تسجيل الدخول

مشاهدة النسخة كاملة : نايف ملحلق اقرب

بروفيسور الهيلا
28-Dec-2009, 06:18 PM
مرحبا ترحيبةٍ تبني مدينه=والبخيل يعد في يمناه قرشه
ابن ملحق كلبش الحنشل يمينه=ماقدر يطلق يديه من الكلبشه
نايف بن ملحق الثعلي
28-Dec-2009, 06:37 PM
البقالك والثمينه بالثميته=ونتبه يالله عسي مافيك ربشه
كل مسلم سجدته علي جبينه=وينكم وقتن مضي ياخوان نمشه
بروفيسور الهيلا
28-Dec-2009, 06:46 PM
ابشر انا مانجيب الا السمينه=من كرم ربٍ تعلى فوق عرشه
كان ماتطلق يمينك واغبينه=في اللزوم يصير في يسراك رعشه
نايف بن ملحق الثعلي
28-Dec-2009, 06:55 PM
ياولد مشيب تري الدنياء حزينه=كم حزينن سال دمعه فوق رمشه
لاتظلي عندنا مثل الرهينه=مانبا لصحابنا نكبه ولبشه
بروفيسور الهيلا
28-Dec-2009, 07:10 PM
كيف نايف مابكت من حزن عينه؟=فوق اخوه الي يضر القوم بطشه
سل سيف دونكم وانتم ثنينه=لين سدّا كل ميت فوق نعشه
بروفيسور الهيلا
28-Dec-2009, 07:14 PM
معقوله ما احد رد؟
رعد الروقي
28-Dec-2009, 09:44 PM
طاروق رائع فعلاً


صح لسانك يا بروفيسور الهيلا



وصح لسانك يا نايف الثعلي


موفقين
مازن الشيباني
28-Dec-2009, 11:14 PM
ياسلااااااااااااااااااااام
بروفيسور الهيلا صح لسانك ملاييييين

وصح لسان ابن ثعلي