تعمل رقيب اول ومتزوج ولك بنت وولد !!! العمدة !!

[سعود البرقاوي]

رعد الروقي ،،، بعد البحث والتحري ،، افدنا بما هو آت ::::



يامرحبا بك يارعد وانا عرفتك يارعد = ماعاد عندك حيلة تقدر معي تحتالها
تعمل رقيب اول ومتزوج ولك بنت وولد = وتعيش في شقة صغيرة ،، مايظل ظلالها

[مساعد المطيري]

تعمل رقيب اول ومتزوج ولك بنت وولد
وتعيش في شقة صغيرة ،، مايظل ظلالها


ياسلام سلم يابو فهد



مبدى كايف والصف صفك

بإنتظار رعد

[سعود البرقاوي]

هلا يامساعد هلا واسفرت وانورت
ارحب ارحب

[عزوز النفيعي]

ماشاء الله ,, صح لسانك ولسان رعد ,, متابع

[رعد الروقي]

حاول مرة اخرى ...


اهلا وسهلا يا سعــــــود




بقيت والرمال مهما خط مالـــــــه معتـــــقد=خطه على رمل البسيطـة ما يهز جبالها
بسم الله الرحمن من بعض العرب واما بعد=القوم قدامك باساميها وروس اموالها

[سعود البرقاوي]

قدام لا اعلم عليك اللي وقف واللي قعد = سيرتك جتني في رسالة جابها مرسالها
صحيح عمدة مير اعرفك منت عمدة معتمد = ابن حلال ونيتك ماهوب يمشي حالها

[سعود البرقاوي]

الصقيل المجرب
مرحبا ومسهلا ومنور الحته

[رعد الروقي]

ام الكباير ما لها ميراد مع وجه السعــــد=واللي على وضح النقا ماشال هم عيالها
ياسهم ياللي كل ليل اما نزل والا صعد=تلعب بك الاسواق ساعة فتحها واقفالها

[رعد الروقي]

مساعد المطيري // الصقيل المجرب


منورين ومشرفين بحضوركم الكريم



صحت ابدانكم


لاهنتوا

[فارس القوم]

سعود البرقاوي
و
العمده

ياسلااااااااااام

صح السنتكم
وتراني في صف عمدتنا

[رعد الروقي]

الله يحييك يا فارس القوم


والصف منور وعامر بحضورك الكريم


صح بدنك وشــــاكرين تشريفك هنا

[سعود البرقاوي]

ههههههههههههه طيب طيب يا استاذ


فالارض نفاثة عقد وابليس يمشي ويعقد = والعمدة الليلة يعيش بحالةٍ يرثالها
مالي نظر في نشرة الاخبار والموجز بعد = دام المحطة مايصلني بثها وارسالها

[فارس القوم]

الله يحييك يا فارس القوم


والصف منور وعامر بحضورك الكريم


صح بدنك وشــــاكرين تشريفك هنا



بصراحه اتشرف بمتابعة محاوره انت من مبدعينها

ولي طاروق معك على فضاوه ان شاء الله

[سعود البرقاوي]

ياهلا يافارس القوم
وكلنا في صف العمدة

[رعد الروقي]

ههههه


علينا يادكتور




يا دخل يا محدود من حاول يشكك فالعمد=يصبر على جور السنين اللي طوال ليــالها
تقلب احوال الشواوي ما يبا حتى ســــند=ثابت .. وقوم الطيب ثابت قولها وافعالها

[رعد الروقي]

تشرف اخوك يا فارس القوم بالمتابعة والطاروق

واعتبرها مكسب


لاهنت

[سعود البرقاوي]

طيب طيب طيب


في حظرة القاضي نشوف المتهم واللي شهد = مير القضية غامضة فال الله ولافالها
كان المنيحة فاخر المظهور ترمح وتهبد = يمكن جمال عقيل ماتمشي بامر جمالها

[رعد الروقي]

بعض الخلايق حالها فالسبت عكسه فالاحد=ماهي بعيده لو تناست عمها مع خالـــها
الذود والجمــال وش تحتال مع ناب الاسد=لكن وين حمولك اللي جيتني مشتالها

[سعود البرقاوي]

كبيرنا الذي نتعلم منه
صح الله لسانك

والصلاة معنا
والا المشوار طويل ياطويل العمر

صح لسانك وشرفتني

[رعد الروقي]

ليتنا نسلم من امثالك ... خل التعليم


الشرف والفايدة لي طال عمرك


صح لسانك يا سعود


والى لقاء آخر


احترامي

[صاهود]

صحت الالسن والقلوب جميع

حيالله ابوفهد اثرك مزيون وتلبس مناظر

البارحه شفتك في تلفزيون الساحه انت ومرزوق المقاطي

عزالله انك شخصيه منت سهل يابوفهد

[معجب العتيبي]

الله الله


سعود الابداع


كفشت العمده والا محاولة خلخله؟


الصف صفك اذا هي حقيقه ههههههههه



عمدة التميز

لاتحاول تنكر اذا هو صادق

ترا يهمني الموضوع






صحة الالسن

[مــــحــــمــــد]

كان المنيحة فاخر المظهور ترمـح وتهبـد
يمكن جمال عقيل ماتمشـي بامـر جمالهـا



الله الله الله

مبدع يابو فهد

صح لسانك ولسان عمدة الشعر والشعار رعد


سجلا اعجابي

[حاكم الغنامي]

ابدااااااااااااااااااع

وبس


صحت السنتكم

[عبدالله الاصعر]

الله الله الله

مبدع يابو فهد

صح لسانك ولسان العمدة


سجلا اعجابي

[نوآف الغنامي]

ما شاء الله




ما شاء الله





صحت السنتكم



مبدعيـــــــن والله لآ يضركم

[رعد الروقي]

صاهود // معجب // محمد // حاكم // عبد الله // الخيّال



حضوركم مكسب وتشريف للموضوع



صحت ابدانكم والله لا يهينكم

[خيال الأصيله]

الله الله

صحت ألسنتكم مبدعين

[سعود البرقاوي]

الاخوان الكرام
اسعدتونا وغمرتونا بكرم تواجدكم

شكرا لكم

[سرحان 511]

.

..

صحت السنكم

.

..