت ياتـوم الحيـاة اليتيمـه=فوق الثـرى ولاعليـك الثـرى ثـار

كان انت حي وفـي ظـروف سليمـه=عزالله انك جرت يـوم الزمـن جـار

ماتدري ان الهجـر ظلـم و جريمـه=وان الجفاء في حق راع الوفـاء عـار

وكان انت ميـت فالمصيبـه عظيمـه=الدمع مايكفـي ولـو صـب مـدرار

ياللشـقـاء ياللقـهـر والهضـيـمـه=ياللعذاب اللـي بـداء معـي مشـوار

تصبـح حياتـي كلهـا دون قيـمـه=ونور الامل في ناضري ينقلـب نـار









للشاعر المتميز والقدير خضير البراق العتيبي

[أخو جوزا]

صح لسانك ولسانه

[علي الشهراني]

لاهنت


و مشكوووووووور

[أبوضاري]

صح لسانك ولسانه

[االكريزي]

صح لسانه

ومشكور على الطرح

[حاكم الغنامي]

وين انت ياتوم الحياة اليتيمه
فوق الثرى ولاعليك الثرى ثار
كان انت حي وفي ظروف سليمه
عزالله انك جرت يوم الزمن جار
ماتدري ان الهجر ظلم و جريمه
وان الجفاء في حق راع الوفاء عار


ياسلاااااااااااااااام


صح لسانه مليوووون

وسلمت يمنك على النقل