تسجيل الدخول

مشاهدة النسخة كاملة : (نداء لقبيلة عتيبه الهيلا )ارجو الدخول من الجميع

ابوبندرالشيباني
27-Dec-2009, 12:26 PM
مساكم الله بالخير جميعا ... وبعد

هذه بعض الابيات موجهه لقبيلة عتيبه للوقوف مع الشاعر رايد بن عبدالرحمن الشيباني

احد ابناء القبيله في شاعر المليون لكي يتاهل لدور الثاني ان شالله

وهذا النداء الاول من الشاعر سلطان بن نايف بن عويد الشيباني


تكفون ياعتيبه ترى الموقف صعيب=لازم نفك الباب لو كان كايد
انتم هل الوقفات وانتم هل الطيب =زيدو من التصويت لعيون رايد


وهذا النداء الثاني من الشاعر بندر بن تركي بن هليل الشيباني


كل القبيلـه للنـدا لازم تجيـب=عتيبه هل النخوات واهل العوايد
تبذل لرايدكـل مايملـك الجيـب=ومن لاوقف معنا فلاهوب فايـد
رايد قصيده للنشامـى تعاجيـب=يرسم لنا كل الـدروب الجدايـد
ومعنا يبا ياقف خيار الاصاحيب=اهـل الجزيـره والديارالبعايـد
ورايد بدار اهل السخا والمواجيب=في دارنـا دارالسخـا دارزايـد
داراً تذري عن سموم اللواهيـب=يفرح بها المظهود عند الشدايـد

هذا واطلب من الاخوان في الاداره تثبيت الموضوع

ووضع( بنر) للتصويت للشاعر رايد وهذا اقل واجب تقدمونه لابن القبيله

وتقبلو تحياتي اخوكم ابو بندر
ولدعساف
27-Dec-2009, 12:46 PM
اخوي أبو بندر رايد ابن عمنا ويبشر بماطلب لكن تصويت لشاعر المليون لا ..لا ..لا..لا يكفي ماحصل لعتيبه في النسخه الأولى و ضحك نشوى الرويني على أبنا القبائل لكن اليوم نقول لرايد الله يوفقك و أتمنى لكل شعار عتيبه التوفيق.
ابن صنهوت
27-Dec-2009, 03:45 PM
ندا لعتيبه الهيلا على ويش ؟؟؟؟

تنخانا على نشوى الرويني قلوبكم للحين ما قامت انتم متى تبى تصحون من اللي انتم فيهم

اذا رايد يبى فزعة مشعاب حنا معه !!

اذا رايد يبى فلوس عليه دين والا معسور انخنى وحنا معه!!

اذا رايد عليه ميله من احد حنا معه !!

اما على شاعر المليون يخوي استحوا عتيبه لهم هيبه ونداهم ونخوتهم على الكايد ماهوب على برنامج حثاله فكرته من نشوى وقايد ربانته المنافق حمد السعيد واستاذه العميمي وبروفوسوره غسان

هذا ينخى عليه عتيبه ؟؟؟؟
الله يوفق رايد شارك وطلع اعلاميا اما تصويت فلا لا لا لا ولا احد يصوت
خلف الروقي
27-Dec-2009, 03:52 PM
ندا لعتيبه الهيلا على ويش تنادي يامال الشحم


بطلنا شاعر المليون من زمان


يكفي ظلم يوسف يامال الشحم


والله يوفق رايد وفاله البيرق


اما التصويت اسمح لنا يالغلا خلاص يكفي ....
ابو محمد الدعجاني
27-Dec-2009, 05:23 PM
ندا لعتيبه الهيلا على ويش ؟؟؟؟

تنخانا على نشوى الرويني قلوبكم للحين ما قامت انتم متى تبى تصحون من اللي انتم فيهم

اذا رايد يبى فزعة مشعاب حنا معه !!

اذا رايد يبى فلوس عليه دين والا معسور انخنى وحنا معه!!

اذا رايد عليه ميله من احد حنا معه !!

اما على شاعر المليون يخوي استحوا عتيبه لهم هيبه ونداهم ونخوتهم على الكايد ماهوب على برنامج حثاله فكرته من نشوى وقايد ربانته المنافق حمد السعيد واستاذه العميمي وبروفوسوره غسان

هذا ينخى عليه عتيبه ؟؟؟؟
الله يوفق رايد شارك وطلع اعلاميا اما تصويت فلا لا لا لا ولا احد يصوت


الله يبيض وجهك يابن صنهوت والله مايقول هالكلام الا اللي ينصح من قلب صافي .


اخوي ابوبندر الله يوفق الشاعر رايد في البرنامج ولا ني قايل عقب قول اخونا بن صنهوت كفا ووفا.
ابوبندرالشيباني
27-Dec-2009, 06:24 PM
حنا املنا في ابناء عمومتنا كبير

واذا كان يصعب عليهم القيام في الصغاير فالمواضيع الكبيره الله يبطيبها

ومن لا قام في الصغير يمكن يصعب عليه القيام في الكبير

والموضوع مجرد تذكير للتصويت للشاعر رايد لمن اراد اما اللذي لايريد

وعنده رائي ضد البرنامج فياليت يفتح موضوع ثاني ويبدي رايه
مرزوق حمدان العتيبي
27-Dec-2009, 06:31 PM
..

عز الله ان رايد وقف وقوف مشرف .. وابدع ... ابداع حقيقي

عسى الله يوفقه .. وبقية ابناء القبيله ... وكل مسلم ..
فاله البيرق ان شاء الله ....
محمد بن غازي
27-Dec-2009, 07:08 PM
بالتوفيق لأبناء القبيله في جميع المحافل ....
الشيباني 2000
27-Dec-2009, 07:51 PM
يبشررررررر بعزه الرصيد مفتوووح له وفاله البيرق
ابن صنهوت
27-Dec-2009, 08:35 PM
حنا املنا في ابناء عمومتنا كبير

واذا كان يصعب عليهم القيام في الصغاير فالمواضيع الكبيره الله يبطيبها

ومن لا قام في الصغير يمكن يصعب عليه القيام في الكبير

والموضوع مجرد تذكير للتصويت للشاعر رايد لمن اراد اما اللذي لايريد

وعنده رائي ضد البرنامج فياليت يفتح موضوع ثاني ويبدي رايه

ابو بندر الوقفه حنا اهلها ولكن السؤال خصمي من عشان تنخاني واقف وشلون افزع وخصمي برنامج ساذج خالي من المصداقيه ؟؟؟؟؟؟؟
وش نفعنا يوسف ابه راحت فلوسنا ولا حسبت ليوسف يعني صرنا مضحكه للمزروعي ونشوى

وين خالد وكذلك ابن محيا وغيرهم !!!!1

حنا مع بني عمنا اذا كان فيه خصم بين اما اذا كذا انا من وجهة نضري الخاصه اعتبرنا مستهطفين

ونحن لا نرضا هذا !!
رايد الله يوفقه يبي الشهره وطلع فالبرنامج اما البيرق ان شاء الله ياخذه ولكن البيرق لا يعتمد على التصويت والشاعريه بل على راي اللجنه وما يشتهون
لانه خذوا الفلوس ولاعاد ايهمهم يعطونه اللي هم صافطينه له
انا ماقلت هالكلام الا من حبي الكم وحرصي عليكم مبيكم يستغلونكم هالحثاله بدافع حمياكم ونخوتكم وترابطكم واللي تبيه يابو بندر مني ابشربه اما التصويت لوبينفع رايد صوتنا ولكن دربه درب يوسف
المشيط
27-Dec-2009, 08:55 PM
ياجماعةلاتصوتون ورسالتي لخوي كاتب الموضوع رسالتي مابني على باطل فهو باطل وهذي البرامج ضحك على الضعوف
هيلاوي شقاوي
27-Dec-2009, 11:40 PM
جاك الجواب من اللي قبلي ياولد مشيب

تصويت ماحنا بمصوتين ومالنا لزوم في فوزه ولا خروجه
احمد منير الواصل
28-Dec-2009, 06:12 AM
ابشر والله نصوت باللي نقدرعليه ولاهو خساره
شمروخ ابن عايد
28-Dec-2009, 06:19 AM
ياكبر حظ نشوى , بمثل هالناس .
فهد العازمي العتيبي
28-Dec-2009, 06:52 AM
خذوها مني ... تصوتون وإلا ماتصوتون

رائد الشيباني ... طالع طالع من الدور الاول ...

حتى لو جاه تصويت بمليار الريالاااات ...

لان سياسة البرنامج قائمة على الواسطات والمجاملات

واي شاعر يجيه تصويت عالي ... ولكن مهب داخل مزاجهم ...

اخذوا الفلوس اللي وراه ... ومسكوه الباب ...

يعني الدعوه .. نفخ في قربه مشقوقه ...

في برنامج فاقد للمصداقيه والعدل ...
عزوز النفيعي
28-Dec-2009, 07:02 AM
والله ياجماعه في تصويت يوسف خصصت شريحه جديده عام له وفالأخير طلع


هذا وانا واحد نفر وغيري الكثير


ومتابعتي اقتصرت في النسخه الاولى والثانيه والبقيه والله مدري عنها


رايد الشيباني لا اعلم عنه شي ولاكن الله يوفقه والتصويت مسأله شخصيه
ولدعساف
28-Dec-2009, 07:19 AM
تبون زبدة الهرج

7
7
7
7
7
7
7
7
7
7
7
7
7
7
7
7
7
7
7
7
7
7
أن كان الله كاتب البيرق لرايد يبأ يأخذه لو حجبو التصويت عنه
وأن كان ماكتبله البيرق لو شركات الإتصال تفتح التصويت مجاني مايأخذه







لكن تصويت لاتصوتون يكفي اللي راح من مليارات لو ان المليارات هذي صرفة على الجمعيات الخيريه كان ماشفت محتاج.
هبداني تيماء
28-Dec-2009, 07:39 AM
يأخي الفاضل لازم نبذل الاسباب والتصويت مقيااس
الي له قبيله تسانده وتصوت شي طبيعي يتأهل
والتصويت سبب لتأهل ورائد يبشر بتصويت وانا بن عاصم
بتوفيق يارايد معكــ وبأذن الله يتأهل
تقبلوو تحيآآتي محمد العصيمي
فهد سعد
28-Dec-2009, 11:22 AM
والتصويت سبب لتأهل ورائد يبشر بتصويت وانا بن عاصم
بتوفيق يارايد معكــ وبأذن الله يتأهل
تقبلوو تحيآآتي محمد العصيمي

أبن عاصم ماطلع قلبك من اللي حصل لابناء عتيبه عموم قبل رائد مثل يوسف - وبن محيا - والسماري - السواط - خالد وغيرهم وغيرهم



متى نصحوا من النوم ؟؟؟
صقر خولان
28-Dec-2009, 01:29 PM
[b]يقول ابو دهم سلام خاص
القايد وذي تحته وصحاب الرتب
والجوف مارب وخولان خاص
رجال شبوه وصحري والقمام
ابورازن فالمريخ
28-Dec-2009, 03:05 PM
بالتوفيق لأبناء القبيله في جميع المحافل ....
الشاهين.
28-Dec-2009, 03:11 PM
أبو بندر الشيباني مشكور يالغالي على وقفتك الرائعة والحمية القوية فيك يالغلا

لكن نقول وبكل صراحة لا لشاعر المليون لا لشاعر المليون

حتى المشاهدة لاتشاهدونه أبد لانه يضحك على عقولنا
عتابه يارفاقه
30-Dec-2009, 03:11 PM
ندا لعتيبه الهيلا على ويش ؟؟؟؟

تنخانا على نشوى الرويني قلوبكم للحين ما قامت انتم متى تبى تصحون من اللي انتم فيهم

اذا رايد يبى فزعة مشعاب حنا معه !!

اذا رايد يبى فلوس عليه دين والا معسور انخنى وحنا معه!!

اذا رايد عليه ميله من احد حنا معه !!

اما على شاعر المليون يخوي استحوا عتيبه لهم هيبه ونداهم ونخوتهم على الكايد ماهوب على برنامج حثاله فكرته من نشوى وقايد ربانته المنافق حمد السعيد واستاذه العميمي وبروفوسوره غسان

هذا ينخى عليه عتيبه ؟؟؟؟
الله يوفق رايد شارك وطلع اعلاميا اما تصويت فلا لا لا لا ولا احد يصوت

بيض الله وجهك يابن صنهوت على الكلام الطيب ورايد وصل اعلاميا ولله الحمد وصله شعرة الممتاز وهذا كافي
لكن يابن صنهوت هل تعرف ان الشعار اذا احد طلع لازم يمدح ال نهيان وهم مسوين هذا البرنامج لسببين
النصب والمدح

والله يوفق ولد مشيب وشاكر لكاتب الموضوع
منصورالعصيمي
30-Dec-2009, 04:06 PM
اضمن ان التصويت ياصل ويحتسب !!! وابشر







السلام عليكم ورحمة الله وبركاته


الاخ العزيز / ابوبندر الشيباني


انت تدري وش حصل لــ يوسف العصيمي ... بالتحديد

قامو كل عتيبه ولا قصرو وبألاخص الشيابين والشاعر سلطان الجـــلاوي وعمه


لاكن فالنهايه .. وين راح التصويت .. ماوصل الى ثاني يوم!! بعد ماخلص البرنامج!!

وكلآ يدري بذلك ولا نعلم السبب من الاتصالات ولا من البرنامج!



المهم: والي بقوله انا وغيري من القبيله

انكان اصواتنا تاصل البرنامج دون تلاعب او حجب! وتحسب

راح نصوت جميعآ


واخيرآ

الله يوفق الشاعر / رائد الشيباني وشعراء عتيبه المشاركين
ابو ماجدالمرشدي
31-Dec-2009, 03:57 AM
الله يوفق رايد وكل العتبان المشاركين في البرنامج



بس شاعر المليون ولله الحمد ماتابعته عقب النسخه الاولى لانه اتضح ان الشغله لهط فلوس وبس


مانقول الا الله يوفق المشاركين جميع
غازي المقاطي 511
13-Feb-2010, 05:58 PM
التصويت اكيد لاانا مع اخوي ولد عساف
البريماني
14-Feb-2010, 11:17 PM
والله يابن مشيب لو النخوه في علم كايد كان يبشر رايد وأي عتيبي بالفزعه والعلم الصامل


لكن والله يالمصريه نشوى الرويني والبلوشي محمد بن زايد مايسوقونها علينا بعد النسخه الأولى


وغير هالعلم ماتبا تحصل شي عند عتابه
روقي الجمش
16-Feb-2010, 11:54 AM
السلام عليكم ورحمة الله وبركاته


الله يوفق شعراء عتيبه المشاركين في جميع المسابقات ... أما من ناحية التصويت والترويج له وخاصة في هذا البرنامج والذي يدور حوله شكوك في نزاهة التصويت ... وقلنا إنا البرنامج له منحى خاص و من يقوم عليه ، أتضح أن الهدف هو سحب قدر كبير من المال ..
وهنا اتخذنا طريق المقاطقة لهذا البرنامج ، و من يعمل فيه بطرق ملتوية ولا نعلم ما يحصل في هذا التصويت ولكن أتضح من النسختين الأولى والثانية .. أنه غير نزيه وحجب الأصوات ويختلقوا أعذار لا مبرر لها ..

إذاً قاطعنا البرنامج واكتفينا بالمشاهدة فقط .. وشعارنا هنا (( لا .. لا .. لا .... للتصويت ) .
ودمتم سالمين .


تحياتي / روقي الجمش .
محنك بلد
18-Feb-2010, 11:54 AM
التصويت حرمه بعض المشايخ وبعدين تبي تخسر مثلا خمس الاف عطها فقير في الحاره والله تلقاها عند ربك 0