سفر الدغيلبي والهاجري والمعنى ابن شايق

[ابو فايح]

طاروق رائع بين الشاعرين سفر ادغيلبي وسلطان الهاجري في قطر قبل أيام

كان من أجمل طواريق الحفل وكان المعنى يدور حول قصيدة الهاجري الأخيره وعدم ذكر ابن شايق من ضمن الشعراء الذين ذكرهم الهاجري في قصيدته

والحقيقه من ابيات الهاجري يتضح أن هناك خلاف بين ابن شايق والهاجري



سفر الدغيلبي
سلام الله سلامن ما بعد سقته على مخلوق= ولا يهدى سواء للشيخ ابن زايد وضيفانه
اخذ حذرك يابن وسام أبا احاسبك في طاروق =بأصلحها واذا خربت ترى الأوضاع خربانه




سلطان الهاجري

هلا يامرحبا ترحيبتن تنزلكم من فوق= وابن زايد وريث المجد من خاله وجدانه
حسابي عند رب البيت وأنته حسن المنطوق= ليا خربت سوالفنا تراها مالها خانه



سفر الدغيلبي


لا والله حولت من فوق يومنه صدفها العوق = وصارت مشكله يوم الأخو ماقدر إخوانه
الك شهرين واكثر يمك إوساع العيون تضوق= وهذي سلطتن من عند رب الكون سبحانه


سلطان الهاجري

شعوب القاهره تبكي على قبر الملك فاروق= لكن اصبر عليه ياسفر وأحطك إوزانه
ليا زعلت علي برقا تبا ترضى عليه روق= تجيك الساعه اللي يوفي الديان ديانه


سفر الدغيلبي
مادامنك على زندي وصواني دفعك الشوق= يجوز أنهايتك ياهاجري في وسط زنزانه
وش اللي يجبر السانك بكلمه ما عليها ذوق= صحيح إن الغشيم تحفر قبره كلمة السانه


سلطان الهاجري
نزلت السوق وانته تشتري وتبيع وسط السوق= ولكن الذهب مايفرقونه غير بأثمانه
أجاملك وتجاملني وياسابق ويا مسبوق = طراة العود يحرق لين يعرف ريح دخانه


سفر الدغيلبي

أفكر يوم بعض الناس مثل الطائر الغرنوق =بليا فائده لكن يعرفونه بجنحانه
بعد ماحلت النكبه عسى ماهي بقل وفوق= وقل الوفق يبطي بالفرج ويصك بيبانه



سلطان الهاجري
الا وعزتي له مابقى له فالحشى معلوق= يومي باليدين وينثر الدمعه من اعيانه
ياراعي الددسن اللي من غمارتها ليا الصندوق= عليها نمرتين ونمرتين الله وأمانه



سفر الدغيلبي
أنا رجل بري ماني بلا سارق ولا مسروق = لكن من جرة السارق عرفت اسمه وعنوانه

[عزوز النفيعي]

سلمت يمناك يا ابو فايح على نقل المحاوره والتحليل لاهنت

[ولدعساف]

سلمت يمناك يا ابو فايح على نقل المحاوره والتحليل لاهنت

[الرحاال]

وش اللي يجبر السانك بكلمه ما عليها ذوق
صحيح إن الغشيم تحفر قبره كلمة السانـه

محـاوره بين شعار كبار وموضوع كبير

ابوفايح مشكور على النقل

[محمد العبيدي]

ابوفـايح أشكرك على نقل المحـاوره الجميـلة وللإيضــــــــــاح بداية الطـاروق سفر يتشره على الهـاجري

يوم ماعده هو والي مـعه ثم أن الهاجري أخـذ يقوله يعني مهب الحيـن نحكم عليك ياسفر وكأن الهـاجري

ماحسب حسـاب لاله ولاغيـره ثم سفر يوم شاف الوضع كـذا في البيتين الأخيـــره حول المعنى على بن

شايق في بيته الي يقول فكرتي ياكثر العربان كنه الغرنوق .......... الخ


للمعلوميـــــــــــــــة فقـط ولدفـع تحريف الكـلام وتحليـل المعاني على المـزاج

[ماجد العصيمي]

لاهنت على التحليل يابو فايح

[ابن .... عتيبه]

°ˆ~*¤®§(*§*)§®¤*~ˆ°السلام عليكم ورحمة الله وبركاته شكراعلى المواضيع°ˆ~*¤®§(*§*)§®¤*~ˆ°

[خيال الأصيله]

وش اللي يجبر السانك بكلمه ما عليها ذوق = صحيح إن الغشيم تحفر قبره كلمة السانـه


لا هنت يا ابو فايح دائماً مبدع

[سعود عبدالله]

والحقيقه من ابيات الهاجري يتضح أن هناك خلاف بين ابن شايق والهاجري


مرحباااااابك اخي


نعم اتضح الخلاف اللى كل الربع كانو يحللونة في محاورة ابن شايق وزيد

انا شفت المحاورة هذي من اول الحفل وبداية الحفل سلطان الهاجري وطلب القرقاح

وكان مثل اللي يقول عقلة يافلاح كان واااضح المعنى للي متابع تحليل الربع زيد وبن شايق


الف شكر اخي على النقل الرائع

[شمروخ ابن عايد]

أهب ياقصيدة الهاجري اللي تذابحوا الرياجيل علشانها .

يالربع الهاجري مبدع جداً في النبط حيث أسميه ملك السهل الممتنع .

في المحاورة لايعجبني ابداً لأن ذكائه يخونه كثيراً , وأعتبره من الوسط .





إعطاء قصيدة الهاجري أكبر من حجمها غلط كبير من قبل ابن شايق لأنه طرقها في أحد محاوراته , وكذلك من الكاتب ابو فايح لانه يردد هذا الأمر كثيراً .


لو نحاسب الهاجري على الاسماء والرموز التي اسقطت من قصيدته لكثرت القائمة الذين لايعد الهاجري امامهم شئ , ولكن هي قصيدة عادية ليست بمثل هذه الاهمية .


والسلام .

[فواز السعيدي]

تسلم يابو فايح ...


في الحدث دائما :


....................... ............................
ولا يهـدى سـواء للشيـخ ابـن زايـد وضيفانـه



الشطر الاول يابو فايح اعتقد انه :

(سلام الله سلامٍ مابعد سقته على مخلوق)


تحياتي

[محمد ابن رووق]

كبير يابو فايح حت لو حاول بعض الاطفال الرقي على حسابك تضل انت الكبير

[كريزي نجد]

الا وعزتي له مابقى لـه فالحشـى معلـوق &&&
يومي باليدين وينثـر الدمعـه مـن اعيانـه

hhhhhhhhhhhhhhhh :D:D:D

محمد العبيدي من يقصد الهاجري في هالبيت يقصد سفر أو ابن شايق خاصة في محاورتة مع زيد وحركات يدينة كانت حااااااضرة في تلك المحاورة

[ابوتيجان]

الله لايهينك يابوفايح وبالفعل المعنى يدور حول قصيدة الهاجري الاخيرة الموجهة للشيخي

والمحاورة ذات شقين الشق الاول تشره من سفر على الهاجري باسقاط بعض الاسماء الشعرية من القصيدة والشق الثاني ماحصل من بن شايق وتوضيح غضبه من القصيدة

وبداية دخول موضوع المحاورة من بيتين سفر الثانية وهي

سفر الدغيلبي


لا والله حولت من فوق يومنه صدفها العوق=وصارت مشكله يوم الأخو ماقـدر إخوانـه
الك شهرين واكثر يمك إوساع العيون تضوق=وهذي سلطتن من عند رب الكون سبحانـه

وحسب فهمي للطاروق ان سفر يوضح ان التشره على سلطان ليس فقط من ( اخوانه ) بن شايق بل حتى من عدة شعراء في قوله ( الك شهرين واكثر يمك إوساع العيون تضوق )

التخصيص على بن شايق في قول سفر


أفكر يوم ( بعض الناس ) مثل الطائر الغرنوق=بليـا فائـده لكـن يعرفونـه بجنحـانـه

ويقصد بقوله ( يعرفونه بجنحانه ) اي الغضب الذي ابداه بن شايق على الهاجري واضح للجميع

ورد الهاجري على ماحصل من بن شايق


الا وعزتي له مابقـى لـه فالحشـى معلـوق=يومي باليدين وينثـر الدمعـه مـن اعيانـه


واعتقد ان كل شاعر لم يذكره الهاجري في قصيدته سوف يناقش الهاجري في الموضوع ويبدي تشرهه عليه.

[ابو فايح]

سلمت يمناك يا ابو فايح على نقل المحاوره والتحليل لاهنت

هلا وغلا مرورك شرفني

سلمت يمناك يا ابو فايح على نقل المحاوره والتحليل لاهنت


مرحبا بس اتمنى ان تبتعد عن النسخ واللصق


وش اللي يجبر السانك بكلمه ما عليها ذوق
صحيح إن الغشيم تحفر قبره كلمة السانـه

محـاوره بين شعار كبار وموضوع كبير

ابوفايح مشكور على النقل

حياك يالرحال مرورك شرف طال عمرك

لاهنت على التحليل يابو فايح


حيالله الشبل
°ˆ~*¤®§(*§*)§®¤*~ˆ°السلام عليكم ورحمة الله وبركاته شكراعلى المواضيع°ˆ~*¤®§(*§*)§®¤*~ˆ°


وش اللي يجبر السانك بكلمه ما عليها ذوق = صحيح إن الغشيم تحفر قبره كلمة السانـه


لا هنت يا ابو فايح دائماً مبدع

مرحبا يابن مرضي ابيض وجه على الحضور

[ابو فايح]

ابوفـايح أشكرك على نقل المحـاوره الجميـلة وللإيضــــــــــاح بداية الطـاروق سفر يتشره على الهـاجري

يوم ماعده هو والي مـعه ثم أن الهاجري أخـذ يقوله يعني مهب الحيـن نحكم عليك ياسفر وكأن الهـاجري

ماحسب حسـاب لاله ولاغيـره ثم سفر يوم شاف الوضع كـذا في البيتين الأخيـــره حول المعنى على بن

شايق في بيته الي يقول فكرتي ياكثر العربان كنه الغرنوق .......... الخ


للمعلوميـــــــــــــــة فقـط ولدفـع تحريف الكـلام وتحليـل المعاني على المـزاج

حياك يالعبيدي

أخالفك فالرأي والخلاف في الرأي لايفسد للود قضيه


من بداية الطاروق وسفر يقصد ابن شايق والهاجري فهمها على الطاير

سفر
لا والله حولت من فوق يومنه صدفها العوق**وصارت مشكله يوم الأخـو ماقـدر إخوانـه




لا حظ رد الهاجري

شعوب القاهره تبكي على قبر الملك فاروق**لكن اصبر عليه ياسفر وأحطـك إوزانـه

من هو الملك فاروق ؟؟
ليش قال أحطك وزانه ومن هو اللي بيحط سفر وزانه ؟؟




لاحظ أن الهاجري أدخل سفر فالموضوع لكن سفر ذكي في أحد ابياته رد على الهاجري أنها نهايتك اذا استنقصت من حقي والبيت الأخر كان في معناه الذي بدعه .

سفر الدغيلبي


مادامنك على زندي وصواني دفعك الشوق**يجوز أنهايتك ياهاجري في وسـط زنزانـه
وش اللي يجبر السانك بكلمه ما عليها ذوق**صحيح إن الغشيم تحفر قبره كلمة السانـه

[ابو فايح]

مرحباااااابك اخي


نعم اتضح الخلاف اللى كل الربع كانو يحللونة في محاورة ابن شايق وزيد

انا شفت المحاورة هذي من اول الحفل وبداية الحفل سلطان الهاجري وطلب القرقاح

وكان مثل اللي يقول عقلة يافلاح كان واااضح المعنى للي متابع تحليل الربع زيد وبن شايق


الف شكر اخي على النقل الرائع

هلا يا سعود

ما أقول الا صح لسانك

[ابو فايح]

أهب ياقصيدة الهاجري اللي تذابحوا الرياجيل علشانها .

يالربع الهاجري مبدع جداً في النبط حيث أسميه ملك السهل الممتنع .

في المحاورة لايعجبني ابداً لأن ذكائه يخونه كثيراً , وأعتبره من الوسط .





إعطاء قصيدة الهاجري أكبر من حجمها غلط كبير من قبل ابن شايق لأنه طرقها في أحد محاوراته , وكذلك من الكاتب ابو فايح لانه يردد هذا الأمر كثيراً .


لو نحاسب الهاجري على الاسماء والرموز التي اسقطت من قصيدته لكثرت القائمة الذين لايعد الهاجري امامهم شئ , ولكن هي قصيدة عادية ليست بمثل هذه الاهمية .


والسلام .

لاهنت على مرورك وجهة نظر نحترمها

[ابو فايح]

الله لايهينك يابوفايح وبالفعل المعنى يدور حول قصيدة الهاجري الاخيرة الموجهة للشيخي

والمحاورة ذات شقين الشق الاول تشره من سفر على الهاجري باسقاط بعض الاسماء الشعرية من القصيدة والشق الثاني ماحصل من بن شايق وتوضيح غضبه من القصيدة

وبداية دخول موضوع المحاورة من بيتين سفر الثانية وهي

سفر الدغيلبي


لا والله حولت من فوق يومنه صدفها العوق=وصارت مشكله يوم الأخو ماقـدر إخوانـه
الك شهرين واكثر يمك إوساع العيون تضوق=وهذي سلطتن من عند رب الكون سبحانـه

وحسب فهمي للطاروق ان سفر يوضح ان التشره على سلطان ليس فقط من ( اخوانه ) بن شايق بل حتى من عدة شعراء في قوله ( الك شهرين واكثر يمك إوساع العيون تضوق )

التخصيص على بن شايق في قول سفر


أفكر يوم ( بعض الناس ) مثل الطائر الغرنوق=بليـا فائـده لكـن يعرفونـه بجنحـانـه

ويقصد بقوله ( يعرفونه بجنحانه ) اي الغضب الذي ابداه بن شايق على الهاجري واضح للجميع

ورد الهاجري على ماحصل من بن شايق


الا وعزتي له مابقـى لـه فالحشـى معلـوق=يومي باليدين وينثـر الدمعـه مـن اعيانـه


واعتقد ان كل شاعر لم يذكره الهاجري في قصيدته سوف يناقش الهاجري في الموضوع ويبدي تشرهه عليه.

حيالله الرائع ابو تيجان

الحوار معك فائده للجميع


هذه وجهة نظري المتواضعه أمامك


من بداية الطاروق وسفر يقصد ابن شايق والهاجري فهمها على الطاير

سفر
لا والله حولت من فوق يومنه صدفها العوق**وصارت مشكله يوم الأخـو ماقـدر إخوانـه

لا حظ رد الهاجري

شعوب القاهره تبكي على قبر الملك فاروق**لكن اصبر عليه ياسفر وأحطـك إوزانـه

من هو الملك فاروق ؟؟
ليش قال أحطك وزانه ومن هو اللي بيحط سفر وزانه ؟؟




لاحظ أن الهاجري أدخل سفر فالموضوع لكن سفر ذكي في أحد ابياته رد على الهاجري أنها نهايتك اذا استنقصت من حقي والبيت الأخر كان في معناه الذي بدعه .

سفر الدغيلبي


مادامنك على زندي وصواني دفعك الشوق**يجوز أنهايتك ياهاجري في وسـط زنزانـه
وش اللي يجبر السانك بكلمه ما عليها ذوق**صحيح إن الغشيم تحفر قبره كلمة السانـه

[ابن عتيبه البار]

مبدع دايما يابو فايح


نشكرك انت والاخوان اللي حللوا معك حتى ولو اختلفتوا

[شمروخ ابن عايد]

حيالله الرائع ابو تيجان

الحوار معك فائده للجميع


هذه وجهة نظري المتواضعه أمامك


من بداية الطاروق وسفر يقصد ابن شايق والهاجري فهمها على الطاير

سفر
لا والله حولت من فوق يومنه صدفها العوق**وصارت مشكله يوم الأخـو ماقـدر إخوانـه

لا حظ رد الهاجري

شعوب القاهره تبكي على قبر الملك فاروق**لكن اصبر عليه ياسفر وأحطـك إوزانـه

من هو الملك فاروق ؟؟
ليش قال أحطك وزانه ومن هو اللي بيحط سفر وزانه ؟؟












شعوب القاهرة ياابو فايح جمهور ابن شايق المتعصب له .

فاروق ملك مصر الذي انتهى عصره , ويقصد به الهاجري ابن شايق اي انه أنتهى فعلياً من الساحة منذا اعتزاله وعودته لساحة المحاورة لاتعيده حقيقية لها بل تواجد شرفي لاغير كما يقول الهاجري .


وأحطك اوزانه أي أضعك ياسفر في خانة ابن شايق اي أنهي تواجدك في ساحة المحاورة .










ويالربع مجال المحاورة بحر زاخر , وانا أراكم حجرتم على قصيدة الهاجري ربما لانكم فهمتم معنى المحاورة .

[صاهود]

انا قول المعني علي الرئيس اليمني علي صالح

ركزوا علي الطاروق راح تشوفون المعنا واضح وانتم ابكيفكم

[أسير القوافي]

لاهنت ياكينق يابو فايح :)



المفروض مواضيعك لها لون خاص :)



إحترامي

[ابو فايح]

تسلم يابو فايح ...


في الحدث دائما :


....................... ............................
ولا يهـدى سـواء للشيـخ ابـن زايـد وضيفانـه



الشطر الاول يابو فايح اعتقد انه :

(سلام الله سلامٍ مابعد سقته على مخلوق)


تحياتي
حيالله فواز الف شكر يالذيب على مرورك

كبير يابو فايح حت لو حاول بعض الاطفال الرقي على حسابك تضل انت الكبير
هلا وغلا يا محمد مرور مثلك وشرواك شرف
الا وعزتي له مابقى لـه فالحشـى معلـوق &&&
يومي باليدين وينثـر الدمعـه مـن اعيانـه

hhhhhhhhhhhhhhhh :d:d:d

محمد العبيدي من يقصد الهاجري في هالبيت يقصد سفر أو ابن شايق خاصة في محاورتة مع زيد وحركات يدينة كانت حااااااضرة في تلك المحاورة
كريزي نجد بيض الله وجهك على مرورك



مبدع دايما يابو فايح


نشكرك انت والاخوان اللي حللوا معك حتى ولو اختلفتوا

هلا وغلا واختلاف الرأي لايفسد للود قضيه

[مشاري الحبردي]

لاهنت وسلمت يابوفايح

[ابومشعل العازمي]

سلمت يمناك يا ابو فايح على نقل المحاوره





ودوم التوفيق

[محمد الحميدي]

لاهنت يابو فايح
وسفر الدغيلبي مبدع
تقبل تحياتي

[علي الشهراني]

مشكوووووووووووور

[سعد التميمي]

الابيات ما طلعت عندي

[عبدالله هادي ناشي الفليت.]

الابيات ما طلعت عندي

سعد يمكن انك مستخدم تصفح الفاير فوكس..


لازم انك تحدثه على مأعتقدد وويضبط بعدها....



تحياتي لك..!!

[منيرالروقي]

شعراء عمالقه وانا برايي الشخصي ان سفر تفوق بهذا الطاوووووق .................




مع الاحترام الشدييييييد للمبدع ابن وسام

[منيرالروقي]

بقي ان اقول شكرا يا باوفايح مبدع ومحلل ..



رد خاص في مشاركة مستقله لحجمك الكبير ليس الا .............

[أبوشنبات]

يعطيك العافيه يابو فايح تحليل رائع,,,,

لبعض المختلفين بالرأى:

تفسير المحاوره اشبهها بتفسير الرؤيه......

وأبو فايح ماقصر....

[سيف الجعدة]

بيض الله وجهك يابو فايح على النقل الطيب بين شعراء عمالقه

[ابن شـايق]

السلام عليكم
يالربع هذي اول مشاركه لي بالمنتديات <<<عليمي بالنت بالكامل هههه
ولكن حبيت اوضح سبب زعل ابن شايق على الهاجري
وهو بيت لسلطان الهاجري: يقول فيه

وجودي وجود شالح على اخوه الفديع يوم ضاموه العداء والنياق اقفوبها

شالح ماقد أخذت ابله من اي قبيله حتى ابن سعود عندما غزو عليه
وهذي القصه معروفه ..

فأبن شايق يقول :

ابي قاف(ن) مثل فعل الفديع وذيب ابن هـدلان
عسى ارواح الثنين يعوضها ربـي ويرحمهـا
خذوها القوم غدر ولا خذوها القوم شوف اعيان
ابا اصحح مفاهيم الهمـج والطـوب يفهمهـا

هنا ابن شايق يريد يفهم الطوب(سلطان) بأن الفديع وذيب ماخذيت ابلهم
اتمنى للجميع التوفيق

[فهد الشيباني]

صحت الألسن

ابن وسام / ابو سعد

شعراء عمالقه والمعنى لايختلف عليه اثنين ..

كما قال ابو فايح والله لايهينه على النقل والتحليل ..

[مرزوق الجعيد]

دكتوووووووووووور يبو فايح

دائما مبدع

اختيار موفق للطواريق

ننتظر القادم

تحياتي لك وللجميع

[رجا بن فهيد الهاجري]

السلام عليكم
فأبن شايق يقول :

ابي قاف(ن) مثل فعل الفديع وذيب ابن هـدلان
عسى ارواح الثنين يعوضها ربـي ويرحمهـا



قافٍ مثل فعل الفديع وذيب ابن هدلان

لما يقول قاف

فهنا ترميز لشعراء رحلو

وهم فيصل الرياحي
وعبدالله العير

وهم اقرب شعراء كانو لابن شايق

[راشدالعضياني]

مادامنك (على زندي) وصواني دفعك الشوق
يجوز أنهايتك ياهاجري في وسـط زنزانـه


هنا تمريره من سفرالدغيلبي مدامنك على زندي..!



طاروق اكثر من رائع بين العملاقين


صحت السنتهم


ولاهنت يابوفايح على الاختيار الرااااااااااااائع

[الرشيدي]

لماذا ابن شايق ؟فقط لماذا لم يكون سفر ايضا بالمعنى المقصود به ابن شايق