ياراكب الي لامشت كنها البرق

[حميد السجايا]

السلام عليكم
هذه قصيدة موجهه الى الاخ العزيز الشاعر/ طلال بن ناشي العالي
اترككم مع القصيدة:




ياراكب الي لا مشت كنها البرق=ويصعب على الرادار كشف اجهزتها
غرنوقةٍ من وصفها واضح الفرق=عبرود طلقة خشمها وارثمتها
لاشلعة فالجو ناحت لها الورق= ويشوش كبتنها بربط احزمتها
تنصى ولد ناشي على وجهة الشرق=طلال حمّاي السرب واعقدتها
من عام الاول والسوالف لها طرق=وخير العلوم بقلّها واثمرتها
يابو رغد وش فيك ياصاحبي غَرق = وموبايلي طنشت خط اشبكتها


اخوكم/
متعب العالي

[ابن صنهوت]

صح لسانك وعلا شانك

[حميد السجايا]

صح بدنك طااال عمرك
يابن صنهوت

لك ودي وتقديري

[طلال ناشي]

صح ألسااااااااااااانك دبل

ياحميد السجايا لاهنت

وأبشر بالرد


تحياااتي

[خيال الأصيله]

صح اللسانك ولا هنت يالقرم

[عبدالله الفرهود]

من عام الاول والسوالف لها طـرق
وخيـر العلـوم بقلّهـا واثمرتـهـا



أبيات رائعة يا حميد السجايا

و طرقها مميز و قافيتها رائعة

صح لسانك و دام ابداعك

وفقك الله

[حميد السجايا]

الله لايهينكم جميعا

ومو صعيب عليك الرد يابو رغد

[طلال ناشي]

تفضل ياحميد السجايا . والله يجملنا معك ...



يامرحبا باللي تحرق العدى حرق = أليا ثنت رجلينها من تحتها

ثم أنحرت جيزان ولا أنحرت عرق = وشالت أسهوم الموت تحت أجنحتها

لا لوحت والقوم ماتنوخذ درق = ماتخطي أهداف العدى لارمتها

أصناعة العربيد وعيونه الزرق = اللي بلاده للحروب أصنعتها

تحمل علم دوله لها فالدول فرق = وقفاتها كل الدول مانستها

اللي شرها يزرق الطيبه زرق = ســلطان بسم المملكة وملكتها

واللي علاها مالحق نسله العرق = معربٍ له لابةٍ مافختها

لاصاحوا الظباط يالعسكري أرق = رقابها يم السما ثم سمتها

على هل التخريب والبوق والسرق = هاك الوجيه اللي قليلٍ بختها

وأنته يامتعب كان تنشد عن الفرق = اللي مقادير اليال أفرقتها

لاتدغم الهرجه ولا تعسر الطرق = مثلي يعرف لسوها وحسنتها

ولا ياخذونك في نحاهم هل القرق = ناسٍ لغتنا ماتشابه لغتها

جر اللحن وعزف على العود والأورق = حتى تميز عزفها ونغمتها

الأرض فيها الخير واللي تمطرق = محسب يابو صالح على مطرقتها


وسلامتكم

[حميد السجايا]

صح لساااااااااااااااااااااانك وبيض الله وجهك وانا اخووووووووووووووووك وجعلك ذخر طال عمرك