المصالح تخدم الرجال و هوه ماتعنا=والدليل اللي تحقق بين يوم وبين ليله!!

[علي الثبيتي]

ابن عاقل تفضل هنا

المصالح تخدم الرجال و هوه ماتعنا=والدليل اللي تحقق بين يوم وبين ليله!!

ابن عاقل حقق احلامه وحقق ماتمنا= والسوال اللي نريد اله الاجابه وش بقيله!!

[ماجد السميري]

ارررررررررحب يابو فهد والمعذره على التاخير توني اجي هالحين


واستلممممممم



كل رجلٍ في دروب الطيب والطاله تعنا=اعرف انه ياوسيع المعرفه ياخذ حصيله
ابن عاقل ما كسبها غار بالسيف المحنا=ما بقا الا فوقكم ياصاحبي يضفي شليله

[علي الثبيتي]

معذور وانا احسبك طلعت من المنتدى
وترى الاتصال عندى ماهو مضبوط

بعد جالك ماتريده ذب دربك لاتونا= انطح الفرسان فالميدان وارقا فالطويله!!
وانعم بهل الوفا والمعرفه منكم ومنا=والصحيح الجم يطلع ماتغطيه النثيله!!

[سعود العصيمي]

النشمي =

المصالح تخـدم الرجـال و هـوه ماتعنـا=والدليل اللي تحقق بين يوم وبين ليلـه!!
ابن عاقل حقق احلامـه وحقـق ماتمنـا=والسوال اللي نريد اله الاجابه وش بقيله!!







ابن عاقل=

كل رجلٍ في دروب الطيب والطاله تعنا=اعرف انه ياوسيع المعرفه ياخذ حصيله
ابن عاقل ما كسبها غار بالسيف المحنا=ما بقا الا فوقكم ياصاحبي يضفي شليله





النشمي =

بعد جالك ماتريـده ذب دربـك لاتونـا=انطح الفرسان فالميدان وارقا فالطويله!!
وانعم بهل الوفا والمعرفه منكـم ومنـا=والصحيح الجم يطلع ماتغطيه النثيلـه!!



ابو فهد

ابو بندر

صحت السنتكم

واصلووووا متابعين

[علي الثبيتي]

ارحب يابوطايل والله يعطيك العافيه على التنسيق الرائع
وصح بدنك

[عمير الثبيتي]

النشمي وش مسريك الليله الله يكفينا شرك


بس تصدق لك ثقل في المنتد ى حتى الثماله والدليل التنسيق السريع

[ماجد السميري]

اصبروا ياصحابنا والخير مقبل في وطنا=لاتباطالك سحابٍ ياولد مقبل مخيله
ما علاكم زود ياللي بالحقيقه ما جهلنا=وحليل اللي يعلم بالحقيقه وحليله

[ماجد السميري]

اررررررررررررررررررحب يابوطايل

صح بدنك

وبيض الله وجهك على التنسيق الرائع

[علي الثبيتي]

يابن عاقل ماينوخ للحمول الا جمنا=وانت رجالٍ دليله مايحاوجلك دليله!!
انت لو عاملتنا بالصدق فوقك مازعنا=مار فيك مراوغات وفيك مكر وفيك حيله!!

[علي الثبيتي]

النشمي وش مسريك الليله الله يكفينا شرك


بس تصدق لك ثقل في المنتد ى حتى الثماله والدليل التنسيق السريع

قول ماشاء الله
نسقوله يامشرفين تراه عيان ههههههههههههههههه واكفوني شره

[عمير الثبيتي]

الله يرجك وترصص فى الصناعيه هههههههههههههههههههه



اعلومك اذا فاضي بكره يمكن ازوركم في السيل

[علي الثبيتي]

الله يرجك وترصص فى الصناعيه هههههههههههههههههههه



اعلومك اذا فاضي بكره يمكن ازوركم في السيل

حياك الله وابرك الساعات

[ماجد السميري]

المعذره على التاخير

جاني ضيوف وانشغلت معهم شوي


واستلمممممممممم




ما خلق في تغلب الا الزير مزبون المجنا=مار شوفو عقب موته يابني تغلب وسيله
دام صاحبك اعتلى بالطيب حذرى لا تدنا=الهروج العوج ما تصلح وحنا من قبيله

[رعد الروقي]

الله الله


النشمي // ابن عاقل



ابداع يستحق الوقوف عنده والمتابعة




صحت السنتكم

[ماجد السميري]

الله الله


النشمي // ابن عاقل



ابداع يستحق الوقوف عنده والمتابعة




صحت السنتكم







الابداع يكتمل في حضورك

صح بدنك

ولاهنت على كل حال