ويــن الــشــعــراء .!!

[منصور الدرين]

||
\\
||

سلام الله سلام يـعم ثــم يــخــص لـلــشــعــار .!

سلامٍ يقتل الشعار من عــمـقه ومــضــمــونـــه.!

أنا عساس في الهيلا وأبنشـدكم عن الأخـبـــار.!

بعد ماطاح قصب المستميت وطاحت سـنــونـه .!

||
\\
||

[عبدالمجيد الثعلي]

هلايامرحبا مثل المطر يطفيء بماه النار=ووزنه وزن ضلع ٍ مايهزه ! وعل بقرونه


كبنّي من منوّل يوم أنا أعسّ بديار مطار=ديركم جايها (عساس) (داره ) ماتعسونـه)

[مازن الشيباني]

هلايامرحبا مثل المطر يطفيء بماه النار=ووزنه وزن ضلع ٍ مايهزه ! وعل بقرونه


كبنّي من منوّل يوم أنا أعسّ بديار مطار=ديركم جايها (عساس) (داره ) ماتعسونـه)


ياسلام ياسلام

صح لسانك ياعبدالمجيد عدد زخات المطر
والصف صفك مافيها كلام
ولا يهون ضيفنا المطيري وصح لسانه

[عبدالمجيد الثعلي]

مأزن الشيباني



صح بدنك


والصف يزهابك طال عمرك


والمطيري على العين والرأس


وحياه وحياك والله

[ابو بشاير]

مطيري بينكم

صح لسانك

عبدالمجيد الثعلي

صح لسانك

متابعين بشغف ونتمنى طاروق رائع وجميل

[عبدالمجيد الثعلي]

ابو بشاير


صح بدنك


وتشرفنا متابعتك

[منصور الدرين]

||
\\
||

تدوم ودام مافي دار إبن ثــعــلــي ومــنـه الثار .!

تــركــت الــدار لــه وأصــحابه اللي مايصونونه .!



عقب رمي الرماح اللي تصادم عقبها وش صار .!

وصــلــكــم ضرب أبو قوسين ياللي ماتعرفونـه ..!

||
\\
||

[منصور الدرين]

||
\\
||

مازن الشيباني .~

||

أبو بشاير .~

||

يسعدنا متابعتكم وشرف لنا .~

||

ولي الشرف بمقابلة الراقي : عبد المجيد الثعلي .~

||
\\
||

[راع العبيه]

ونعم ونعم يا شعارنا يا عبدالمجيد انا في صفك ولا يهون مطيري بينكم

[منصور الدرين]

ونعم بحالك ياراعي العبيه

وشرف لنا متابعتك

[عبدالمجيد الثعلي]

أظنّك تبخص عيورة مطير..و..كل دار .و..عار=وإبن ثعلي وداره تروّح البارود من دونه

تواجهنا هجاد وصبح .. ماعيّنت منّا خار=ولا جاءنا العدو يلقا خلال ٍ يلطم عيونـه

[عبدالمجيد الثعلي]

ما عليك زود ياراع العبيّه


والصف يزهااابك يالغالي



يشرفنا حضورك ومرورك


وتشرفنا متابعتك

[منصور الدرين]

||
\\
||

زمانِ فات مدري مات ماتعرف حقوق الجار .!


غدرت ولاغدرت وجابك الله مثل مـاتـخــونـه .!


مفاخرنا الــسـلاح ولانــقــابــل واحـدٍ غــدّار .!

نــهــارٍ فـيـه حـرب وضـرب كم شيخٍ تغطّونـه .!


||
\\
||

[صاهود]

وش ذالمصامخ

ماهيقتوا المشرفين ناموا

وشعللتوها هههههههههههه

صحت الالسن والقلوب جميع

[عبدالمجيد الثعلي]

أنا اللي مختلص لك ماغدرتك والعلوم اجهار=ومجهول الهويّه من طرفكم ماتعرفونه

سوايا الغدّر في راع النذاله (غارهـا !!ماغار)=وكم شيخ ٍ نهار الحرب فنجاله يسوقونه

[عبدالمجيد الثعلي]

صاهود


صح بدنك


وبعدين وش اللي تقوله !!!!!! أيّ مصامخ هههه


الدعوى محاوره ولاطرى طاري شرّ و قشرّ




سبحان الله !!!!


على كل حال يشرفنا مرورك وحضورك ولاهنت

[كايدالاجرب]

صحت الاسن والقلوب

ع الطاروق اللي يهيض الشعار

[حاكم الغنامي]

الله الله

صحت الالسن والقلووب


متابع