كلام ٍ فيه ريبه

[عطاوي]

سلام الله عليكم يارجال ٍ في نباها طيب
صناديد الرجال اللي ينومس كسب يمناها

سمعنا ماسمعنا من كلام وفيه شك وريب
كلام ٍ فيه ريبه والحقيقه ماعرفناها

[أسير القوافي]

ينووومس كسب يمناها .. الله الله .. :)




صحَ لسانك .. يالعطـاوي ..



وننتـظر قبيلك ولا تهـووووون ..




مــتآبــع ~!

[ماجد العصيمي]

صح لسانك وننتظر قبيلك

[سليل الامجاد]

ومن حقك علينا يالعطاوي واجب الترحيب
هلا يامرحبا بك فأول الدعوى وفي اتلاها

تبي بكره تبين الشمس ونجوم الظلام تغيب
ومن دوّر على حاجه بنور الشمس يلقاها

[سعد حميد الثبيتي]

صحت الالسنه والقلوب لكم مني اجمل التحايا واصلوا ونحن متابعين

[ولدعساف]

الله الله طارووق رائع وبإنتظار إستمراركم

[عطاوي]

اعتذر عن التأخير في الرد
خرجنا من المنتدى ولم ندخل إلا في هذه الساعة


واستلم الرد






تدوم الك المعزه ياسلايل قمة التوجيب
يدوم الك البقا ياللي عرفها ماطخطاها

يجعل الشمس تشرق والهقاوي كلبوها اتصيب
تدورها وادورها ونصف الشعب يبغاها

[معجب العتيبي]

عطاوي


سليل لامجاد



بداية طاروق يستحق المتابعه



صحة السنتكم

[عطاوي]

اشكر كل من مر واثنا على الطاروق
تقبلو تحياتي

[صاهود]

صح السانك يالعطاوي

والساعه المباركه اللي شفناك فيها

وين الغيبه عسا المانع خير

[سليل الامجاد]

انا شاعر فقط ماني ب عالم وش بظهر الغيب
صدور الناس ما اعرف يالعطاوي وش نواياها

وانا حاير معك بسياسة الترغيب والترهيب
الاولى ما اتحلواها والاخرى ما اتمناها

[سليل الامجاد]

شكرا لكل اللي مروا
الله يحييكم

[عطاوي]

مدامك شاعر وعارف ورا ماتحكر التصويب
ورا ماتفهم الكلمه وتعرف ويش معناها

واظنك جبتها صدفه وقلنا جبتها يالذيب
حكرناها على كنز الجواهر وانت تشناها

[سليل الامجاد]

يابوّاج الديّر خطوتك وقفت دون ضلع مغيب
لكن مد النظر وادفع قدم رجلك بممشاها

يالولا الزير سالم ماعرفنا قصتك ياكليب
وهالحينه كتبناها على الصحف وقريناها

[عطاوي]

عساك ادل مع درب ٍ يودي يم خط البيب
وتشرب من غزير الجم صافي لين ترواها

على القوه على القوه ذهين ولا عليك العيب
نباركلك الياقالو عرف ملعون مجناها