قصيدة عبدالعزيز بن عبدالله السريع

[عبدالعزيز السريع]

((ابكي قهر))


أبكي واسهر الليل والدمع بالعين

مدري البلا مني والا هي ظليمـه

ياصاحبي دمع العين ماطاح لزين

والا على قلبن تواكـل صميمـه

تقول لاطمني علـى الخد الفين

أبكي وماصار للدموع عيني قيمـه

مدري يكون الدمع للعيـن تكريـم

او مدري يكون إلها عذاب وحريمـه

والله ياهي دمعتـن كلها ظيم بظيم

راحت اسنيني من عذابي حطيمه

ودم البكا ياصاحبي ما فيـه تحريـم

ياصاحبي والله لأرخص الدمع شيمه

وابكي على حالي من الهم وآهيم

ليت الزمن يخلـف عليّ كل زينه

أبكي سجين ساهر بالسجن العديم
وين الاخوي وين القلوب السليمه


أبكي قهر وابكي من الغبن والضيم

وابكي من طعونن بقلبـي قديمـه
غدر البشر خلّى بوجهي مراسيم

وما يقهر الرجال غير الهزيمه

بعض المصايب شرها ياكل الشين

وشلون بكبود الرجـال الكريمـه

وبعض المصايب يخلفن المفاهيـم

تبقى على ما قيل صبر وعزيمـه

مظلوم بالدنيـا وغيـري مظاليـم

بسباب ناسن لبسوني الجريمـه

ما عاد أبي من سود الأيام تعليـم

بعد العذاب اللي ذبحني جحيمـه

ولو تصفي الدنيا علـيّ الملازيـم

ما عاد أدور من وراهـا غنيمـه


وسلامتكم
عبدالعزيز بن عبدالله السريع

[بن فيحان الروقي]

صح لسانك على هالقصيدة


وننتظر من الاخ الشاعر عبدالعزيز السريع


المزيد

[فهد رشيد الزلامي]

صح لسانك يا عبدالعزيز
ولكن عندي ملاحظه وهي :

النص بشكل عام ينقسم إلى قسمين/
القسم الاول / من بداية القصيده وحتى البيت الثامن.
القسم الثاني / من البيت التاسع إلى نهاية القصيده.
والدليل :
هناك إختلاف في المستوى الشعري بين القصيدتين مع أنك كتبتها كقصيده واحده
من حيث الوزن والمعنى وترابط الافكار وكذلك الوحده الموضوعيه.

تقبل مروري وكلامي ليس الا وجهة نظر تحتمل الخطأ والصواب.

[فهد عطاالله]

السلام عليكم ورحمة الله وبركاته
][`~*¤!||!¤*~`][الله يعطيك العافيه][`~*¤!||!¤*~`][

[.الدعجاني.]

مشكورر وبيض الله وجهك ياعبدالعزيز