^^ ،، أبيات تذكر جميع فخوذ ألاد نفيع (نفاع) الأربع والعشرين ,, ^^

[عبدالمجيد النفيعي]

بسم الله الرحمن الرحيم

السلام عليكم ورحمة الله وبركاته

نشكر الشاعر / بن جدعان الزيادي

فـ بقصيدته (حنا نفاع) ذكر جميع فخوذ النفعه بدون إستثناء

والأبيات مساعده على معرفة أبناء العمومه بـ
بعضهم فـ توجد أفخاذ قليلة الأفراد

فـ شيء أكيد إن يوجد من يجهلها خصوصاً إن صار إختلاف في ديار القبيله المعروفه (نجد والحجاز)
وأيضاً يستفيد من هذا الموضوع من يريد التعارف على قبيلتنا و قال الله وسبحانه وتعالى (وجعلناكم شعوباً وقباِئل لتعارفوا)

،،

جزاك الله خير ياابن جدعان وهَذِه الأبيات


تــلــقــى 1_الـــزيــــادي دون حـــقــــه واقـــــــف=وتـلــقــى 2_الـبـسـيـســي درعــــــه 3_امـحـيــانــي
وتــلـــقـــى 4_مــــفــــرج و5_الــفــلــيـــت احــــزامـــــه=وايــضــا 6_ربــيــع وكـــــل ذخـــــر (*) اجـنــانــي
وتـلـقــى 7_الـنـخـيـش وجـنـبــه 8_الـمـسـعــودي=وايــضـــا عــيـــال 9_اعـيــيــل لــــــه عـــوانـــي
وتــلــقــى بـــنــــي 10_زايـــــــد مـــــــع 11_الــعــبـــادي=وتــلــقـــى 12_الـحـلـيــفــي جــنــبـــه 13_اوذيــنــانـــي
وتلقـى 14_الحـبـوس مــع 15_الجميـعـي صـفـه=وجـــنـــب 16_الـجـعــيــد 17_اخـــديـــد و18_الـــزورانـــي
وتلـقـى 19_الحلـيـس مـــع 20_الحـشـابـر حـولــه=و21_الحـصـن مــن ذخــر احصنـتـنـا بـانــي
وتــلــقـــى 22_الـــســــواط وجــنـــبـــه 23_الــســيــالــي=وايـــضـــا 24_الــســلاقــا مـكـرمــيــن الــعــانــي

(*)_ رمز لـ جد من النفعه ولا يعتبر فخذ

[عبدالله هادي ناشي الفليت.]

صح لسانك ولسانه,,!!


والقصيده حلوه سهل انك تعرف شجره النفعه...


لاهنت

[ولدعساف]

ونعم باالاد نافع و معرفين لا يعرفون وصح لسان قايلها و ناقلها.

[مالك النفيعي]

صح لسان الزيــادي

شكـــرًا على النقل

ونعم بلابتي النفعـــة

[سيف المساعيد]

ونعم بلابتي النفعه


فعلاً ابيات حلوه وصح لسان قايلها


ولاهنت يا عبدالمجيد....

[عبدالمجيد النفيعي]

أبناء عمومتي

عبدالله الفليت // صح بدنك والله لايهينك

ولد عساف ماعليك زود يالجذع وصح بدنك

سيفنا ماعليك زود والله لايهينك

مشكورون جميعاً على المرور

وتوضيح الاد نفيع المذكورون هم من قبيلة عتيبه والفخوذ المذكوره ماعليها زياده ولا نقبل أي شخص يتدعي الانتماء لـ فخذنا النفعه وهو عليه حجج تبطل إنتمائه

[فهد الزائدي]

قصيدة في قمة الروعة تبين وتوضح بطون البطنين من طفيح ونفيع

[عبدالمجيد النفيعي]

قصيدة في قمة الروعة تبين وتوضح بطون البطنين من طفيح ونفيع

الرائع مرورك الله يعطيك العافيه

[أبو صقر]

يعطيك العافيه
صح لسانك ولسان الشاعر
بس يالحبيب يظهر ان القصيده اطول فاذا كانت عندك ارجوا ان توردها كامله











تحيتي .........

[عبدالمجيد النفيعي]

الله يعافيك وصح بدنك ولاهنت على المرور العطر

تامر امر ياابوصقر لاتقول ارجوا

طبعاً القصيده طويله ولها انتشار في المنتديات واحتمال وجودها في الهيلا






بسم الله المعبود كافل رزقي=الهادي المعطي عظيم الشاني
مرسل محمد بالرساله منذر=للمتبع من انسها والجاني
جاء بالشرع واحيا السنن واخبرنا=عن كل شي [ن] يرضي الرحماني
وكمل به الله نعمته واحسانه=ورضا لنا الاسلام عن ما كاني
من ما حصل فالجاهليه كله=الا اللذي ينزل به القرآني
من حق رب [ن] لا اله [ن] غيره=بثبات حق ، ونفي رب [ن] ثاني
وفضل رحيله فالرفيق الاعلى=على بقائه فالنعيم الفاني
وعلى طريقه سار منهج صحبه=رضو على الله واجزل الرضواني
والافضلية للقرون الاولى=وما بعدها يظهر به النقصاني
وقامت على السنه تدور الدنيا=ويزودها القشران والشيطاني
وعلى علي شال السلاح الخارج=عن موقف السنه مع السلطاني
وتتابعت صوله بعدها صوله=لين الجزيره شافت ابلاهاني
عبدالعزيز القرم عذب السيره=جدد مقام العالم الرباني
ووحد واشاد الصرح يومه كبر=با الله واكبر لين كلش باني
بان اللذي لله وحكمه تابع=وبان اللذي يربح وهو خسراني
وناصح واقام العدل واتعب خصمه=لين اوقفه واقفا وهو عجزاني
وبعد ركدنا واسترحنا مده=في عهد خالد حدد العنواني
نار الخوارج فالحرم شبوها=وفهد معه عبدالله وسلطاني
لين المشاكل والفتن حلوها=وحسب الشريعة صار حكم الجاني
وفاللف والابع ميه والخمسه=بانت بواين فكرة الخواني
سيد قطب واهل الفتن والبنا=حسن ولكن فارق الاحساني
الصحوه الصحوه تقول العالم=ما فيه مسلم صادق الايماني
الا اللذي معهم على منهجهم=والا يوفقهم بشي [ن] ثاني
ولا يقْرون الجمع والجمعه=لن الحرام يجر للحرماني
ويألبون الناس ضد الدوله=واللي ينصح سر ذا جاباني
ولا تدخلون امريكيا ديرتنا=واللي يبيهم ملحد اوعلماني
وليه الربا وايضا الغنا والمسكر=يشرب ويصنع للزبون الزاني
وباليد لازم تنكرون المنكر=لا ما نبيها بقلب والا لساني
ولا زم نجاهد في سبيل المولى=ونفجر انفسنا مع العدواني
هذي شُبهم والبلا فالخافي =خفو خوافيهم ولا تخفاني
واللي يخالف نهجهم وهابي=والا مباحث ينكب العرباني
والا يلفق له لقب لو جامي=والا منافق يشغم النيراني
واهم شي يغيرون الحاكم=ومن مات هذا الكون كله فاني
وتمسـكـنـو لين المناصب حلو=ويوزعون الاشرطه مجاني
عطنا تبرع واسمع اسمع شيخك=المسلمين اتعيش في حقراني
وحنا نحب الدين وش درانا=عن خطة عمو بها الاوطاني
وفاللف والابع ميه والعشره=اسيادهم بانو بشكل اعلاني
مير الحكومه في يدين الواعي=جيشه يجول وفي يده شاماني
فهد فهد عساه جوف الجنه=انا اشهد انه جود السيساني
للدار واهل الدار واهل الجيره=واشهود فعله مكن الجيراني
من دارهم بعد العدو الغاشم=اللي دخل في دارهم فسقاني
وبعد ثمان سنين ثارة فتنه=جوف العليا فجّر امريكاني
جماعة التبليغ جابت بلوا =بعد اجتماع العور والعمياني
وتوالت الاحداث دفعه دفعه=عقب ابن لادن ضيع الافغاني
ومن بعد سبع اسنين ولع ناره=قنابله فجربها الورعاني
والعود والحرمه وناس [ن] عزل=والمنشأة وهدم العمراني
وش ذنب جامع عامرينه لله=ووش ذنب مصحف بالغم ملياني
وذنب الشباب اللي وسم كبد امه=وتقول لا ميت ولا رجواني
وويش افعلو بالله جند الواجب=اللي ننام ونصفهك سهراني
يا ويلكم مما فعلتو فيهم=وش عذركم لا جيتو الميزاني
واللي عمل له حسنة[ن] يلقاها=والله يضاعف مده المناني
توبو الى الله دام باقي فرصه=والله يقبل ، راعي الغفراني
ترى المعاند نكبته من نفسه=واذا تعند قدمه الشجعاني
نايف ولد عبدالعزيز اعلنها=منهج سلف ما فيه نهج اخواني
ويإيده بالراي صقر الامه=للحكم حكم وللحقوق انساني
يعيش ابو متعب وتسلم داره=وحنا جنوده للهدف نيشاني
اليا أمر ، بعنا متاع الدنيا=وارواحنا لو برخص الاثماني
اقولها عني وكل اسعودي=كل القبايل كلها من داني
رهن الاشاره يا ملك لو تامر=قلنا الوعد في ساحة الميداني
قاله بعد تصريح منطق نايف=منصور ابن فلاح ابن جدعاني
جدي زيادي لا عتزا بالحرشا=كب الفراسه كاعم الفرساني
وابوي يومنه تبلغ رشده=امردد[ن] خالي على عماني
اهل مهيوبه في الزمان الفايت=من شافها عود وهو قنعاني
في راي تاج الراس حامي ربعه=احسين عطر مقدم الازماني
بالسمعه اللي ما تليق الا له=نبع الشهامه مكرم الضيفاني
واليوم خالد في مواقف جده=واكد بفعله سمعة الجداني
الله يصونه من صدوف الدنيا=والله يعينه والكريم امعاني
وحنا نفاع انفاع يا جاهلنا=موارد[ن] يا رد لها الضمياني
اهل البكار الكايدات الكمل=واهل مرابط كل بنت احصاني
من روس برقا بالعدد والعده=وعون الصديق ونقذة الطوياني
اهل الفعول الثابته والمله=وادخيلنا يسلم ونومه هاني
ذباحة الحايل كعام العايل=ما فيه عاقل يجهل العتباني
ومن مبتداء سيرة جناب الهيلا=وحنا نوف الدين للدياني
تلقى الزيادي دون حقه واقف=وتلقى البسيسي درعه امحياني
وتلقى مفرج والفليت احزامه=وايضا ربيع وكل ذخر اجناني
وتلقى النخيش وجنبه المسعودي=وايضا عيال اعييل له عواني
وتلقى بني زايد مع العبادي=وتلقى الحليفي جنبه اوذيناني
وتلقى الحبوس مع الجميعي صفه=وجنب الجعيد اخديد والزوراني
وتلقى الحليس مع الحشابر حوله=والحصن من ذخر احصنتنا باني
وتلقى السواط وجنبه السيالي=وايضا السلاقا مكرمين العاني
هذا بعض ذكر القبيله مجمل=للي يعرف الراس والامتاني
وان كان ما استوعبتها يا جاهلنا=انشد وتلقى للخبر برهاني
حنا هل التوحيد واهل النخوه=وقت السلام ونعمة الاماني
ويزودنا ناموس روق وبرقا=وشهودها فالحضر والبدواني
تمت وانا باقي لها في صدري=صوغ الذهب من خاطر[ن] نشطاني
نوادر[ن] شرد تشوق الناظر=تطرب ويطرب بدعها الطرباني
تكحل عيون الحاسد المتشدق=وتكسب ثنا من للجزل شفقاني
نقيته من كل شوب وعايق=وبذلت فيها من ثمر بستاني
والحمد لله عزني واكرمني=واكرمت نفسي واسمعو قيفاني
من بعد ما غصت البحر واعجبني= كسب الدرر واللول والمرجاني
عيني تتابع كل نجم[ن] ناجم=واذلل اظروف[ن] عنه تحداني
لا ملتفت للي يوط وط تحتي=لني ما احب الفقش فالرماني
وامشي على نهج السلف ما دور=للاهل الهواء واهل البدع ديواني
واعرف من اخذ منه فعل السنه=واطلب دليل اللي يبا يعصاني
وان كان معه الحق برجع يمه=وان كان معي الحق بالاحساني
باوجهه وان ما سمع كبيته=ابا اسفهه لله ولو قاواني
لو هو اعز الناس ما اغضب ربي=من شان ناس [ن] تطمر الجرفاني
والعلم ابا انهل منه واخذ قسمي=لو كان ما ينحد بالحداني
واسمع كلام اهل النظر وافكر=واخذ عبر من ما روو سلفاني
واحرص على اللي يكسبون الطاله=لو هم من الاجناب مثل اخواني
قلته بعد نايف بنفسه صرح=عقب الفتن والزور والبهتاني
ويالله تعز الدين وتوفقنا=للخير دام العمر في[ن] فاني
هذا وصلى الله على سيدنا=اللي ثبت في روغة الاذهاني

الشاعر منصور بن فلاح بن جدعان الزيادي

[ܓܨ عبدالله البرقاويܓܨ]

صح لسان الزيااااادي وبيض الله وجهه
ونعم بكل فخوذ ربعي ولابهم قصووووور

[عبدالمجيد النفيعي]

صح لسان الزيااااادي وبيض الله وجهه
ونعم بكل فخوذ ربعي ولابهم قصووووور

صح بدنك لاهنت ووجهك أبيض وماعليك زود

[عبدالمجيد النفيعي]

وهاذي أيضاً أبيات تذكر جميع فخوذ النفعه من نفس الشاعر


انـفـيــع ابــــن ريــــق جـذبــنــا طـيــبــه=
لـلـطـيــبــه لـــــــو كـــثــــرت الاســــــــوام=
مـــنـــا الـــزيــــادي والـحـلـيــفــي مـــنــــا=
وقــدر البـسـايـس مـــع ربـيــع اتـــوام=
وذوي مـــفــــرج والـمــحــايــا واكــــــــرم=
بـفــلــيــتــنــا ونــخــيــشـــنـــا الــــمــــقــــدام=
والـــزايـــدي وخـــديـــد والـمــســعــودي=
وايضـا العـبـادى والحـبـوس اكـعـام=
وحــشــابـــره وحــلـــيـــس ووذيــنـــانـــي=
وســـــواط وعـيـيـلــي هــــــل الـتـنــعــام=
وجــعــيـــد وجــمــيــعــات والــســيــالــي=
وايـضـا احصنـتـنـا سيـفـنـا الـفـصـام=
وايــضــا مـــــن الـــــزوران والـســلاقــا=
مــن يـفــرق الـواســط عـــن الابـهــام=
مـن روس برقـا والظـفـر مــن بـرقـا=
لاصــــــار فـــيـــه مــعــانـــده وزحـــــــام=
الـــجــــد واحـــــــد والـقـبــيــلــة وحــــــــده=
يــــنــــلام فــــــــراق الــــعــــرب يــــنــــلام=
حـــنـــا عـتـيــبــه والـــعــــرب تـعــرفــنــا=
اهـــل الـوفــا ومـخـاصـم الاخــصــام=

[فهد العازمي العتيبي]

صح لسانه

ونعم بالنفعه وباقي قبائل عتيبه ...

[عبدالمجيد النفيعي]

حنا كلنا قبيله وحده ولاعليك زود ياولد روق ،، مشكور على المرور العطِر

[عبدالمجيد النفيعي]

مشكور على المرور

[غيث العتيبي]

يعني الطفحه يرجعون نفعه على حسب كلام الشاعر

[وصل الشهيب]

تــلــقــى 1_الـــزيــــادي دون حـــقــــه واقـــــــف=وتـلــقــى 2_الـبـسـيـســي درعــــــه 3_امـحـيــانــي
وتــلـــقـــى 4_مــــفــــرج و5_الــفــلــيـــت احــــزامـــــه=وايــضــا 6_ربــيــع وكـــــل ذخـــــر (*) اجـنــانــي
وتـلـقــى 7_الـنـخـيـش وجـنـبــه 8_الـمـسـعــودي=وايــضـــا عــيـــال 9_اعـيــيــل لــــــه عـــوانـــي
وتــلــقــى بـــنــــي 10_زايـــــــد مـــــــع 11_الــعــبـــادي=وتــلــقـــى 12_الـحـلـيــفــي جــنــبـــه 13_اوذيــنــانـــي
وتلقـى 14_الحـبـوس مــع 15_الجميـعـي صـفـه=وجـــنـــب 16_الـجـعــيــد 17_اخـــديـــد و18_الـــزورانـــي
وتلـقـى 19_الحلـيـس مـــع 20_الحـشـابـر حـولــه=و21_الحـصـن مــن ذخــر احصنـتـنـا بـانــي
وتــلــقـــى 22_الـــســــواط وجــنـــبـــه 23_الــســيــالــي=وايـــضـــا 24_الــســلاقــا مـكـرمــيــن الــعــانــيالأخ

عبدالمجيد النفيعي

مشكور والله

صح لسان الشاعر الزيادي

قصيده شامله وكامله

سبعه أبيات بحنكة شاعر إستطاع ذكر جميع القبيله

لله در الشعر

ألف ونعم بربعنا النفعه من نجد إلى الحجاز

تحياتي لك يابن العم

[عبدالمجيد النفيعي]

غيث العتيبي


أكيد أطال الله عمرك ويوجد بيت مشهور


نــفــاعــيـــه إذا جــــائـــــت مـــــــــن قـــبـــالـــه=طفيحيه إذا جا خرزها من جنوبها

وحسب ماهو معروف بأن الطفحه بفخوذها تتحد بعزوة النفعه بالأحداث العامه وتستقل عنهم بالأحداث الداخليه

لاكن الشاعر بن جدعان كسر هذا الحاجز بهذه الأبيات وذكر جميع الفخوذ متحده مع بعضها بدون أي تفنيد بينهم


وصل الشهيب

ماعليك زود ياإبن العم وصح بدنك نيابه عن الشاعر وتشكر على الإشادهـ

[وصل الشهيب]

أخوي عبدالمجيد النفيعي

بحكم معرفتي بربعي النفعه

إفتقدت المقذلي في قصيدة الزيادي

صح وإلا لا

تحياتي

[عبدالمجيد النفيعي]

هلا بأخوي الشهيب والنفعه ربعك بلاشك أما المقذلي حسب ماسألت اخوي إن يوجد المقذلي المحياني أكيد هم الذي أنت تقصدهم والمحياني مذكور في القصيدهـ وأنا من قبل أن أسئله كان عندي يقين بأنهم ليس فخذ مستقل في النفعه

شرفت بمرورك أخوي وصل

[وصل الشهيب]

هلا بأخوي الشهيب والنفعه ربعك بلاشك أما المقذلي حسب ماسألت اخوي إن يوجد المقذلي المحياني أكيد هم الذي أنت تقصدهم والمحياني مذكور في القصيدهـ وأنا من قبل أن أسئله كان عندي يقين بأنهم ليس فخذ مستقل في النفعه

شرفت بمرورك أخوي وصل

أخوي عبدالمجيد
الآن فهمت أن المقذلي محياني
وأنعم وأكرم بربعنا
أشكرك
تحياتي

[عبدالمجيد النفيعي]

العفو طال عمرك ولا عليك زود

[أبو مرحبا]

والنعم بربعنا النفعه

لاهنت على النقل الموفق

احترامي

[محمد بن غازي]

أخوي عبدالمجيد النفيعي

بحكم معرفتي بربعي النفعه

إفتقدت المقذلي في قصيدة الزيادي

صح وإلا لا

تحياتي



المقاذله ومفردهم مقذلي من المحايا النفعه ...

[عبدالمجيد النفيعي]

أبومرحبا

ماعليك زود الله لايهينك

محمد بن غازي

مشكور على التوضيح