الشوق يسوق

[عـاشـق الحقـيـقـة]

بسم الله الرحمن الرحيم




الشوق يسوق




1- الشوق يسوقنا لكْ سوق = والقلب رفرف بجنحانه
2- ومع الطواري يجيه اخفوق = يصير طبلٍ ورَنّانه
3- منها تخيّل حسين الموق = عمري نسيته على شانه
4- يطري عليّ لا لمحت ابروق = والا القماري مع الحانه
5- دينٍ وعلمٍ نبا بهْ فَوق = وطهر النقا شوقنا زانه
6- وثقلٍ وعقلٍ كِمَلْ مخلوق = ويهدي شذا الطيب بلسانه
7- والعَمْ برقا خواله روق = روس النحارير جدّانه
8- بنت الشرف مطلبي والشوق = ما ابْغي من الناس لِبّانه
9- ومن عقلها ما تجي للسوق = إلا مع العيد واذنانه
10- وترى الشرف والحكي موثوق = تاج المعزّة على إنسانه
11- والحِسن نبتٍ كما الرقروق = يابس مع الوقت واغصانه
12- والبشت عيبٍ على المطفوق = زوّدْ عيوبه وحِقرانه
13- والثوب سترٍ على المرفوق = كفّى لِبيسه ولا شانه
14- رايٍ نظمته على الطاروق = والنصح خَتمه وعنوانه
***=***


*فارس نجد المجد*
(عاشق الحقيقة)
النشر هنا : 8/1/1431هـ