ما دام سعود حاضر والعرب يثنون هرج سعود= على الله ياسعود وحضّر الافكار قدامي! البرقاوي

[زياد المزرمي]

ما دام سعود حاضر والعرب تثني بهرج سعود = على الله ياسعود وحضّر الافكار قدامي

ترشح غازي الياور وحطو له حرس وجنود = ولحّق فالزعيم اللي مضى ما كمّل العامي

[ولدعساف]

صح لسانك وبانتظار سعود

[زياد المزرمي]

ولد عساف

صح بدنك يالغالي

ومشكور على المرور الرائع

[سعود البرقاوي]

على الله يازياد ان كنت رجال تحب الزود = ابا انزلك فالبحر الحمر وتصير عوامي
نعرف ان البعير شعيل غير الحاشي المفرود = ومهما صار مانلقى مثل صدام صدامي

[زياد المزرمي]

مسيّر مانته مخيّر وهرجك بالوفا مردود = ترا حبل المطيه في يدي بطيب والزامي

على الشعب العراقي ست حكام وبليا فود = على ورد العدود الراهيه ما يامن الضامي

[سعود البرقاوي]

ترى وقتي معك محدود وانا ماني بمحدود = اركب لك لغم وتضيع في تفجير الالغامي
حليلك يالمطيري وانت لاغايب ولاموجود = علشانك يتيم ونحسبك من ضمن الايتامي

[زياد المزرمي]

ترا هرجٍ تقوله ما علاه سناد ولاّ شهود = يعيبك والنتيجه عظةٍ من فوق الابهامي

مشت ياشاعر عتيبه ولا ياحظك المقرود = تنشّد كان ربي مد لك فالموقف الحامي

[الــوآفــي]

ومهما صار ما نلقى مثل صدام صدامي


الله الله



صحت الالسنتكم



متابع

[حاكم الغنامي]

طيب طيب

صحت الالسن والقلووب

متابع

[زياد المزرمي]

حاكم الغنامي

صح بدنك ياسنايدي


ومنوور بمرورك العطر

[نوآف الغنامي]

يا سلآم


صحت السنتكم



وقلوووووووووووبكم




متااااااااااااابع

[زياد المزرمي]

خيال الصفراااء


ذيباان


صح ابدانكم يالغالين

ومشكورين على المرور الاكثر من رائع

[سعود البرقاوي]

على راس الشطيطي كل ماهبت هبوب النود = تحيزم لهٍ بمحزم وانطلق مع جرة الرامي
هاذي حيلة قديمة والحيالة ريعها مسدود = تعيّن لك طريقة تسعفك يامحمل الشامي

[سعود البرقاوي]

ذيبان
حاكم الغنامي
خيال الصفراء

ارحبوووووووووووا ملاييييين

[زبن الجعفري العنزي]

على الشعب العراقي ست حكام وبليا فود
على ورد العدود الراهيه ما يامن الضامي


الله الله الله

صح لسانك يازياد

وصح لسان سعود ولاهان

[سعود البرقاوي]

هلا براعي الجدعا هلا

[منصورالزبيلي]

بارك الله بك , شكراً أخي الكريم

[سعود البرقاوي]

وفيك يا اخ منصور

[زياد المزرمي]

حزامي ما ارتخى والفعل من هيبة سطا المجرود = على حده نسوق اللي معه بارود وحزامي

بعد فشلت ربعك فاللقا واللي معانا قعود = عساها ماتنزل رتبتك من مصدرٍ سامي

[زياد المزرمي]

راعي الجدعااا

هلا وغلا

وصح بدنك ياسنايدي

مشكوور على المرور الرائع

[سعود البرقاوي]

علامك يالغليّم يوم تنقز حدك المحدود = تحاول في بضاعة بايرة ماعاد تنسامي
لو انك تحتمل شرهة ورجل تعرف المنقود = لا اقول انك ذريعة داخلة في دين الاسلامي

[زياد المزرمي]

بعد طفنا وسعينا ثم رمينا الخاسي المقصود = توكلنا على الله ماني بملزوم بحرامي

حليلك ودّك تسوي سواتي تبذل المجهود = (ذريعه) من قرايبكم وانا رجال وانظامي

[سعود البرقاوي]

صح لسانك يازياد
وتقبل تحياتي وتقديري لك

[زياد المزرمي]

صح بدنك ياسعود البرقاوي

تشرفنا يالغالي :)

[ربح السبيعي]

صحت السنتكم

[سلطان بن دحيم]

الله الله

صحة السنتكم


طاروق عمااالقه


تحياتي لكم

[عيد بن مرضي]

سعود - زياد



صح الله السنتكم

[قادح شرار]

صحت ألسنكم ..

أبيات رائعة .. لكن لو أرتقيتم بما تحمل لكان أفضل من اللف والدوران ..

[خيال الأصيله]

الله الله


صحت ألسنتكم


مبدعين

[فواز السعيدي]

ياسلام ياسلام


زياد وسعود


صحت الالسنه


طاروف عالمي

[سعود البرقاوي]

الاخوة الافاضل اعلاه كل الشكر الجزيل لحضوركم وتواجدكم
ومنك ياقادح شرار نتعلم جعلك ذخر

[زياد المزرمي]

ربح السبيعي

سلطان بن دحيم

قادح شرار

عيد بن مرضي

خيال الاصيله

فواز السعيدي


صحة ابدانكم مشكورين على المرور الاكثر من رائع

تقبلو تقديري واحترامي

[سرحان 511]

.

..

صحت السنكم

.

..