ماقل دل والطارف يجي هنا !!!!

[عبيدالله العرابي]

قلنا سلام وما يدل ولو يقل من الكلام=اجمل من جبال العلوم اللي طوال حبالها
يا اصحابنا العتبان بان النور جلاّي الظلام=اطرف عتيبي يعرف جنيه العرب وريالها

[:: محمد النفيعي ::]

قلت السلام وقلت لك يامرحبا يابن الكرام=مالك ياكود الدله اللي دارج فنجالها
اليا دخلت السوق فرق فالحلال وفالحرام=وانا معك قد الطلب والخيل من خيالها

[ولدعساف]

صحت الالسن والقلوب

[عبيدالله العرابي]

دام البقا لاجا اللقاء بين المهند والحسام=لاقيل ماينجد عقيل الا ظهور جمالها
السوق تجاره على ناره لهم عشرين عام=قادوا زمامه والعلامه شوف روس اموالها

[عبيدالله العرابي]

ولد عساف

صح قلبك يالغالي

حضورك نوماس
لاهنت

[:: محمد النفيعي ::]

وقت اللقاء ماعندنا الا اللي يقصن العظام=والكلمه اللي جات من صاحبك ذا معدالها
ماهو بشرط ان العلامه للذي قاد الجهام=بعض البضاعات القديمه ماربح دلالها

[عبيدالله العرابي]

إن جت على كيفك بسيفك مايسامحك النظام=هرجه وفرجه والخطيه في نحر من قالها
ابطيت نايم والغنايم ماتجيلك فى المنام=لاأصبح قديمك هو نديمك حطها واشتالها

[:: محمد النفيعي ::]

ترى الحصا من سيف ابو عزام يالطيب حطام=اقرا الكتاب وميز العالم وشوف افعالها
خلك فطين وكل شي يبين والموعد تمام=واقرب هنا واشرب من اللي ظابطن مكيالها

[فواز السعيدي]

الله الله


ياسلاااام

[فايز بن سرحان الثبيتي]

ماهو بشرط ان العلامه للذي قاد الجهـام
بعض البضاعات القديمه ماربـح دلالهـا


ابطيت نايم والغنايم ماتجيلك فـى المنـام
لاأصبح قديمك هو نديمك حطها واشتالهـا


صح لسانك يامحمد النفيعي على الردود

صح لسانك يابعيد النظر :) وترى الوقفات والسجع محليه بيوتك وصايرة ٍ سكر زياده

[:: محمد النفيعي ::]

ولد عساف


السعيدي


ارحبو يالنشاما ارحبو

[سرحان 511]

.
..

صح لسانك يابعيد النظر وصح لسان النفيعي

ولكن لدي سؤال لبعيد النظر هل انت ابو سعيد؟

.

..

[:: محمد النفيعي ::]

صح بدنك ياسرحان ولاهنت على حظورك

[عبيدالله العرابي]

اللي يجادلني يبادلني موده واحترام=وشبك تعقّلها وتزعل لاسرت بعقالها
لو ترتفع قامتك تبقى من تحت عالي مقام=علم به الهيلا توصي فى الزمان عيالها

[عبيدالله العرابي]

.
..

صح لسانك يابعيد النظر وصح لسان النفيعي

ولكن لدي سؤال لبعيد النظر هل انت ابو سعيد؟

.

..

هلا ياسرحان وكل عام وآنت بخير يالغالي
صح قلبك يالغلا
اجابه نعم أنا ابو سعيد

وحضورك شرف لي طال عمرك

تقديري

[سرحان 511]

.

..

ههههههههههههههه

الله مير يحييك في منتداك

بس اسالك بالله تقول ماشاء الله

والله انه ماغير احساس من طريقة بيتك

..
...

[عبيدالله العرابي]

مرحبا مليووووووووووون بالجميع

وحضوركم اسعدنا

[عبيدالله العرابي]

.

..

ههههههههههههههه

الله مير يحييك في منتداك

بس اسالك بالله تقول ماشاء الله

والله انه ماغير احساس من طريقة بيتك

..
...


هههههههههههههههههههههههه

الله يبقيك يالغالي
ماشاء الله تبارك الله لاشافك حاسد ولافاسد وعيني عليك بارده
هذا شرف كبير لي

[:: محمد النفيعي ::]

تبغى تلحقني ملام ولاعلى مثلي ملام=حنا نجيب ولانخيب اللي على موالها
اصغر عتيبي يحوز المجد من ذورة سنام=اصحى لها ولاعساك تموت ماتصحى لها

[الشاعر فهد رحيم النفيعي]

متاااااااااااابع محاورة رايعة


الليل ............. الليل

[عبيدالله العرابي]

ماالوم غير الناقل العاقل ليا آشتد الخصام=وآنته من اللي فى التسلي مايطول جدالها
قلنا ونعم ولو جمال التهم جا فيها هيام=ومن المحال يدوم حال اللي تغيّر حالها

[عبيدالله العرابي]

فهد عبدالرحيم النفيعي

متااابعتك تشريف يالغالي

لاهنت

[الشاعر فهد رحيم النفيعي]

الله لايهينك اخوي


واصلوووووووووووووا

[:: محمد النفيعي ::]

مايهظم حقوق الرجال الا ملاعين الرسام=هرجه على صح وصحاح وخل فالك فالها
ومن المحال اتفهم اللي صعب فيه الافتهام=دايم يجيك منسف الغتره بدون عقالها

[:: محمد النفيعي ::]

بعيد النظر صح لسانك شاعر مبدع تشرفت بمجاراتك



وان شاء الله الجايات اكثر



ابك اهلكتني وشطنتني عن صلاة العشاء


الختام عندك

[عبيدالله العرابي]

اللي يعامل بالمجامل مسلمٍ صلى وصام=الله وكيلك تستوي لك مالقيت بدالها
إن غرّك التشكيل ولا قيل فى عيونك عسام=حنا شرينا الغاليه والعاليه نراقالها

[عبيدالله العرابي]

الله يبيّض وجهك والختام عندك أنت وتقبل الله من الجميع . والعذر والسموحه واللعب معك مكسب يالغالي

وتجيه وتقدير لكل من تابعنا واهتم بهذا اللقاء . الذي اتمنى أن لايكون الأخير بإذنه تعالى


تقديري للجميع

[علي الثبيتي]

بعيد النظر مرحبا تراحيب المطر ومن طول الغيبات جاب الغنايم
انت وش لونك عساك طيب نور المنتدى بوجودك
وصح لساااااااااااااااااااانك
محمد النفيعي صح لسااااااااااااااااااانك

[مرزوق حمدان العتيبي]

..

الشاعر الكبير ابو سعيد ..
بوجودكـــ مايستغرب الابداع ..
صح لسانك .... وصح لسان الرائع محمد
لاهنتما ....