العازمي .... سلام وألا مرحبا ماعاد ندري وش نقول !!!

[ناصر الجلاه]

..

:) :)

مرحبا يابوطلال يابطيي عن علومك



سلام وألا مرحبا ياعيد مدري وش نقول = أنته وأنا فالحله اللي جودنا من جودها !!

من بعد عسيت المطر عطنا ممرات السيول = حنا بدو نطرب من علوم الحيا ونرودها !!

[حاكم الغنامي]

ههههههههههههههههههههههههههههه



طيب طيب


الله عليكــ يابو محمد

صح لسانكــ

وننتظر ابو طلال ووصح لساااااانه مقدماااااا

[عيد العازمي]

حياك يالجلاه حياك



لابالله الا مرحبا والدار مليانه نزول = تغيب والا ماتغيب! الناس تحمى حدودها!!


يسدّكم وادي عصيل اليا ولاه الوسم حول = من مزنةٍ براقها يسبق رزيم رعودها!!

[عيد العازمي]

هههههه


حاكم ويضحك ! معقوله


خابرك ماتضحك الا مره فالسنه هههههه


صح بدنك

[ناصر الجلاه]

..

هههههه طيب طيب




تبقا ونبقا والأصاله عند أهلها ماتزول = تقول وألا ماتقول الناس ذادت ذودها !!

أنته بشيرٍ بالمطر لكن ماجبت الأصول = وألا دياري ماجهلت جبالها ولهودها !!

[ناصر الجلاه]

..

حاكم الغنامي

..

صح بدنكـ يابوعيد حضوركـ له طابعه :)

لاهنت

..

[عيد العازمي]

اللي ثنا وقت الطلب واللي رمى انصاف الحلول = والمملكه من دونها قواتها وجنودها!!


على كلامك يالعصيمي حضّر شهودٍ عدول = لاتنقل الهرجه وتدخل نقصها في زودها!!

[ناصر الجلاه]

..


:)


هه



أليا مترت العرض عرض احسب حساب الطول طول = المملكه فأهل الضما والجوع شفت جهودها !!

عندي رجل عراف عقل وقول ماهو ب/ مهبول = حاكم يشد خطامها وأنت لزمت عضودها !!

[عيد بن مرضي]

الله الله



صح الله ااااااااااااااااالسنتكم




متااااااااااااااااااااااابعين لكم

[ناصر الجلاه]

..

عيد مرضي

..

صح بدنكـ يابن مرضي .. حضوركـ كريــم :)

لاهنت

..

[عيد العازمي]

ههه طيب



وقت العنا ماغار مزهب تمر في شد الذلول = والدار من دونه رجالٍ ماتخون عهودها!!


كبرت وهانت يالعصيمي والوعد ريع الحجول = انته وحاكم من يميّز بيضها من سودها!!

[عيد العازمي]

عيد مرضي

..

صح بدنكـ يابن مرضي .. شرررفت

[ناصر الجلاه]

..


:)



وقت العنا يأكثر عباد الله ماندري وش تنول = كم من رجالٍ فعلها وسم سمار خدودها !!

كبرت وهانت ياسلام الله على وجه الرسول = العازمي بشر ب/ بشرى ماولد مولودها !!

[سعود العصيمي]

من بعد عسيت المطر عطنا ممرات السيول
حنا بدو نطرب من علوم الحيا ونرودها !!




من بعد عسيت المطر عطنا ممرات السيول
حنا بدو نطرب من علوم الحيا ونرودها !!




ههههههههههه

الله الله


ياناصر

صح لسااااانك والله وسبقتني عليها



يسدّكم وادي عصيل اليا ولاه الوسم حول
من مزنةٍ براقها يسبق رزيم رعودهـا!!






ياسلام يابو طلالال


صح لساااااانك مليووون

والصف صفك ضد الجلالالاه

[ناصر الجلاه]

..

سعود العصيمي

..

اررررحب يابوطايل .. ياشيخ أنت حي :)

حضوركـ نور المنتدى يابن العم

ماسبقتك على فعل ردى ههههههه رفيقنا مبطين عنه ونأخذ علومه << واحد يصرف :)

لاهنت

..

[عيد العازمي]

اكيد ماتعرف حروب الفرس مع جيش المغول = يفحم هل التاريخ ماضيها وقبس زنودها!!


عشتو مخاوين الحضر حتى تخاونّ العقول = وعلومنا حنا البدو فصدورها وورودها!!

[عيد العازمي]

سعود العصيمي

هههههههههه


حتى انت يابو طايل


فاهم خطا

هههههههه



اعرفك حريص وما تقدم على علم الا متأكد منه

علشان كذا احسنت وسلمت


مشرف يابوطااايل


وصحت ابدانك

[ماجد السميري]

طاروق مميز

الجلاه والعازمي

صحت السنتكم

وبيض الله وجيهكم

[ناصر الجلاه]

..




ألا على طاري المغازي كم قنيت من الخيول = أم الصهيل اللي نهار المعركه وحشودها !!


عشنا ولا ضاعت ملازيم العرب مع كل زول =حجتك مفلوجه ب/ قول الحق يامقرودها !!

[ناصر الجلاه]

..

ابن عاقل

..

صح بدنكـ والمميز حضوركـ المشرف لنا :)

لاهنت

..

[عيد العازمي]

ترى القرى حاميه سيفي والقنا وام القفول = وانته مع عتيبه تغير وفزعتك بحيودها!!


صحيح وش نرجي من اللي يبتدي يومه بــ/ فول = هذا نتاج العولمه واللي قليلٍ فودها!!

[عيد العازمي]

ابن عاقل


الشاعر العلم


يشرفنا حضورك لاعدمناك


وصح بدنك

[عيد العازمي]

شرفتني يالجلاه


والليل طرف


لكن صح لسانك


وتصبح على خير


انت والاخوان جميعا

[ناصر الجلاه]

ترى القرى حاميه سيفي والقنا وام القفول = وانته مع عتيبه تغير وفزعتك بحيودها!!


صحيح وش نرجي من اللي يبتدي يومه بــ/ فول = هذا نتاج العولمه واللي قليلٍ فودها!!



ههههههههه


صح لساانك يابوطلال

ولاهنت على تلبية الدعوى والاستفاده منك

تصبح على خير

[صاهود]

الله الله

الجلاه ===== العازمي

صحت الالسن والقلوب جميع

[ناصر الجلاه]

..

صاهود

..

صح بدنكـ ياصاهود .. حضوركـ كريــــم :)


لاهنت

..

[خيال الأصيله]

الله الله



صحت ألسنتكم إبداع منقطع النظير لاهنتوااااا

[ماجد العصيمي]

صحت الالسن والقلوب


طواريق تدرس بالذات طواريق العازمي من غير قصور فالاعضاء كلهم