لمن هذه القصيده وهي قديمه جدا

[الحافي الروقي]

عديت بمريقبا والليل ممسيني ******* بديار غرباً لعل السيل ماجاها
اضحك مع الي ضحك والهم طاويني****طيت شنون العرب لاقطرو ماها
وهل هي صحيح لشاعر عتيبي



وتقبلو ا عذري على هذا السوال
وكل عام وانتم بخــــــــــــــــــــير

[ذيـب طـويـق]

هلا بك اخوي الحافي الروقي

قال هذه القصيدة هو الشاعر " عبدالهادي بن سعيد بن ثعلي الروقي "

[الحافي الروقي]

يعطيك العافــيه اخي ذيب طويق
واشكرك جدا
وتقبل تحياتي

[واثق الخطوة]

هناك اختلاف بين الرواة في قائل هذه القصيدة فهناك من ينسبها للشاعر فهد العجمي وهناك من نسبها للشاعر عبدالهادي الروقي , والصحيح انها لشاعر فهد العجمي كما ذكر ذلك كثير من الرواة

[واثق الخطوة]

ولتحقيقل المتعة والفائدة أحب أن أورد الأبيات كاملة :فهد العجمي



عديت في مرقب ٍ و الليل ممسينـــــــي

بديار غرب ٍ لعل السيل ما جاها

اضحك مع اللي ضحك و الهم طاويني
طية شنون الطلب لا سربو ماها

و راك ما تزعجين الدمع ياعينـــــــــــي

على هنوف ٍ جديد اللبس يزهاها

هبت هبوب الشمال و بردها شيــــــــن ِ

ما تدفي النار لو حنا شعلناهـــــــــا

ما يدفي الا حشا مريوشة العيــــــــــن ِ

و الى ظمينا شربنا من ثناياهـــــــا

ياشبه و ضحى فتاة ٍ دلها زيـــــــــــن ِ

داجت على عقلة ٍ و الورد ما جاهـــــــا

ياعل من شار بالفرقى عمى العيـــــن ِ

مخباط صمعا جليل الفخذ يشظاهــا

جعله حسير ٍ كسير و راكبه ديـــــــن ِ

و اتلى حلاله ذلول ٍ راح يطلاهــــــــا

[الماس الحساس]

مشكورين جميعا والشكر مخصوص لواثق الخطوه

[الحافي الروقي]

يعطيكم العافيه جميع الاخوه الي قاموا بالرد
اما عن القصيده فان كثير من الرواه ينسبها لشاعر عتيبي
والله اعلم

[وصل العطياني؟؟؟]

هلا بك اخوي الحافي الروقي

قال هذه القصيدة هو الشاعر " عبدالهادي بن سعيد بن ثعلي الروقي "


هذا ما تناقله الكثيرون ...

وأكّدوا عليه ...


تحياااااااتي