أبو مرحبا
27-Dec-2009, 08:49 PM
السلام عليكم ورحمة الله وبركاتة
اخواني الاعزاء أعضاء منتدى قبيلة عتيبه الهيلا
هنا أضع بين أيديكم ديوان لشاعر المحاورة الشاب محمد بن غازي النخيش
أتمنى ان تنال على أعجابكم
قصيدة ( ياسعد من ربعي له افزوع واعوان )
عز الله إن الكل ذربين الأيمان=ما قصروا من يحتمون التوالي
قاموا مقامن ماتعادله الأثمان=والرأس من مقام الأبطال طالي
حتى قليل المال ماقال فقران=يوم احتمى الميقاف داس الريالي
ما ألحق جزاء اللي شانهم عندنا شان=مقدارهم بين النجوم العوالي
أقول شوفوا فعلهم بينكم بان=ياأهل النظر ياللي تبون المعالي
رجلن بليا ربع لاشك ينهان=يقولها اللي ذاق مرن وحالي
وربعي عتيبة للعلا دوم عنوان=زبن الدخيل اللي من الهم جالي
ذباحة الحايل معازيب ضيفان=لطامة العايل بليا جدالي
خويهم لامن وجه الزمن شان=كن الزمن عليه ماقط مالي
ياسعد من ربعي له افزوع وأعوان=أنا أشهدنه طاب فاله وفالي
قصيدة ( سلطان ياسلطان جعل المرض زال ...)
من فيض حبٍ داخل القلب يجتال=أسوق تعبيرٍ رفيع المقامي
يوم البشاره جابها كل جمال=ششنا فرح والكل فل الحزامي
أطلق رصاصٍ فالسما يشعل اشعال=من شأن راع شدادها والمسامي
اللي بنا صيته ومجده ولا مال=دايم على الذربه غزير احترامي
سلطان ياسلطان جعل المرض زال=بإذن الكريم العافيه لك دوامي
ياحرٍ بفعله كما السيل شيال=سيله على روس الضلاعين طامي
إليا مشى سيله من الجال للجال=كلن سمع به وأرتوى كل ضامي
يفرح به اللي خايله بأي الأحوال=اللي بعد فرقاه صابه هيامي
وتفرح به أم لليتامي والأطفال=يوم إن خيره عمهم بالأسامي
ويفرح به اللي صار للحزن عيال=عقب المرض سلط عليه الحسامي
ويفرح به اللي صار للدين كيال=له فزعةٍ من ذاقها مايضامي
أنا أشهد إنه نور للشعب بتال=والكل عانه يحتري له سلامي
شف الشعب شفي ولا نيب محتال=وتقبيل يمناه الكريمه مرامي
قصيدة (سيمت بأسم اللي له الخلق يرجون)
سميت باسم اللي له الخلق يرجون=في مبتدا قول(ن) منقيه بالحيل
باسم الله الجايد على اللي يجودون=رب(ن) كريم ولايبا كود تهليل
وسلام سلم إسلام بالحفظ والصون=على الحضور اللي لفونا مقابيل
ويامرحبا" فيكم وأهلا(ن) وتحيون=عن لابة(ن) ميقافها يضوي الليل
ويامرحبا فيكم عساكم تدومون=ترحيبة أهل الباديه بالهماليل
ويامرحبا مليون في دف مليون=باللي علشانه عزمنا الرياجيل
ترحيب في ترحيب بالعود مقرون=يامرحبا بسعود نسل المشاكيل
لو نذبح الذيدان لا مايكفون=ماتوفي بحق الرجال الحلاحيل
ويامرحبا بأهل الوفا يوم يأتون=عند المحل اللي كثير المداهيل
تسمع هلا مع مرحبا يوم يلفون=وقبل الكرامه ريحة الطيب والهيل
يامرحبا عداد ناس(ن) يحجون=وأيضا" عدد ماجرح الوادي السيل
وإعداد سجد مسلمين(ن) يصلون=يوم الصلاه كتاب مافيه تأجيل
وإعداد مال(ن) يدفعه من يزكون=على فقير(ن) ذايق الشر والويل
وإعداد من للفرض دايم يصومون=وإعداد من يبدع حسين التماثيل
وإعداد نور الصبح لانور الكون=للي معه يوم(ن) جديد المحاصيل
وإعداد ماض أيام وشهور وسنون=وإعداد ماتمطر حقوق المخاييل
وإعداد مايسطع نجوم(ن) لها بون=في صحصح(ن) يازين فيه التعاليل
يامرحبا مادام للهرج مضمون=ترحيب وافي في جميع المكاييل
في ديرة محمد ولد زايد العون=عوين راع الحق مايقبل الميل
شيخ(ن) يجله من حوى رأس وعيون=شيخ(ن) بوصفه يعجز القال والقيل
قصيدة ( الـــــــــــــذود)
أنا ليا منه دخل بالي الضيق=والصدر ضيق من جميع النواحي
وتفككن أبواب كانن مغاليق=وقامت تلاعبها هبوب الرياحي
دقيت سلف اللي يهوم الشواهيق=جيبٍ على قطع الصعيبات صاحي
وسقته لروضٍ بان فيه الزماليق=عشبه ليا جاء حزة عصير فاحي
ترعى به اللي يتعبن الملاحيق=ذودن سموح ولاضرا بالمراحي
مالملموه أهل العقول المطافيق=في حكمة رجالٍ بعاد الشباحي
يزهونها لاحلق الصوت تحليق=من حولهنه والطبايع املاحي
ويزهن صوته باستجابه وتوفيق=وتقبل لصوته مثل زرق الرماحي
ذودن ذهب ماحط جوف الصناديق=وراعيه ذكره شاع بأجمل وشاحي
من صبح ربه عندهن فكة الريق=وإليا حصل مجلاس قومن اصحاحي
ومن حولهم ضو ودلالٍ مدانيق=فنجالهن لعماسة الرأس ماحي
وسوالفن تشرح صدورن مخانيق=مثايلن لأهل النمايم اتناحي
وإليا انتهى المجلاس فالذود تحديق=عيونهم مابين حيل ولقاحي
وتقود ذوده بأمر صوته بتدقيق=على هوى الراعي تجيب النجاحي
ولهن عشية طيحة الشمس تبريق=بصوتٍ يناديهن بوصفن سماحي
وصفن تسمون به وقوف ومحاليق=إليا ذكرته بالهن فانشراحي
آدابهن بأجابة الإسم توثيق=حقيقةٍ ماجت خيال ومزاحي
هذاه شفي يالقلوب المشافيق=يزيل همي كالطبيب الجراحي
قصيدة ( يالله عساني بالشهر فايدٍ فيد .. عفوك وغفرانك وزول النكايد )
ماباقي ألا خمسة ليال توكيد=ويقفي رمضان ونبتدي بالمعايد
يالله عساني بالشهر فايدن فيد=عفوك وغفرانك وزول النكايد
حتى لاحل العيد بالناس والبيد=نفرح فرح مسلم يعرف العوايد
والعيد عقب الصوم ياجعله سعيد=وعزي لمن قدمه يكبر وسايد
قلته وكلن يأخذ العلم ويزيد=يالين يأتي من يجيب الجدايد
ذكر فإن التذكرة دايم تفيد=للمؤمن اللي مع عقيدته سايد
دينه على دين النبي ماهو يحيد=يبغى الجزاء من رب كل البدايد
ينشد من الله رحمة مالها قيد=تضفي عليه ولاتخيب النشايد
وأنا معه على النقا والتفاريد=أطلب من الله في تمام الحمايد
وأذكر إخواني بما أقدره وأجيد=ويالله عساني بالفريدات جايد
قصيدة (والله لبطي وقلبي من فراقك يلوع) مرثيه في الشيخ محمد بن زايد رحمه الله
طاح ابن زايد وقلنا يالعزيز الدفوع=ادفع صواديف دنيا" كم تحلويتها
سبعة شهورن كئيبه تمتطيها الطموع=وأخبار هالكون لو تنقال ماأوحيتها
أبحث عن أخبار راع الطايله والنفوع=اللي يحل المشاكل في تواقيتها
لاحل طاريه فالمجلس صغيت السموع=لعل أملنا بعافيته عمر بيتها
ندعي جزيل العطا رب المنوع الجزوع=يشفيه وأم العباير فيه كنيتها
واليوم جانا الخبر يقول ماله رجوع=ياللي أمل عودته مثلي تحريتها
اليوم يوم الأحد جانا بعلمن يروع=يقول مات الذي نفسه علا صيتها
شيخن ملك طيباتن من فريد الطبوع=لو أذكر أوصاف شيخ العز ماأحصيتها
شيخن ركن هز بفراقه جميع الجموع=اللي تعزوا بمثله في مباخيتها
شيخن فقيدة جميع الناس قبل الربوع=من طيب فعله دموع الحزن هليتها
خيم علينا من الاحزان حزن صفوع=وبحور الاحزان من فرقاه طبيتها
ياكبر وقعه علينا جوف حدب الضلوع=كن الوسيعات يم الضيق لديتها
ضاقت وساع الصدور وبان ذرف الدموع=ومن هول فرقاه كل الناس مليتها
وشلون ماياقع بفرقاه جل الصدوع=اللي يفتت كيانن صعب تفتيتها
مرحوم ياشيخنا اللي بالمراجل شيوع=يمناك بالطيب كم وكم مديتها
أنا أشهدنك بنيت العز بنين منوع=قولن ذكرته وعند الناس تثبيتها
والله لبطي وقلبي من فراقك يلوع=والله من دمعة طاحت ومشيتها
الله يجعل جزاء فعل اليمين البتوع=جنات عدنن بفعل الخير ناديتها
قصيدة (ولايفلح الساحر)
سلامي سلامن ممتلي حشمة وتقدير=على اللي حضر نثنيه مافيه مزهافي
سلامن نقي من قلب من وده التبصير=أقوله نيابه وأتشرف بميقافي
نيابه عن اللي مايجي منهم التقصير=هل المكتب اللي فعلهم دايما" وافي
سعوا لأجل يجمع ملتقانا رجال الخير=وبانت برامجهم على كل مشرافي
ومادامني واقف نيابه ولي تفكير=هلا مرحبا ترحيبةن خيرها ضافي
هلا بالضيوف اللي سمر حبهم تسمير=على لوحةن بالقلب تقرأ للأشرافي
وهلا براعي الحفله ملبى بلا تأخير=حضوره جعل للمتلقى نورن يشافي
هلا والف ترحيبة كما ضو شمس عصير=ولا دونها غيمه ولا دونها سافي
يجي للشعاع اللي لها وسط جم البير=تناوير لو طالت وزادت بالأوصافي
هلا وألف ترحيبة تجيكم كما التبشير=يبشر نباها من تعشم بالأعرافي
وهلا ياهل الوقفات والعرف والتفسير=تفسر علوم الدين للجاهل الغافي
يجي بعدها كيفن على هيله امسيمير=يزيل العماس اللي على الرأس متقافي
تحت ضيفة أهل البل رجالن عطاها غير=نباهم قبل ذبح الذبايح ترى كافي
وهلا مرحبا واعداد طير صدح للطير=وعدد وبل غيثن جايله صوت وهتافي
على الملتقى اللي يعجز بوصفه التعبير=وكلن لعنوانه بلا شك لهافي
ولا يفلح الساحر ولو مابغاه يصير=قفيه عذاب الله مع شره الخافي
قصيدة ( أخـــو هــــمــــــلا )
سلام تسليمة وفا ياأهل النقا اللي مستديم=اللي صدى بصماتهم تبقى على موالها
سلام ياكل الرجال اللي لهم وصفن عديم =حرار قومن ربت بطيب الفعول اعيالها
سلام يابن فهيد يالنادر ويانسل الكريم=ياللي تحل المشكلات ادقاقها وجلالها
راعي معاميلن عطاها حقها بوقتن قديم=ومازال فعله لين وقت اليوم في منوالها
يشيل حملن مايشيله غير رجالن عظيم=شيال هم اهله وناسه والعرب في حالها
سلام يافيحان بن هذال يالفعل المقيم=إعداد مزنن لاح براقه وخلت اخيالها
من عالية نجد المسمى جيتك أزمه زميم=علمن بصدرن عارف المطلاع من مدخالها
امذربه عن راعي القالات والرأي الغشيم=متوجهن يمك ونفسي حاشمن منزالها
جيتك وأنا طامح بعد ماصرت من وقتي امضيم=في جاهة اللي مايخيب اللي نزل في جالها
سلسلت طيبن وارثه لعيالك بعرفن سليم=حتى مشوا بنهج الجدود امسندين أشبالها
وسعوا لفعل الطيبه حيث الكريم ابن الكريم=يسعى لفعل جدوده اللي طابقت لأقوالها
أنته من عيال أخو هملا راعي الصيت المقيم=فعله غني عن مدحنا بقصارها وطوالها
ماأشكي همومي غير للي كل شين به عليم=ربن يعرف الخافيه ويحل ذنب رجالها
ولاباح سدي يوم وقتي مودعن قلبي سقيم=ألا لراع الوافيات أعدها وأبرالها
أعدها من عرفنا لك يوم لك فكرن حكيم=ماخفت شمتك عارفن طبع الشيوخ وفالها
وقتي حداني يمة أقصايه وعن غيرك يشيم=تنامت أسباب الهموم اللي سرا جمالها
ودورت بيبان المراجل وأدعي الرب الرحيم=ولقيتها قدمي تصك أبوابها بأقفالها
وقالوا لي ابحث عن فريد الوصف رجالن عديم=شيخن يعدل المايله والكايده يرقى لها
نسل الرجال اللي على درب المعالي تستقيم=يمكن تفوز بفزعته وأمثالها وأمثالها
وطرا علي اللي على العليا له العزم الصميم=اللي على الطاله عسف نفسه وحط إرحالها
والعلم يمك ياطلال الوقت في وجهي كظيم=وأنا امتيقن من وفا اللي كل ذربه طالها
أبغى الجماله من كريمن يملك القلب الحميم=وأطمع بخوتكم عساني أستحق أسعى لها
وجمالة اللي مثلكم كالقايده في جول ريم=أكبر شرف للي تبعها لين جا مشتالها
قصيدة ( وقت يشيب الورع في سن الفطام )
البارحة والناس في حلوالمنام=عيني سهيرة ماهنت في نومها
أجاذب الونات وضلوعي حطام=تشب فيها النار حسب اهمومها
وأنا همومي زودت في السقام=ماغير أحايلها على منظومها
ماهوب من خلٍ ذبحني بالغرام=وأركا على كبدي وزاد اوسومها
من هالزمن يومه عرض لي بالسهام=شف حالتي من صكته مالومها
وقتٍ يشيب الورع في سن الفطام=كيف الرجال اللي جزال اعلومها
تغيرت فيه المفاهيم العظام=وضاعت تقاليد العرب وسلومها
شوفوا معالم وقفتي مثل الغمام=اللي رياح الوقت ضد اقدومها
تلفها لفه وتودعها ركام=وتغيب مايبقى ولو ارسومها
وقتٍ رياحه ضد عالين المقام=تنفض جزيل العرف لين يرومها
من برق بوقته ويطمح بالسنام=يعذر منه من عقب وقع اسهومها
ماهيب إله للي يخالف فالنظام=ونفسه على درب البلاسه هومها
حزنت لجل اللي طموحه للأمام=اللي على الطاله لحم ملحومها
واليوم في وجهه تعكر وانقسام=بعد الخلايق غيرت مفهومها
قصيدة ( سلام تسليمٍ بلا رسم وحدود )
سلام تسليمن بلا رسم وحدود=مثل المطر لاعم في كل البلاد
سلامن أغلى من ملايين النقود=حصاد سلمن مايجي مثله حصاد
للي حضر حفلن تراحيبه وقود=شبت مع الأنوار لين النور زاد
وأنا مع الترحيب أثني ومحمود=ترحيبتي عن لابتي عز وعتاد
يامرحبا ترحيبةن مثل الورود=اللي لها تعبير عن حب ووداد
يامرحبا ترحيب من ورث الجدود=إعداد مانسنس نسانيس البراد
يامرحبا بالكل ربعي والوفود=ترحيبةن تثنى وتربع باعتماد
في ديرتن من يوم حكم آل السعود=وحنا نسوق الرجل مع دربن سناد
في ظل شيخن باذلن كل الجهود=لجل التميز والتطور والسداد
في ظل أبن زايد لعله فالوجود=وعساه طيب كلما هالعيد عاد
الليل طاب ونوره الساطع يزود=ليلة عياد الله يطيب هالعياد
عيدين في ليله بفضل اللي يجود=والله يجعل هالليالي فازدياد
عيد وفرح بالفطر ياجعله يعود=والعيد الآخر حفل مروين الحداد
ليلة زواج الشبل من هاك الأسود=يومن من أيام الفرح جعله يعاد
أقولها والناس لأقوالي شهود=عيدن توسط عيد بالعلم الوكاد
ومن بعدها مادام في صدري حشود=امعسكراتن تنتظر طق الزناد
تجول في صدري مثل جول الجنود=اللي امعده للحرايب والجهاد
لكنهن امحملاتن بالعهود=مثل الحمام الزاجل اللي مايصاد
مضمونها التبريك من قلبن ودود=تشيلها اجنود المشاعر باجتهاد
وتحطها لك يابن عمي بالركود=هديةن مني وأنا لك بالمراد
معها المنى بالعز والخير العمود=يومن طيب الأصل يبقالك شداد
مبروك يابن العم جعلك فالوجود=لك ياسند يامحزمي وقت الهجاد
قصيدة ( وقـــت الامــــطـــــار )
قالو جديدك فالقصايد والأشعار=قلت الجديد اللي فتلته باقوله
آخر قصيدي والسعد وقت الامطار=من مزنةٍ هلت ولاهي عجوله
وسميةٍ هلت على كل الاقطار=مافيه وادي غير زادت سيوله
فيها البروق تلوح وتسر الانظار=وبلٍ من القبله تراهش ثعوله
من عقبها لعلنا في رجا خار=وعسى بركات المطر مع حلوله
لعلها رحمه بعد صار ماصار=وكل الوطن ينبت بعرضه وطوله
من كل نبت الله يعجل بالأذكار=نبتن يغطي كل رجلٍ وزوله
الريح يجذب من على جالها سار=ويدوره لو كان ماهوب دوله
يشرح صدور أهل المعارف والأشوار=نقا الهوى اللي قدرة الله تطوله
يالله تتم بخير ونشوف الأزهار=وتشبع جميع الماشية لين حوله
قصيدة (عــــــــبـــــــــاره عــــــــبــــــــــاره )
ياسامعن قولي عباره عباره=قول(ن) منزه مايجي فيه تزوير
قول(ن) يبا يجلا الظلام بأناره=في وقتنا اللي كل الأوصاف به غير
وقت(ن) به العربان مثل العماره=اللي تبا مع طايل الوقت تغيير
لاطال عمر البيت يتعب جداره=خص(ن) إليا كثرت عليه الأعاصير
ياشين طبع الخلق عقب التجاره=فقرانهم يذوق عسر وتعازير
ماعاد تلقى فالخلايق نعاره=كلن بحاله في جميع التعابير
أنا درست أطباعهم بالشطاره=ثم اختبرت أحوالهم بالمعايير
تسعين بالميه نتاج اختباره=لقيتهم ماينكرون المناكير
ورفيقهم لو عز ربعه وجاره=تجيه هجمات اللغاوي مغاوير
تشوفهم بالحكي نمر النماره=وإن جا زمان الفعل راحوا شعاثير
يستقبلون الهرج مثل البشاره=إن كان به هزب ومسبه وتشهير
ويفسرونه بالهوى والقذاره=ويرحلونه يم راع الثراثير
ثم سجلوه بذاكرتهم عياره=مافيه للمشتوم دمح ومعاذير
منهم ترى بالقلب غبن وحراره=حكي القفا جاله مع الوقت تأثير
والطيب اللي ودنا جنب داره=ماله حقوق عند ربع الدنانير
ولو ضرب يمناه بعدوه دماره=ماشاف في هالوقت سمعه وتقدير
ومادام طير البوم كبروا صغاره=تبا تشوف بقادم الوقت تقصير
ومادامت البغضاء بقت فالصداره=ودنيا العنا تمشي على دهنة السير
ومادام قل الدين جاله أشاره=والعاقله فالقوم واهي تدابير
عز الخفوق اللي يشيل الغياره=وقله ترى هالوقت ماعاد به خير
قصيدة (سعود بن مقعد الدهينه )
ياسلام الله سلام(ن) فيه من عطر الزهور=وفيه صدق شعور شاعر للدهينه قالها
ردة(ن) تاجب على المسلم وتلفظ للحضور=للعموم من الرجال الله يطيب بالها
وبعد تسليمي عليكم مالنا غير السرور=الفرح عنوان ليله عالي(ن) منزالها
عقب طاب الشيخ ياطيب الليالي والشهور=مايزين كل صحراء غير عظم جبالها
غردي باليوم كله يابلابل ياطيور=أزعجي بالصوت دار(ن) رحبت بأبطالها
واستمل ياغرس فرحه لين يجلا الليل نور=حفوة(ن) بالشيخ راع الطايله وحبالها
وأعلن الأفراح يانير(ن) عظيم(ن) ومخبور=عقب شيخك عاد متعافي وداره جالها
وأفرحي ياتربة(ن) صانت طويلين الشبور=يوم عود شيخنا اللي كل ذربه طالها
وأفرحوا ياربعه اللي مايقاسيهم دبور=دام فيهم مثله وشرواه طيب فالها
أنت ياسعود الدهينه باني(ن) للمجد دور=وأنت في وسط القبيله من عظيم رجالها
كل ماقمت بقضيه يابن مقعد ماتبور=أنت فكاك النشايب دقها وجلالها
ماثنيت الرجل راحه من قديمات العصور=هم ربعك همك الأول وحالك حالها
وجا برجلك من قساك آلام ونشوفك صبور=ولاتركت اهمومنا من عقب جا اللي جالها
ياعسى ماجالها يابو فهد كسب وأجور=وياعسى ثياب العوافي ضافيه بأطوالها
أنته ابن اللي نقش اسمه على صم الصخور=راعي الفزعات وحمول القبيله شالها
كان ماحطيت فيك الشعر من صادق شعور=وش له أبدع فالقصايد وأطرب بموالها
قصيدة ( يــافــهـــد )
الحال ينحل يافهد والزمن جار=والهم يكبر في حنايا ضلوعي
والعين تدمع كنها وبل الامطار=والجرح ينزف والمحبه تروعي
والحال مامن حال والوقت دوار=وأنا بوقتي عقب شوفه جزوعي
ضربت في بحر الهواجيس مشوار=واستقت فكري مانويت الرجوعي
على الذي زينه جذب كل الانظار=كل البشر لجله تهل الدموعي
زينه هذا طاغي وطايش وجبار=ينزع قلوب أهل المحبه نزوعي
يجعل قلوب الناس بالزين تحتار=يسحر ويقهر بالجفا كل دوعي
في وصف زينه مايوفن الأشعار=لو أوصفه من قمته للخضوعي
لو قلت له عين(ن) سهمها كما النار=اللي كواياها تدامى وتوعي
يجذب هدبها ناضج الفكر وصغار=ومع رسمة الحجان كل(ن) يتوعي
متقادي(ن) من أيمن العين ويسار=أقواس عينينه فريدات نوعي
من رسمته كل البني منه تغتار=تقول رسم اللي بفنه وسوعي
وبين العيون إنزل وتبهرك الأنظار=بشوفة خشم عليه وصف البتوعي
وإن ملت للخدين بالناظر أمرار=منته عن سهومه بقلبك منوعي
مثل الورود الظاهره بين الأزهار=وأخذت سطوع أنوار ضي الشموعي
وإليا نظرت الفم ياكثر الأخطار=جمره على جمره ومبسم لموعي
غير رقبتها وعمرها بين الأعمار=لو شفت مثله يمكن أحب كوعي
ياوجد حالي سبته وجد منهار=اللي يئس من وصل خل(ن) قطوعي
يقعد وحيد ولا تكلم بالأسرار=يهل دمعه هل من جاه جوعي
أقولها وأنا على الهم صبار=واللي بلاه الحب ماهو متوعي
قصيدة ( يامــنــــوة الـــــــروح )
يازين ياغالي ويامنوة الروح =ياجارحن قلبي بشلفن حدادي
ارفق على قلبن معذب ومجروح =هون تراني عفت شربي وزادي
ماتدري ان الدمع يازين مسفوح =ودموع عيني فيضت كل وادي
في مامضى يوم الوصل كان مسموح =تنشد عليه ماتحب العنادي
وليا زعلت تضيق وتبعد الشوح =وتراضي الزعلان لو كان غادي
وتونس المضيوم باللطف والبوح =عن كل مافي خاطرك من ودادي
واليوم عني رحت مبعد ومنزوح =من سبة العذال وأهل الدوادي
لاناحت الورقا تذكرت وانوح =لأنك هوى قلبي وغاية مرادي
مالوم قلبي فيك يامعذب الروح =لأنك وزين الروح مانته بعادي
فالصبح اهوجس بك وفالليل مطروح =والقلب من فرقاك عاف الرقادي
من كثر حبك صرت يازين مفضوح =أزريت أكن الحزن وسط الفؤادي
بس أتوجد والتوجاد مشروح=مادام وجدي لجل طرياك شادي
وأقول ياوجدي توجاد مشفوح=لاشاف مال أهل الوفا فازدياي
أو وجد حالي وجد عود(ن) له اصروح =اصروح مجد(ن) ماغشاها سوادي
نتاج عمره عودت لوح في لوح =من عقب عولمة الفضا والروادي
ماعاد ينظرله بعد كان مشبوح=نسيوا فعوله يوم وقت الهدادي
عليك ياللي سبتك صرت مذبوح =مذبوح فكري يوم بعدك هجادي
قصيدة ( الشعر ورثٍ للجدود )
ابدا بذكر الخالق اللي مالكن ما فالوجود=باسط سبع رافع سبع الواحد الرب الغفور
من بعدها ياهاجسي اسبح بحر وابذل جهود=والبحر عومه واضربه خلك كما السيل الحدور
انقا جزل واترك هزل ونسى تحدر وارقى سنود=واتعب على شان الدرر في وسط غبات البحور
وإن كان ماجبت الذي دايم على بالي ترود=قلنا بلاش من الشعر والهاجس اللي فالصدور
الشعر ورثن للجدود وعشت ياورث الجدود=دام انت لفنون العرب مقصد ومرسى ماتبور
لكن جاه اللي بلاه وصار لايمكن يزود=نقصه ترى بأسبابهم دايم على طول الشهور
ناس(ن) تحسب اصياغته هرج(ن) سهل من دون فود=ولادروا إنه درر ماحافها ناقص شعور
وألا مع اللي مثلك وشرواك نلقاله ورود=وإليا بغى الفزعه عليهم فأنت من ضمن الحضور
ياليت تقييمه يجي من شايب(ن) عنده سدود=مؤمن وعادل مايعرف الميل رجال(ن) وقور
حتى تحط الناس بين الهزل والجزله حدود=واللي يجيب الجزل تلقى بصمته ضمن السطور
وراع الهزيل اللي كثر ماعاد نلقاله وجود=وإن كان يبغى الجزل يسمع من طويلين الشبور
قصيدة ( مافيه شيء يهمني وقت الوسوم وحلها )
مافيه شي يهمني وقت الوسوم وحلها=ألا علوم الغيث وعلوم الحيا اللي تقتفيه
ولافيه شي(ن) يشرح الخطر ويبعد غلها=مثل التمشي فالمروج الخضر واللي تحتويه
من عقب مزن(ن) سيلت من حين ربي هلها=على الديار اللي قليبي من هواها تكتويه
اللي ولدت ابها ولا يمكن بيوم أملها=دار(ن) فريدة وصف ماتلقى لها دار(ن) شبيه
ويزيد حب الدار عندي فالمطر وأفلها=في مجلس(ن) من حوله الغدران ورجال تبيه
منظر طبيعي تعشقه كل الخلايق كلها=أشم فيه أنقى هوى ولايلام اللي يجيه
هذا طراة العمر وأهل العرف هذا دلها=واللي هذا ماهو هواه يعيش بالدنيا سفيه
ولابه خبر يجلب حشود المعرفه وأهل(ن) لها=ألا خبر شفاك يامطيلق وجيت أقول فيه
لعل ماصابك يخفف من ذنوبك جلها=والمقبل من أيامنا ثوب العوافي تكتسيه
سلامتك يابن الرجال اللي هذا محلها=والله عن اصدوف الزمن ياقا مثيلك ويحميه
قصيدة (الطريق الجرهدي )
الله من قلبً عبر هاك الطريق الجرهدي=طال الطريق الجرهدي ولاوصلت نهايته
سرى مع الدرب الصحيح وكل ليله سرمدي=وبان النهار ولاوصل قلبي مناه وغايته
احيان دوبي بالمشي واحيان اهرول واعدي=أجدد اعزومي مدام ان النوايا بايته
فالدرب اسلي خافقي بالصوت لاجيت اقصدي=واحيان اسولف بالعقل مع خافقي وحكايته
ومنهو عرف دربي ترى عارف وشنهو مقصدي=مادام في دربي وصوف البعد ماهي فايته
درب الهوى يومي مشيته ماهنيت ابمرقدي=بأسباب غرون حط قلبي شارتً لرمايته
قصيدة (وقتٍ مضى)
يالله وأنا طالبك عذنا ياكريم أمن الدبور=عقب الذي جانا من الأصحاب واللي نسمعه
أثر العرب مثل القرب مع طيلة المده تبور=الشق فيها لاكبر ماينرقع لو ترقعه
واللي حداني يم علمي ذاه وقفات الشعور=يوم أختلف عندي وصوف أحلى الفصول الاربعه
أشوف لي ناسً تحب الهرج من خلف الظهور=تظن في تظهير عثرات الاصاحب منفعه
هم مادروا أن التفرق أول أسباب الحدور=مثل السفينه ماتسير ألا بوجود الأشرعه
الله ياوقتً مضى فيه السوالف ماتدور=وقلوب خلق الله نظيفه بالحيا متشبعه
ليته يعود اليوم لجل الذيل مايرقا الصدور=والرأس يبقى رأس مهما طال وقت الزوبعه
مع تمنياتنا للشاعر محمد بن غازي النخيش التوفيق
أخوكم..أبو مرحبا
اخواني الاعزاء أعضاء منتدى قبيلة عتيبه الهيلا
هنا أضع بين أيديكم ديوان لشاعر المحاورة الشاب محمد بن غازي النخيش
أتمنى ان تنال على أعجابكم
قصيدة ( ياسعد من ربعي له افزوع واعوان )
عز الله إن الكل ذربين الأيمان=ما قصروا من يحتمون التوالي
قاموا مقامن ماتعادله الأثمان=والرأس من مقام الأبطال طالي
حتى قليل المال ماقال فقران=يوم احتمى الميقاف داس الريالي
ما ألحق جزاء اللي شانهم عندنا شان=مقدارهم بين النجوم العوالي
أقول شوفوا فعلهم بينكم بان=ياأهل النظر ياللي تبون المعالي
رجلن بليا ربع لاشك ينهان=يقولها اللي ذاق مرن وحالي
وربعي عتيبة للعلا دوم عنوان=زبن الدخيل اللي من الهم جالي
ذباحة الحايل معازيب ضيفان=لطامة العايل بليا جدالي
خويهم لامن وجه الزمن شان=كن الزمن عليه ماقط مالي
ياسعد من ربعي له افزوع وأعوان=أنا أشهدنه طاب فاله وفالي
قصيدة ( سلطان ياسلطان جعل المرض زال ...)
من فيض حبٍ داخل القلب يجتال=أسوق تعبيرٍ رفيع المقامي
يوم البشاره جابها كل جمال=ششنا فرح والكل فل الحزامي
أطلق رصاصٍ فالسما يشعل اشعال=من شأن راع شدادها والمسامي
اللي بنا صيته ومجده ولا مال=دايم على الذربه غزير احترامي
سلطان ياسلطان جعل المرض زال=بإذن الكريم العافيه لك دوامي
ياحرٍ بفعله كما السيل شيال=سيله على روس الضلاعين طامي
إليا مشى سيله من الجال للجال=كلن سمع به وأرتوى كل ضامي
يفرح به اللي خايله بأي الأحوال=اللي بعد فرقاه صابه هيامي
وتفرح به أم لليتامي والأطفال=يوم إن خيره عمهم بالأسامي
ويفرح به اللي صار للحزن عيال=عقب المرض سلط عليه الحسامي
ويفرح به اللي صار للدين كيال=له فزعةٍ من ذاقها مايضامي
أنا أشهد إنه نور للشعب بتال=والكل عانه يحتري له سلامي
شف الشعب شفي ولا نيب محتال=وتقبيل يمناه الكريمه مرامي
قصيدة (سيمت بأسم اللي له الخلق يرجون)
سميت باسم اللي له الخلق يرجون=في مبتدا قول(ن) منقيه بالحيل
باسم الله الجايد على اللي يجودون=رب(ن) كريم ولايبا كود تهليل
وسلام سلم إسلام بالحفظ والصون=على الحضور اللي لفونا مقابيل
ويامرحبا" فيكم وأهلا(ن) وتحيون=عن لابة(ن) ميقافها يضوي الليل
ويامرحبا فيكم عساكم تدومون=ترحيبة أهل الباديه بالهماليل
ويامرحبا مليون في دف مليون=باللي علشانه عزمنا الرياجيل
ترحيب في ترحيب بالعود مقرون=يامرحبا بسعود نسل المشاكيل
لو نذبح الذيدان لا مايكفون=ماتوفي بحق الرجال الحلاحيل
ويامرحبا بأهل الوفا يوم يأتون=عند المحل اللي كثير المداهيل
تسمع هلا مع مرحبا يوم يلفون=وقبل الكرامه ريحة الطيب والهيل
يامرحبا عداد ناس(ن) يحجون=وأيضا" عدد ماجرح الوادي السيل
وإعداد سجد مسلمين(ن) يصلون=يوم الصلاه كتاب مافيه تأجيل
وإعداد مال(ن) يدفعه من يزكون=على فقير(ن) ذايق الشر والويل
وإعداد من للفرض دايم يصومون=وإعداد من يبدع حسين التماثيل
وإعداد نور الصبح لانور الكون=للي معه يوم(ن) جديد المحاصيل
وإعداد ماض أيام وشهور وسنون=وإعداد ماتمطر حقوق المخاييل
وإعداد مايسطع نجوم(ن) لها بون=في صحصح(ن) يازين فيه التعاليل
يامرحبا مادام للهرج مضمون=ترحيب وافي في جميع المكاييل
في ديرة محمد ولد زايد العون=عوين راع الحق مايقبل الميل
شيخ(ن) يجله من حوى رأس وعيون=شيخ(ن) بوصفه يعجز القال والقيل
قصيدة ( الـــــــــــــذود)
أنا ليا منه دخل بالي الضيق=والصدر ضيق من جميع النواحي
وتفككن أبواب كانن مغاليق=وقامت تلاعبها هبوب الرياحي
دقيت سلف اللي يهوم الشواهيق=جيبٍ على قطع الصعيبات صاحي
وسقته لروضٍ بان فيه الزماليق=عشبه ليا جاء حزة عصير فاحي
ترعى به اللي يتعبن الملاحيق=ذودن سموح ولاضرا بالمراحي
مالملموه أهل العقول المطافيق=في حكمة رجالٍ بعاد الشباحي
يزهونها لاحلق الصوت تحليق=من حولهنه والطبايع املاحي
ويزهن صوته باستجابه وتوفيق=وتقبل لصوته مثل زرق الرماحي
ذودن ذهب ماحط جوف الصناديق=وراعيه ذكره شاع بأجمل وشاحي
من صبح ربه عندهن فكة الريق=وإليا حصل مجلاس قومن اصحاحي
ومن حولهم ضو ودلالٍ مدانيق=فنجالهن لعماسة الرأس ماحي
وسوالفن تشرح صدورن مخانيق=مثايلن لأهل النمايم اتناحي
وإليا انتهى المجلاس فالذود تحديق=عيونهم مابين حيل ولقاحي
وتقود ذوده بأمر صوته بتدقيق=على هوى الراعي تجيب النجاحي
ولهن عشية طيحة الشمس تبريق=بصوتٍ يناديهن بوصفن سماحي
وصفن تسمون به وقوف ومحاليق=إليا ذكرته بالهن فانشراحي
آدابهن بأجابة الإسم توثيق=حقيقةٍ ماجت خيال ومزاحي
هذاه شفي يالقلوب المشافيق=يزيل همي كالطبيب الجراحي
قصيدة ( يالله عساني بالشهر فايدٍ فيد .. عفوك وغفرانك وزول النكايد )
ماباقي ألا خمسة ليال توكيد=ويقفي رمضان ونبتدي بالمعايد
يالله عساني بالشهر فايدن فيد=عفوك وغفرانك وزول النكايد
حتى لاحل العيد بالناس والبيد=نفرح فرح مسلم يعرف العوايد
والعيد عقب الصوم ياجعله سعيد=وعزي لمن قدمه يكبر وسايد
قلته وكلن يأخذ العلم ويزيد=يالين يأتي من يجيب الجدايد
ذكر فإن التذكرة دايم تفيد=للمؤمن اللي مع عقيدته سايد
دينه على دين النبي ماهو يحيد=يبغى الجزاء من رب كل البدايد
ينشد من الله رحمة مالها قيد=تضفي عليه ولاتخيب النشايد
وأنا معه على النقا والتفاريد=أطلب من الله في تمام الحمايد
وأذكر إخواني بما أقدره وأجيد=ويالله عساني بالفريدات جايد
قصيدة (والله لبطي وقلبي من فراقك يلوع) مرثيه في الشيخ محمد بن زايد رحمه الله
طاح ابن زايد وقلنا يالعزيز الدفوع=ادفع صواديف دنيا" كم تحلويتها
سبعة شهورن كئيبه تمتطيها الطموع=وأخبار هالكون لو تنقال ماأوحيتها
أبحث عن أخبار راع الطايله والنفوع=اللي يحل المشاكل في تواقيتها
لاحل طاريه فالمجلس صغيت السموع=لعل أملنا بعافيته عمر بيتها
ندعي جزيل العطا رب المنوع الجزوع=يشفيه وأم العباير فيه كنيتها
واليوم جانا الخبر يقول ماله رجوع=ياللي أمل عودته مثلي تحريتها
اليوم يوم الأحد جانا بعلمن يروع=يقول مات الذي نفسه علا صيتها
شيخن ملك طيباتن من فريد الطبوع=لو أذكر أوصاف شيخ العز ماأحصيتها
شيخن ركن هز بفراقه جميع الجموع=اللي تعزوا بمثله في مباخيتها
شيخن فقيدة جميع الناس قبل الربوع=من طيب فعله دموع الحزن هليتها
خيم علينا من الاحزان حزن صفوع=وبحور الاحزان من فرقاه طبيتها
ياكبر وقعه علينا جوف حدب الضلوع=كن الوسيعات يم الضيق لديتها
ضاقت وساع الصدور وبان ذرف الدموع=ومن هول فرقاه كل الناس مليتها
وشلون ماياقع بفرقاه جل الصدوع=اللي يفتت كيانن صعب تفتيتها
مرحوم ياشيخنا اللي بالمراجل شيوع=يمناك بالطيب كم وكم مديتها
أنا أشهدنك بنيت العز بنين منوع=قولن ذكرته وعند الناس تثبيتها
والله لبطي وقلبي من فراقك يلوع=والله من دمعة طاحت ومشيتها
الله يجعل جزاء فعل اليمين البتوع=جنات عدنن بفعل الخير ناديتها
قصيدة (ولايفلح الساحر)
سلامي سلامن ممتلي حشمة وتقدير=على اللي حضر نثنيه مافيه مزهافي
سلامن نقي من قلب من وده التبصير=أقوله نيابه وأتشرف بميقافي
نيابه عن اللي مايجي منهم التقصير=هل المكتب اللي فعلهم دايما" وافي
سعوا لأجل يجمع ملتقانا رجال الخير=وبانت برامجهم على كل مشرافي
ومادامني واقف نيابه ولي تفكير=هلا مرحبا ترحيبةن خيرها ضافي
هلا بالضيوف اللي سمر حبهم تسمير=على لوحةن بالقلب تقرأ للأشرافي
وهلا براعي الحفله ملبى بلا تأخير=حضوره جعل للمتلقى نورن يشافي
هلا والف ترحيبة كما ضو شمس عصير=ولا دونها غيمه ولا دونها سافي
يجي للشعاع اللي لها وسط جم البير=تناوير لو طالت وزادت بالأوصافي
هلا وألف ترحيبة تجيكم كما التبشير=يبشر نباها من تعشم بالأعرافي
وهلا ياهل الوقفات والعرف والتفسير=تفسر علوم الدين للجاهل الغافي
يجي بعدها كيفن على هيله امسيمير=يزيل العماس اللي على الرأس متقافي
تحت ضيفة أهل البل رجالن عطاها غير=نباهم قبل ذبح الذبايح ترى كافي
وهلا مرحبا واعداد طير صدح للطير=وعدد وبل غيثن جايله صوت وهتافي
على الملتقى اللي يعجز بوصفه التعبير=وكلن لعنوانه بلا شك لهافي
ولا يفلح الساحر ولو مابغاه يصير=قفيه عذاب الله مع شره الخافي
قصيدة ( أخـــو هــــمــــــلا )
سلام تسليمة وفا ياأهل النقا اللي مستديم=اللي صدى بصماتهم تبقى على موالها
سلام ياكل الرجال اللي لهم وصفن عديم =حرار قومن ربت بطيب الفعول اعيالها
سلام يابن فهيد يالنادر ويانسل الكريم=ياللي تحل المشكلات ادقاقها وجلالها
راعي معاميلن عطاها حقها بوقتن قديم=ومازال فعله لين وقت اليوم في منوالها
يشيل حملن مايشيله غير رجالن عظيم=شيال هم اهله وناسه والعرب في حالها
سلام يافيحان بن هذال يالفعل المقيم=إعداد مزنن لاح براقه وخلت اخيالها
من عالية نجد المسمى جيتك أزمه زميم=علمن بصدرن عارف المطلاع من مدخالها
امذربه عن راعي القالات والرأي الغشيم=متوجهن يمك ونفسي حاشمن منزالها
جيتك وأنا طامح بعد ماصرت من وقتي امضيم=في جاهة اللي مايخيب اللي نزل في جالها
سلسلت طيبن وارثه لعيالك بعرفن سليم=حتى مشوا بنهج الجدود امسندين أشبالها
وسعوا لفعل الطيبه حيث الكريم ابن الكريم=يسعى لفعل جدوده اللي طابقت لأقوالها
أنته من عيال أخو هملا راعي الصيت المقيم=فعله غني عن مدحنا بقصارها وطوالها
ماأشكي همومي غير للي كل شين به عليم=ربن يعرف الخافيه ويحل ذنب رجالها
ولاباح سدي يوم وقتي مودعن قلبي سقيم=ألا لراع الوافيات أعدها وأبرالها
أعدها من عرفنا لك يوم لك فكرن حكيم=ماخفت شمتك عارفن طبع الشيوخ وفالها
وقتي حداني يمة أقصايه وعن غيرك يشيم=تنامت أسباب الهموم اللي سرا جمالها
ودورت بيبان المراجل وأدعي الرب الرحيم=ولقيتها قدمي تصك أبوابها بأقفالها
وقالوا لي ابحث عن فريد الوصف رجالن عديم=شيخن يعدل المايله والكايده يرقى لها
نسل الرجال اللي على درب المعالي تستقيم=يمكن تفوز بفزعته وأمثالها وأمثالها
وطرا علي اللي على العليا له العزم الصميم=اللي على الطاله عسف نفسه وحط إرحالها
والعلم يمك ياطلال الوقت في وجهي كظيم=وأنا امتيقن من وفا اللي كل ذربه طالها
أبغى الجماله من كريمن يملك القلب الحميم=وأطمع بخوتكم عساني أستحق أسعى لها
وجمالة اللي مثلكم كالقايده في جول ريم=أكبر شرف للي تبعها لين جا مشتالها
قصيدة ( وقت يشيب الورع في سن الفطام )
البارحة والناس في حلوالمنام=عيني سهيرة ماهنت في نومها
أجاذب الونات وضلوعي حطام=تشب فيها النار حسب اهمومها
وأنا همومي زودت في السقام=ماغير أحايلها على منظومها
ماهوب من خلٍ ذبحني بالغرام=وأركا على كبدي وزاد اوسومها
من هالزمن يومه عرض لي بالسهام=شف حالتي من صكته مالومها
وقتٍ يشيب الورع في سن الفطام=كيف الرجال اللي جزال اعلومها
تغيرت فيه المفاهيم العظام=وضاعت تقاليد العرب وسلومها
شوفوا معالم وقفتي مثل الغمام=اللي رياح الوقت ضد اقدومها
تلفها لفه وتودعها ركام=وتغيب مايبقى ولو ارسومها
وقتٍ رياحه ضد عالين المقام=تنفض جزيل العرف لين يرومها
من برق بوقته ويطمح بالسنام=يعذر منه من عقب وقع اسهومها
ماهيب إله للي يخالف فالنظام=ونفسه على درب البلاسه هومها
حزنت لجل اللي طموحه للأمام=اللي على الطاله لحم ملحومها
واليوم في وجهه تعكر وانقسام=بعد الخلايق غيرت مفهومها
قصيدة ( سلام تسليمٍ بلا رسم وحدود )
سلام تسليمن بلا رسم وحدود=مثل المطر لاعم في كل البلاد
سلامن أغلى من ملايين النقود=حصاد سلمن مايجي مثله حصاد
للي حضر حفلن تراحيبه وقود=شبت مع الأنوار لين النور زاد
وأنا مع الترحيب أثني ومحمود=ترحيبتي عن لابتي عز وعتاد
يامرحبا ترحيبةن مثل الورود=اللي لها تعبير عن حب ووداد
يامرحبا ترحيب من ورث الجدود=إعداد مانسنس نسانيس البراد
يامرحبا بالكل ربعي والوفود=ترحيبةن تثنى وتربع باعتماد
في ديرتن من يوم حكم آل السعود=وحنا نسوق الرجل مع دربن سناد
في ظل شيخن باذلن كل الجهود=لجل التميز والتطور والسداد
في ظل أبن زايد لعله فالوجود=وعساه طيب كلما هالعيد عاد
الليل طاب ونوره الساطع يزود=ليلة عياد الله يطيب هالعياد
عيدين في ليله بفضل اللي يجود=والله يجعل هالليالي فازدياد
عيد وفرح بالفطر ياجعله يعود=والعيد الآخر حفل مروين الحداد
ليلة زواج الشبل من هاك الأسود=يومن من أيام الفرح جعله يعاد
أقولها والناس لأقوالي شهود=عيدن توسط عيد بالعلم الوكاد
ومن بعدها مادام في صدري حشود=امعسكراتن تنتظر طق الزناد
تجول في صدري مثل جول الجنود=اللي امعده للحرايب والجهاد
لكنهن امحملاتن بالعهود=مثل الحمام الزاجل اللي مايصاد
مضمونها التبريك من قلبن ودود=تشيلها اجنود المشاعر باجتهاد
وتحطها لك يابن عمي بالركود=هديةن مني وأنا لك بالمراد
معها المنى بالعز والخير العمود=يومن طيب الأصل يبقالك شداد
مبروك يابن العم جعلك فالوجود=لك ياسند يامحزمي وقت الهجاد
قصيدة ( وقـــت الامــــطـــــار )
قالو جديدك فالقصايد والأشعار=قلت الجديد اللي فتلته باقوله
آخر قصيدي والسعد وقت الامطار=من مزنةٍ هلت ولاهي عجوله
وسميةٍ هلت على كل الاقطار=مافيه وادي غير زادت سيوله
فيها البروق تلوح وتسر الانظار=وبلٍ من القبله تراهش ثعوله
من عقبها لعلنا في رجا خار=وعسى بركات المطر مع حلوله
لعلها رحمه بعد صار ماصار=وكل الوطن ينبت بعرضه وطوله
من كل نبت الله يعجل بالأذكار=نبتن يغطي كل رجلٍ وزوله
الريح يجذب من على جالها سار=ويدوره لو كان ماهوب دوله
يشرح صدور أهل المعارف والأشوار=نقا الهوى اللي قدرة الله تطوله
يالله تتم بخير ونشوف الأزهار=وتشبع جميع الماشية لين حوله
قصيدة (عــــــــبـــــــــاره عــــــــبــــــــــاره )
ياسامعن قولي عباره عباره=قول(ن) منزه مايجي فيه تزوير
قول(ن) يبا يجلا الظلام بأناره=في وقتنا اللي كل الأوصاف به غير
وقت(ن) به العربان مثل العماره=اللي تبا مع طايل الوقت تغيير
لاطال عمر البيت يتعب جداره=خص(ن) إليا كثرت عليه الأعاصير
ياشين طبع الخلق عقب التجاره=فقرانهم يذوق عسر وتعازير
ماعاد تلقى فالخلايق نعاره=كلن بحاله في جميع التعابير
أنا درست أطباعهم بالشطاره=ثم اختبرت أحوالهم بالمعايير
تسعين بالميه نتاج اختباره=لقيتهم ماينكرون المناكير
ورفيقهم لو عز ربعه وجاره=تجيه هجمات اللغاوي مغاوير
تشوفهم بالحكي نمر النماره=وإن جا زمان الفعل راحوا شعاثير
يستقبلون الهرج مثل البشاره=إن كان به هزب ومسبه وتشهير
ويفسرونه بالهوى والقذاره=ويرحلونه يم راع الثراثير
ثم سجلوه بذاكرتهم عياره=مافيه للمشتوم دمح ومعاذير
منهم ترى بالقلب غبن وحراره=حكي القفا جاله مع الوقت تأثير
والطيب اللي ودنا جنب داره=ماله حقوق عند ربع الدنانير
ولو ضرب يمناه بعدوه دماره=ماشاف في هالوقت سمعه وتقدير
ومادام طير البوم كبروا صغاره=تبا تشوف بقادم الوقت تقصير
ومادامت البغضاء بقت فالصداره=ودنيا العنا تمشي على دهنة السير
ومادام قل الدين جاله أشاره=والعاقله فالقوم واهي تدابير
عز الخفوق اللي يشيل الغياره=وقله ترى هالوقت ماعاد به خير
قصيدة (سعود بن مقعد الدهينه )
ياسلام الله سلام(ن) فيه من عطر الزهور=وفيه صدق شعور شاعر للدهينه قالها
ردة(ن) تاجب على المسلم وتلفظ للحضور=للعموم من الرجال الله يطيب بالها
وبعد تسليمي عليكم مالنا غير السرور=الفرح عنوان ليله عالي(ن) منزالها
عقب طاب الشيخ ياطيب الليالي والشهور=مايزين كل صحراء غير عظم جبالها
غردي باليوم كله يابلابل ياطيور=أزعجي بالصوت دار(ن) رحبت بأبطالها
واستمل ياغرس فرحه لين يجلا الليل نور=حفوة(ن) بالشيخ راع الطايله وحبالها
وأعلن الأفراح يانير(ن) عظيم(ن) ومخبور=عقب شيخك عاد متعافي وداره جالها
وأفرحي ياتربة(ن) صانت طويلين الشبور=يوم عود شيخنا اللي كل ذربه طالها
وأفرحوا ياربعه اللي مايقاسيهم دبور=دام فيهم مثله وشرواه طيب فالها
أنت ياسعود الدهينه باني(ن) للمجد دور=وأنت في وسط القبيله من عظيم رجالها
كل ماقمت بقضيه يابن مقعد ماتبور=أنت فكاك النشايب دقها وجلالها
ماثنيت الرجل راحه من قديمات العصور=هم ربعك همك الأول وحالك حالها
وجا برجلك من قساك آلام ونشوفك صبور=ولاتركت اهمومنا من عقب جا اللي جالها
ياعسى ماجالها يابو فهد كسب وأجور=وياعسى ثياب العوافي ضافيه بأطوالها
أنته ابن اللي نقش اسمه على صم الصخور=راعي الفزعات وحمول القبيله شالها
كان ماحطيت فيك الشعر من صادق شعور=وش له أبدع فالقصايد وأطرب بموالها
قصيدة ( يــافــهـــد )
الحال ينحل يافهد والزمن جار=والهم يكبر في حنايا ضلوعي
والعين تدمع كنها وبل الامطار=والجرح ينزف والمحبه تروعي
والحال مامن حال والوقت دوار=وأنا بوقتي عقب شوفه جزوعي
ضربت في بحر الهواجيس مشوار=واستقت فكري مانويت الرجوعي
على الذي زينه جذب كل الانظار=كل البشر لجله تهل الدموعي
زينه هذا طاغي وطايش وجبار=ينزع قلوب أهل المحبه نزوعي
يجعل قلوب الناس بالزين تحتار=يسحر ويقهر بالجفا كل دوعي
في وصف زينه مايوفن الأشعار=لو أوصفه من قمته للخضوعي
لو قلت له عين(ن) سهمها كما النار=اللي كواياها تدامى وتوعي
يجذب هدبها ناضج الفكر وصغار=ومع رسمة الحجان كل(ن) يتوعي
متقادي(ن) من أيمن العين ويسار=أقواس عينينه فريدات نوعي
من رسمته كل البني منه تغتار=تقول رسم اللي بفنه وسوعي
وبين العيون إنزل وتبهرك الأنظار=بشوفة خشم عليه وصف البتوعي
وإن ملت للخدين بالناظر أمرار=منته عن سهومه بقلبك منوعي
مثل الورود الظاهره بين الأزهار=وأخذت سطوع أنوار ضي الشموعي
وإليا نظرت الفم ياكثر الأخطار=جمره على جمره ومبسم لموعي
غير رقبتها وعمرها بين الأعمار=لو شفت مثله يمكن أحب كوعي
ياوجد حالي سبته وجد منهار=اللي يئس من وصل خل(ن) قطوعي
يقعد وحيد ولا تكلم بالأسرار=يهل دمعه هل من جاه جوعي
أقولها وأنا على الهم صبار=واللي بلاه الحب ماهو متوعي
قصيدة ( يامــنــــوة الـــــــروح )
يازين ياغالي ويامنوة الروح =ياجارحن قلبي بشلفن حدادي
ارفق على قلبن معذب ومجروح =هون تراني عفت شربي وزادي
ماتدري ان الدمع يازين مسفوح =ودموع عيني فيضت كل وادي
في مامضى يوم الوصل كان مسموح =تنشد عليه ماتحب العنادي
وليا زعلت تضيق وتبعد الشوح =وتراضي الزعلان لو كان غادي
وتونس المضيوم باللطف والبوح =عن كل مافي خاطرك من ودادي
واليوم عني رحت مبعد ومنزوح =من سبة العذال وأهل الدوادي
لاناحت الورقا تذكرت وانوح =لأنك هوى قلبي وغاية مرادي
مالوم قلبي فيك يامعذب الروح =لأنك وزين الروح مانته بعادي
فالصبح اهوجس بك وفالليل مطروح =والقلب من فرقاك عاف الرقادي
من كثر حبك صرت يازين مفضوح =أزريت أكن الحزن وسط الفؤادي
بس أتوجد والتوجاد مشروح=مادام وجدي لجل طرياك شادي
وأقول ياوجدي توجاد مشفوح=لاشاف مال أهل الوفا فازدياي
أو وجد حالي وجد عود(ن) له اصروح =اصروح مجد(ن) ماغشاها سوادي
نتاج عمره عودت لوح في لوح =من عقب عولمة الفضا والروادي
ماعاد ينظرله بعد كان مشبوح=نسيوا فعوله يوم وقت الهدادي
عليك ياللي سبتك صرت مذبوح =مذبوح فكري يوم بعدك هجادي
قصيدة ( الشعر ورثٍ للجدود )
ابدا بذكر الخالق اللي مالكن ما فالوجود=باسط سبع رافع سبع الواحد الرب الغفور
من بعدها ياهاجسي اسبح بحر وابذل جهود=والبحر عومه واضربه خلك كما السيل الحدور
انقا جزل واترك هزل ونسى تحدر وارقى سنود=واتعب على شان الدرر في وسط غبات البحور
وإن كان ماجبت الذي دايم على بالي ترود=قلنا بلاش من الشعر والهاجس اللي فالصدور
الشعر ورثن للجدود وعشت ياورث الجدود=دام انت لفنون العرب مقصد ومرسى ماتبور
لكن جاه اللي بلاه وصار لايمكن يزود=نقصه ترى بأسبابهم دايم على طول الشهور
ناس(ن) تحسب اصياغته هرج(ن) سهل من دون فود=ولادروا إنه درر ماحافها ناقص شعور
وألا مع اللي مثلك وشرواك نلقاله ورود=وإليا بغى الفزعه عليهم فأنت من ضمن الحضور
ياليت تقييمه يجي من شايب(ن) عنده سدود=مؤمن وعادل مايعرف الميل رجال(ن) وقور
حتى تحط الناس بين الهزل والجزله حدود=واللي يجيب الجزل تلقى بصمته ضمن السطور
وراع الهزيل اللي كثر ماعاد نلقاله وجود=وإن كان يبغى الجزل يسمع من طويلين الشبور
قصيدة ( مافيه شيء يهمني وقت الوسوم وحلها )
مافيه شي يهمني وقت الوسوم وحلها=ألا علوم الغيث وعلوم الحيا اللي تقتفيه
ولافيه شي(ن) يشرح الخطر ويبعد غلها=مثل التمشي فالمروج الخضر واللي تحتويه
من عقب مزن(ن) سيلت من حين ربي هلها=على الديار اللي قليبي من هواها تكتويه
اللي ولدت ابها ولا يمكن بيوم أملها=دار(ن) فريدة وصف ماتلقى لها دار(ن) شبيه
ويزيد حب الدار عندي فالمطر وأفلها=في مجلس(ن) من حوله الغدران ورجال تبيه
منظر طبيعي تعشقه كل الخلايق كلها=أشم فيه أنقى هوى ولايلام اللي يجيه
هذا طراة العمر وأهل العرف هذا دلها=واللي هذا ماهو هواه يعيش بالدنيا سفيه
ولابه خبر يجلب حشود المعرفه وأهل(ن) لها=ألا خبر شفاك يامطيلق وجيت أقول فيه
لعل ماصابك يخفف من ذنوبك جلها=والمقبل من أيامنا ثوب العوافي تكتسيه
سلامتك يابن الرجال اللي هذا محلها=والله عن اصدوف الزمن ياقا مثيلك ويحميه
قصيدة (الطريق الجرهدي )
الله من قلبً عبر هاك الطريق الجرهدي=طال الطريق الجرهدي ولاوصلت نهايته
سرى مع الدرب الصحيح وكل ليله سرمدي=وبان النهار ولاوصل قلبي مناه وغايته
احيان دوبي بالمشي واحيان اهرول واعدي=أجدد اعزومي مدام ان النوايا بايته
فالدرب اسلي خافقي بالصوت لاجيت اقصدي=واحيان اسولف بالعقل مع خافقي وحكايته
ومنهو عرف دربي ترى عارف وشنهو مقصدي=مادام في دربي وصوف البعد ماهي فايته
درب الهوى يومي مشيته ماهنيت ابمرقدي=بأسباب غرون حط قلبي شارتً لرمايته
قصيدة (وقتٍ مضى)
يالله وأنا طالبك عذنا ياكريم أمن الدبور=عقب الذي جانا من الأصحاب واللي نسمعه
أثر العرب مثل القرب مع طيلة المده تبور=الشق فيها لاكبر ماينرقع لو ترقعه
واللي حداني يم علمي ذاه وقفات الشعور=يوم أختلف عندي وصوف أحلى الفصول الاربعه
أشوف لي ناسً تحب الهرج من خلف الظهور=تظن في تظهير عثرات الاصاحب منفعه
هم مادروا أن التفرق أول أسباب الحدور=مثل السفينه ماتسير ألا بوجود الأشرعه
الله ياوقتً مضى فيه السوالف ماتدور=وقلوب خلق الله نظيفه بالحيا متشبعه
ليته يعود اليوم لجل الذيل مايرقا الصدور=والرأس يبقى رأس مهما طال وقت الزوبعه
مع تمنياتنا للشاعر محمد بن غازي النخيش التوفيق
أخوكم..أبو مرحبا