أردى العرب في ماضي الوقت لو عاد

[مرزوق بن دحيم]

أردى العرب في ماضي الوقت لو عاد=في وقتنا هذا يعادل قبيله
هذي حقيقه والحقيقه لها أسناد=تشهد لها حتى رعود المخيله
الله على وقت المراجل والأمجاد=يوم القصيره في نظرنا طويله
ويوم البساطه فالنظر تأخذ أبعاد=هاك الحياه الطاهره والجميله
من جامعة علم التجارب والاجداد=كلٍ نجح مادور المستحيله
كان الولد يرقا على روس الاشهاد=فالأوله والغانمه والفضيله
عمود بيت أبوه والفكر وقّاد=من نظرة الشايب يبرهن حصيله
يكسب من علوم الرجال أطيب إعتاد=بالخبره اللي للمعالي وسيله
ولا شحت يدين الزمن بالوفاء جاد=والطيب يشمخ من عميل لعميله
واليوم ياكثر العتب فوق الأولاد=من ماكرالعزه رضو بالقليله
كلٍ عن الشايب ورى الغير منقاد=مع شلةٍ ماجابو ألاّ الفشيله
خلوه في بيته قليلين الافواد=يكنها فالقلب يومه وليله
والخادم يقرب له الكيف والزاد=والصدر في جوفه لهيب المليله
كنه يقول الوضع ماعاد يزداد=ليت الزمن يرجع ويرجع صهيله
الي على الردات وقفه وميعاد=واله على الردات راع الاصيله
والله لو عود غسل سم الاكباد=مير البلا من عودته مستحيله
والبيت ماياقف بلا طنب واعماد=والقول لو يكثر قليلن حصيله
خير الكلام الزبده ان قل ون زاد=ومن لاعتبر بالنصح ربي يزيله
من لا يعمّر مجلس أبوه بشداد=ويعز قدره بالفعول الجليله
عليه من رب السماء سخط وجهاد=أقولها والحق واضح دليله

مرزوق بن دحيم

[ولدعساف]

صح لسانك والردي ردي إن كان بالماضي والحاضر والحمدالله الطيب في كل مكان و زمان ولا علمنا ولا سمعنا إن ردي يسوى قبيله فجميع القبائل هي قبائل بالماضي وممتده من بعضها تمنيت لو غيرت مطلع القصيده لانه مأخذ عليك تقبل وجهة نظري.

[مرزوق بن دحيم]

اخي ولد عساف ليس المعنى بالردي او المقصود انه صاحب امور غير محموده لا
بل اقل حال العرب في السابق ومعادلة القبيله هي من نوعيه معينه من البشر لو جمعت منهم ما يعادل قبيله لاصبح هذا المقصود يعادل قبيله من هذا النوع تقبل تحياتي وشكري لردك الجميل

[ولدعساف]

اخي ولد عساف ليس المعنى بالردي او المقصود انه صاحب امور غير محموده لا
بل اقل حال العرب في السابق ومعادلة القبيله هي من نوعيه معينه من البشر لو جمعت منهم ما يعادل قبيله لاصبح هذا المقصود يعادل قبيله من هذا النوع تقبل تحياتي وشكري لردك الجميل

معنى الردي هو يحمل كل صفه مذمومه و لكن أنت لك معناك الذي رسمت عليه القصيده والمعنى كما يقولون في بطن الشاعر

[أخو جوزا]

صح لسانك يامرزوق بن دحيم

[خلف القثامي]

صح لسانك على القصيده الرائعه


صدقت بما قلت

الرجال في الماضي



تعايشوا مع الفقر ونالوا الصبر والمواقف الصعبه والبحث عن المرجله

اما الوقت الحالي

كلن يشكي ع الثاني همه سواء موظف او عاطل

[اسعدي شمالي]

الله الله ........... من اجمل القصائد اللتي قرأتها في حياتي


رائع رائع ....... اخي مرزوق صح لسانك وعلا شانك

وبيض الله وجهك على هذه القصيده الجزله ....

لك فائق تحياتي

[الرويل الأول]

صح لسانك يامرزوق

وانا اُيد وجهة نظر الأخ ولد عساف

في مطلع القصيدة

وتقبل تقديري

[عمر الدغيلبي]

صح لسانك يا مرزوق

وبيض الله وجهك

ننتظر جديدك يامبدع

ودّي :)

[فهيد مقعد الرويس]

صدقت والله

يامرزوق

صح لسانك

يامبدع

تحيتي وتقديري

[خيال الأصيله]

صح اللسانك ولا هنت يالقرم مبدع

[نوآف الغنامي]

أردى العرب في ماضي الوقت لو عاد
فـي وقتنـا هـذا يعـادل قبيلـه
هذي حقيقه والحقيقـه لهـا أسنـاد
تشهد لهـا حتـى رعـود المخيلـه
الله على وقـت المراجـل والأمجـاد
يوم القصيـره فـي نظرنـا طويلـه
ويوم البساطه فالنظر تأخـذ أبعـاد
هـاك الحيـاه الطاهـره والجميلـه
من جامعة علم التجارب والاجـداد
كـلٍ نجـح مـادور المستحيـلـه
كان الولد يرقا على روس الاشهـاد
فالأولـه والغانـمـه والفضيـلـه
عمود بيت أبـوه والفكـر وقّـاد
من نظرة الشايب يبرهـن حصيلـه
يكسب من علوم الرجال أطيب إعتاد
بالخبـره اللـي للمعالـي وسيلـه
ولا شحت يدين الزمن بالوفاء جـاد
والطيب يشمخ من عميـل لعميلـه
واليوم ياكثر العتـب فـوق الأولاد
مـن ماكرالعـزه رضـو بالقليلـه
كلٍ عن الشايب ورى الغير منقـاد
مـع شلـةٍ ماجابـو ألاّ الفشيلـه
خلوه فـي بيتـه قليليـن الافـواد
يكنهـا فالقلـب يومـه وليـلـه
والخادم يقرب له الكيـف والـزاد
والصدر في جوفـه لهيـب المليلـه
كنه يقول الوضـع ماعـاد يـزداد
ليت الزمن يرجع ويرجـع صهيلـه
الي على الـردات وقفـه وميعـاد
واله علـى الـردات راع الاصيلـه
والله لو عود غسـل سـم الاكبـاد
مير البلا مـن عودتـه مستحيلـه
والبيت ماياقف بلا طنـب واعمـاد
والقول لو يكثـر قليلـن حصيلـه
خير الكلام الزبـده ان قـل ون زاد
ومن لاعتبر بالنصـح ربـي يزيلـه
من لا يعمّر مجلـس أبـوه بشـداد
ويعـز قـدره بالفعـول الجليلـه
عليه من رب السماء سخط وجهـاد
أقولهـا والحـق واضـح دليـلـه


___________________


والله مدري ايُّ الكلمات تليق امام هذا النص !!


كلمااات من ذهب !

ما شاء الله تبارك الله


مرزوووق لله درّك وصح لساااانكـ لين تطلع الشمس من المغرب

:)


تقبل اعجااابي بهذا النص



متشوّق لجديدكـ

[ماجد العصيمي]

صح لسانك



درر يالقرم