الشعر هوشعر السديري وراكان

[((الدلبحي))]

صار القصيد يباع في كل دكان
بالمكتبه والفرن هو والبقاله
من لون الصوره يقلد لويحان
وماصار في باله من الهذر قاله
ليته قرا قصيد نمر بن عدوان
كوده يعرف البدع هو والجزاله
اليا جبرنا بخاطر فلان وفلان
ترى الشعر بيموت موت الكلاله
الشعر هو شعر السديري وراكان
وشعر النصافي ليتنهت وشاله
بين الصفوف يشيل زينات الالحان
ليصار مرشد عند صفه قباله
وابن شريم اللي يسمى سليمان
الا ورد ماهيب تقصر حباله
راحوا بحور الشعر ذربين الايمان
واليوم شعر القرن ذا ينرثاله
ضاع الشعر مابين جاهل وفنان
وناسٍ تصفق للغالط والفساله
ركبوا لهم خيلٍ بلا سرج وعنان
خيل الغنم ماهيب خيل الخياله
الشاعر ناصر بن محمد السياري الخالدي
وسلامتكم

[الــوآفــي]

شكرا لك يالدلبحي


بس احس ان الشاعر انكر شعرااء كثيرين

[((الدلبحي))]

لاشكر على واجب
ياذيبان
الشاعر شايب من الناس الاوله
تحياتي

[أحمد المالكي]

سلمت ولاندمت

صح لسان الشاعر

والحقيقه انه قال الحقيقه

[((الدلبحي))]

حياك يالمالكي
يسعدني مرورك

[وصل العطياني؟؟؟]

اليا جبرنا بخاطر فلان وفلان
ترى الشعر بيموت موت الكلاله

هذا الكلام ...

ومشكور على نقلك المميز دائماً ...



تحيااااااااتي

[((الدلبحي))]

وصل
يعطيك العافيه على التواصل المستمر