مدح في بشت الامير وقدح في ختم الاماره !!!! يامحمد رشيد

[سلطان الجـذع]

...


ابو مالك مبطين عن علوووومك



مرحبا ترحيبةٍ ينشر خبرها فالجريدة =سعرها غالي ولاهي عند ابو مالك خساره !!
يامحمد في دواوين الشعر عندك قصيدة = مدح في بشت الامير وقدح في ختم الاماره !!

[عبدالله الاصعر]

...


ابو مالك مبطين عن علوووومك



مرحبا ترحيبةٍ ينشر خبرها فالجريدة =سعرها غالي ولاهي عند ابو مالك خساره !!
يامحمد في دواوين الشعر عندك قصيدة = مدح في بشت الامير وقدح في ختم الاماره !!


هذا والله العلم


سلطان الجذع صح لسانك

وصح لسان ابن رشيد مقدما

تحياتي

[سلطان الجـذع]

,,,

الله الله ياعبدالله اليا بغيت العلم تلقاه عندي :)

واليا بغيت النار قرب لزندي ههههههههههههههههه

ارحب ارحب ,, وصح بدنك ولاهنت على تشريفك

ياصديقي الجديد :)

[السيل-الحافي]

صح السانك وصح السان محمد رشيد

متابعين للفائده

والمتعه

تحياتي

[سلطان الجـذع]

...

صح بدنك ولاهنت يالحافي ... شاكرين ومقدرين حضورك

[محمد بن رشيد]

الله الله


تزين العلوم بوجودكمـ




البقا باللي مع اهل الطيب ماينقص رصيده = شاعر ٍ وافي ومنزاله مثبّت فالصداره !
مامدحت الا الرجال اصحاب الافعال المجيده = ماتلفّت في هل الاموال وبنوك التجاره !

[ابو فايح]

علم جديد يالجذع

صح لسانك


لكن ما علمتنا انت معارض أو مع ابن رشيد فيما قال

دقايق ونتأكد او غير ذلك

[محمد بن رشيد]

الغالين

الاصعر عبدالله ,, السيل الحافي



هلااا وغلاااا


شرفتووونا

[محمد بن رشيد]

ابو فايح


هلااا وغلااا ,, شرفت بحضووركـ

[كبتن عتيبه]

يامحمد في دواوين الشعـر عنـدك قصيـدة
مدح في بشت الامير وقدح في ختم الاماره !!



ياسلام ياسلام



هذا والله الكلام



تحياتي

[محمد بن رشيد]

هلااا ياكبتن هلاااا


شرفت

[ابو فايح]

صح لسانك يابو رشيد

[سلطان الجـذع]

...


خل ضلعك من حجر قاسي وقلبك من حديده = الرجل يفعل ولا تقطع يمينه من يساره !!
يتعب الرجلي على قطع المسافات البعيدة= ولايلام ان كان علق مزهبه مع زمل جاره !!

[سلطان الجـذع]

...

ارحب يابو فايح ولكن ..

والله لتبطي وحنا ماتفاهمنا :)

[سلطان الجـذع]

...

ارحب ارحب يالكبتن ... شرفت بتواجدك ...

[محمد بن رشيد]

الله الله



لاتوصيني وهذا العلم بالله لاتعيده = وقبل لاتطلع جبل ورقان صلّ الاستخاره !
ماقريت من السطور الاربعه جمله مفيده= واللبيب اللي يعرف العلم يفهم بالاشاره !

[سلطان الجـذع]

...



في فنون الشعر ابا اجي لك بفن ماتجيده = يضحكك تاره وتبكي بسببه تاره وتاره !!
وش نسوي في عيونٍ حول وقلوب بليده = المدرس يشرح دروسه ولاتفهم عباره !!

[فايز بن سرحان الثبيتي]

الله الله

" "


صحت قلوبكم على الابداع

[سلطان الجـذع]

...

ارحب ارحب يابن سرحان صح بدنك ولاهنت على تشريفكـ

[نايف بن ملحق الثعلي]

الله الله ياشعار
صحت الالسن والقلوب

[سلطان الجـذع]

,,,

حياك الله يانايف وصح بدنكـ .. منّور بوجودك :)

[محمد بن رشيد]

الله الله




انت يافنان ماقدّمت لي حاجه جديده = حفظوك الدور والمخرج قعد خلف الستاره !
فاح قدر الزيدي اللي بين صنعا والحديده = مادرى ان النار ياسلطان تالع من شراره !

[مــــحــــمــــد]

الله الله الله

كلام كبير يابو عبد الله

صح لسانك ولسان ابن رشيد

الا بنشدك وش اخر علوم العروبه :)

[محمد بن رشيد]

ابن سرحان ,, ابن ملحق


هلاا وغلااا


والنوور نوركم وحضوركم شرف

[محمد بن رشيد]

محمد


هلاااابك وبحضووورك

[سلطان الجـذع]

,,


وش على الزراقي اللي يشيل موته في وريده !!؟= في ميادين الرماه الرمي مايحفظ عياره !!
مايعرف الزيدي الا الشمة وقدر العصيدة = كيفنا ماهو بعارف ويش بنه من بهاره !!

[سلطان الجـذع]

,,,

ارحب ارحب يامحمد ...

وحي العروبة طيّب وينتظر قدومك الميمون هههههههه


شرفتنا يالغالي بتواجدك

[مــــحــــمــــد]

طيب طيب

متابع لنهاية

بس على فكره
هونت معدني بجاي ابرسلك وكاله وتصرف:)

[محمد بن رشيد]

الله الله




الجذع هذاه لو ايموت ياعتيبه فقيده !!=كل يوم ايشن له غاره وليل ايصد غاره !
ياعسى ماللملقّف بيننا يبقى شريده = علم الاعضاء وصوره من كلامي للاداره !

[سلطان الجـذع]

...

هههههههههههه يارجال تعال تعال ... ربيع و وناسه

واجواء يحبها قلبك :)


انا مالله كتب اني اسوي لك شئ ..

[كبتن عتيبه]

ياسلام ياسلام





عل الأ بداع

[سلطان الجـذع]

...


ماعلاك خلاف زالٍ الجبل يذريك حيده = تتعيش العمر في مامن من سباع المغاره !!
المراسل راح يرسل من بريده في بريده = والجذع لو طبق المكتوب شاله من ديارة !!

[عبدالله الاصعر]

يالربع افرعوهم عن بعضهم


جمال تلازمت مالقت لها والي


ههههههههههه


ابن رشيد و الجذع

صحت اللسنتكم

[فهيد الايدا المورقي]

الله الله الله


ابدااااااااااااااااااااااااع



صحت السنتكم جميع



تحيتي

[عيد بن مرضي]

سلطان الجذع - محمد رشيد


صح الله السنتكم

[خيال الأصيله]

صحت السنتكم


مبدعين

[محمد بن رشيد]

الله الله




فالجبل حصلت لي جره لـ/هارون وزبيده =و الخليفه نام وزبيده تدربي فالحجاره !
انت طيّب يالجذع لكن شياطينك مريده = لو نذوّقك الحلا ما اطعمت فيه الا المراره !!

[محمد بن رشيد]

صح لساانك ياسلطان .

اسعدتني بهالقاف ,,, والشكر موصول لمن حضر


لاهنتوااا

[علي فلاح العضياني]

الله الله


صحت ألسنتكم على الابداع الغير مستغرب






لله درّكم

[قادح شرار]

طيب طيب

سلمت أناملكم وصحت أفكاركم ..