سلامـــــــــــــــــــــــي

[سعود حباب العتيبي]

هذه قصيده قلتها في سمو الامير سلطان بن عبد العزيز ولي العهد عندما كان في رحلته العلاجيه
وبرفقته سمو الامير سلمان بن عبد العزيز ...

ياامير سلم لي عـــــلى راس سلطــــــان @ سلم على راس الوفا والشهامه

عفواً طلب . ياسيد الجــــــود سلمــــــــان @ ياشيخ نجد الي تقود الجهامـــــه

انتم حماة الدين وحمـــاة الاوطــــــــــــان @من عهد ابو تركي وسلت حسامه

ثم واصلوا سيره طويليــــــــن الايمـــــان @ ساروا على نهجه وقاموا مقامـــه

واليوم في عهد الرخا مــــــــــع كحيــلان @ عهد التقدم والعطا والكرامــــــــه

وان قلت ينقصنا ترى فـــــــــيه نقصـــان @اقول عودة سيدي بالســـلامــــــه

سلطان سلطان السعد بيت الاحســــان@ يعطي ويعطي مع عطاه ابتسامه

قصرت في مدحه وانا منه خجـــــــــلان @ ويش الشعر قدام هيبه وقامـــــه

حر ٍ ٍشهر فالجو تخشاه عقبـــــــــــــــان @ عليه من عبد العزيز الوسامــــــــه

ان قلت عنه انسان هو معنى الانسان @ وان قلت عنه الجود ذروة سنامه

اعطى من الدنيا على مر الازمـــــــــان @ وسهر الزمان وعين غيره تنامــــه

وان كان قولي مايدعـــــــم ببرهــــان @ والا علي من الملامه مــــلامــــــه

الى رجع سالم شبع كل جيعــــــــــان @ حتي اليتامى شاركوه بطعـــامــــه

عسى السلامه تصحبه وين ماكــــان@ ويلبس ثياب العافيه والعمـــــامـــه

ويستقبله شعبه شبابه وشيبـــــــان @ وينزاح عنهم من غيابه غمـــــــامـــه

[ولدعساف]

صح لسانك يـآسعود وبإنتظار جديدك

[مرزوق حمدان العتيبي]

..

صح لسانكــ يابو حباب
وحمداً لله على سلامة سلطان ..
...

[عمر الدغيلبي]

الشاعر سعود حباب العتيبي

نشكرك على تواصلك مع قسم قصائد الأعضاء في منتدى الهيلا

وصح لسانك على القصيده الطيبه المليئه بالوفاء و الولاء

والحمدلله على سلامة سلطان

وبنتظار جديدك

ودّي :)

[سعود حباب العتيبي]

مروركم شرف و إشادتكم ترف

[ماجد العصيمي]

صح لسانك مليوووووووووووووون ياسعود