يا سلطان الجذع روح للسلطان قابوس = و قله ( علي فلاح ) يقريك السلامي

[علي فلاح العضياني]

يا سلطان الجذع روح للسلطان قابوس = و قله ( علي فلاح ) يقريك السلامي
و بعد اسبوع قلّه ترانا عنده عسوس= و مطلبنا وظيفه على حسب النظامي

[عيد بن مرضي]

ههههههههههه


صح لسانك ولسان سلطان


لا والله إلا زان الليل


متاااااااااااابعين لكم

[مــــحــــمــــد]

طيب طيب

الله يرزقكم بالوظيفه الي تسد لزومكم :)


صح لسانك يابو فلاح


ولسان ابو عبد الله مقدماً . ( بغيت اطلبك مير الحمد الله الي فكني الله بـ علي يوم طلبك )


سجلوني متابع للأبداع

[سلطان الجـذع]

...

ارحب ارحب



والا ياللي على خاطرك طاري وهاجوس = لزومك يحتمل مجلسي والا مقامي !!
انا البس من غنى النفس دون العالم لبوس = ولاادري لو علي صاحبي جيعان ظامي !!

[علي فلاح العضياني]

عيد بن مرضي




محمد




صحت ابدانكم جميعاً

[سلطان الجـذع]

,,,



ارحب يابن مرضي ارحب وزان الليل بوجودك:)

[سلطان الجـذع]

...

حياك الله يامحمد ... ولاهنت على تشريفكـ ...

وانت مستحيل تطلبني لانك مغرور اعرفك :)

...

[مــــحــــمــــد]

ههههههههههههههههههههههههههههههه

لا ياشيخ :)

ماقول غير كلاً يرى الناس بعين طبعه :)

[حاكم الغنامي]

ههههههه


طيب طيب

صحت الالسن والقلوووب


متااابع للنهايه

[معجب العتيبي]

الله الله


العضياني والجذع


طاروق يستحق المتابعه


وعلي غريبه تطلب الجذع واسطه هههههههههه

والا تبيه بس يبلغ الرساله؟

[سلطان الجـذع]

...

ارحب ارحب ياحاكم ... شرفتنا بتواجدك ...

[علي فلاح العضياني]

الله الله

الله الله


تبا نوقد لك مع الدجى شمعه و فانوس=و تشوف النور بالعين من بعد الظلامي
ترى لو كان كنز القناعه فيك مغروس=أكيد النفس تحتاج للماء و الطعامي

[سلطان الجـذع]

...

طيب يامحمد طيب هههههههههههههههه

الله لنا بس :)

[مــــحــــمــــد]

ترى لو كان كنز القناعه فيك مغروس
أكيد النفس تحتاج للماء و الطعامي


ياسلام ياسلام


اسمع ياسلطان رد ابو فلاح تراه جا على الجرح :)

[نوآف الغنامي]

ياااااسلآم سلم


ابو فلآح وابو عبدالله



صحت السنتكم


متااااااابعين لكم

[علي فلاح العضياني]

معجب





حاكم




خيال الصفراء




صحّت ابدانكم



تواجدكم شرف كبير

[عبدالله الاصعر]

علي فلاح

والاسطوره

ابداع متميز

تحياتي

[سلطان الجـذع]

,,,


ليال الصيف يالطايف المانوس مانوس = تهامه مايصيف بها غير التهامي !!
ترى ماكل واحد من الشيطان محروس =ولايهتم لو أكله وشربه حرامي !!

[علي فلاح العضياني]

الاصعر



صح بدنك يا استاذ

[سلطان الجـذع]

...


ارحب ارحب يااستاذنا معجب ولاهنت على تشريفك

[سلطان الجـذع]

,,,

حياك الله ياخيال الصفرا ...

مرورك تشريف لاهنت لاهنت

[سلطان الجـذع]

...


ارحب ارحب ارحب ياعبدالله الاصعر ...

[علي فلاح العضياني]

ألا يا الطالب اللي عطاك استاذك دروس=تبا تحفظ بعيرك , تجوّد فالخطامي
يا زين الصيف في دولة الشيشان و الروس=عليهم يمطر الغيث من وبل الغمامي

[فايز بن سرحان الثبيتي]

الله الله



صحت قلوبكم على هالقاف


متابع لكما

[سلطان الجـذع]

طيب طيب ...


تركد لاتحوس القضية كلها حوس = ترى ماعاد شعرك يبلغنّي مرامي !!
مقامٍ مانحصل منه طاله وناموس = ابا اقصر دونه الرجل واوفر كلامي !!

[سلطان الجـذع]

...

ارحب يابن سرحان ارحب

[سعود البرقاوي]

ليال الصيف يالطايف المانوس مانوس
تهامه مايصيف بها غير التهامـي !!

ياسلام ياسلام ياسلام ياسلطان

وماشاء الله عليك ياعلي مغير تقشّط تقشطٍ ماهو بسيط

تحياتي

[علي فلاح العضياني]

ترى الطاروق من قبل ما نبداه مدروس= لكنّ المنقره لا يعذرب فالزلامي !!!
عسى الله يشفي اللي معه فالعقل فيروس=يصوم العيد و يقول لا تجرح صيامي !!!

[ماجد العصيمي]

صح لسانك يابو فلاح


ولسانك يالاسطوره

[سلطان الجـذع]

...


:)



على بحر الشعر واقعك ماهو بملموس = ترى الاوهام بنت على عقلك خيامي !!
انا كم قلت لك لاتبل الراس للموس = ثلاث سنين اجامل معك مدري علامي !!

[سلطان الجـذع]

...

صح لساااااااااااانك ياابو فلاح . مدرسة لازلنا نتعلم منها الكثير :)

وتصبح على خير والى لقاء قادم وكل الشكر لمن حضر هنا

[محمد بن رشيد]

ياسلام على الابداااع وهله


لاهنتوااا

[سعود العصيمي]

علي فلاح =

يا سلطان الجذع روح للسلطان قابوس=و قله ( علي فلاح ) يقريك السلامـي
و بعد اسبوع قلّه ترانا عنده عسوس=و مطلبنا وظيفه على حسب النظامـي










سلطان الجذع =

والا ياللي على خاطرك طاري وهاجـوس=لزومك يحتمـل مجلسـي والا مقامـي !!
انا البس من غنى النفس دون العالم لبوس=ولاادري لو علي صاحبي جيعان ظامي !!










علي فلاح =

تبا نوقد لك مع الدجى شمعه و فانوس=و تشوف النور بالعين من بعد الظلامي
ترى لو كان كنز القناعه فيك مغروس=أكيد النفس تحتاج للماء و الطعامي





سلطان الجذع =

ليال الصيف يالطايف المانوس مانوس=تهامه مايصيف بها غير التهامـي !!
ترى ماكل واحد من الشيطان محروس=ولايهتم لو أكله وشربـه حرامـي !!







علي فلاح =

ألا يا الطالب اللي عطاك استاذك دروس=تبا تحفظ بعيرك , تجوّد فالخطامي
يا زين الصيف في دولة الشيشان و الروس=عليهم يمطر الغيث من وبل الغمامي








سلطان الجذع =

تركد لاتحوس القضية كلهـا حـوس=ترى ماعاد شعرك يبلغنّي مرامـي !!
مقامٍ مانحصل منه طالـه ونامـوس=ابا اقصر دونه الرجل واوفر كلامي !!








علي فلاح =

ترى الطاروق من قبل ما نبداه مدروس=لكنّ المنقره لا يعذرب فالزلامي !!!
عسى الله يشفي اللي معه فالعقل فيروس=يصوم العيد و يقول لا تجرح صيامي !!!






سلطان الجذع =

على بحر الشعر واقعك ماهو بملمـوس=ترى الاوهام بنت على عقلك خيامي !!
انا كم قلت لك لاتبـل الـراس للمـوس=ثلاث سنين اجامل معك مدري علامي !!





يا زين الصيف في دولة الشيشان و الروس
عليهم يمطر الغيث مـن وبـل الغمامـي


مقامٍ مانحصل منه طالـه ونامـوس
ابا اقصر دونه الرجل واوفر كلامي !!



ههههههههه

الله الله

طارووق محبوووك

صحت السنتكم ايها العملاقين

[خيال الأصيله]

صحت السنتكم


ولاهنتوا مبدعين

[ابو فايح]

صحت السنتكم مبدعين في كل وقت