أبو فـــــــــــــــرح , بدون إستئذان ,َ هلّم

[محمد الحمادي]

السلام عليكم ورحمة الله ,

أبو فرح لو علمتك قبلها بتردّني كالعاده :)

مير أنت قدّام الأمر الواقع [ لافضيت ]

\
/
\
/
\
/


يا سلام الله سلام , وديننا الإسلامي = يكرَه التسليم لا خالطه نيـّـه سيــّه
والحرامي لو لبس فوق الحرام إحرامي = مايغطي رأسه المكشوف بالطاقيّه

\
/
\
/
\
/

[فايز بن سرحان الثبيتي]

محمد الحمادي




صح لسانك على الجزاله


وفي انتظار قبيلك وصح لسانه مقدما

[عبدالله الجـــذع]

الله الله

صح لسانك يابو عبدالله

وفي انتظار ابو فرح


مبدأ كايف ومحاوره لائقه ننتظر باذن الله


محبكم

[مــــحــــمــــد]

وعليكم السلام ورحمة الله وبركاته

هلا ومرحبا يابو عبد الله

وليه اردك الله يطول عمرك بالعكس حنا نتمنى هالفرصه الي تجمعنا باللحوات الغانمه شرواك

نستفيد منهم ونتشرف باللعب معهم

واستلم وان شاء الله نكملها اليله


مرحبابك يالمسلم عادة الاكرامي = ماتسوي شرط لترحيب حسب النيه
ماخبرت ان الحرامي حج ولا صامي = مير هات اعلومه الي تكشف المغطيه

[مــــحــــمــــد]

ابو ريان

مرحبا بك


شرفتنا الله يطول عمرك

وصح بدنك

[مــــحــــمــــد]

مرحبا مليووووووووون ياعبد الله


صح بدنك ووتواجدك في غاية الأهميه

[محمد الحمادي]

أبو فرح

عساك سالم والبقى والله ,

أنا مغير أبستفزّك :) ,

وكلامك عكسي ..!

أنا إلي أبى أستفيد منك وأبتعّلم ولا كان ماجيتك يا أبو فرح :)

أستلم


البقاا والعلّم الأول , والوعد قدّامي = ما تحيّرناا في هذيّه وفي هذيـّــه

أنت بالرجلين ما تاطى على الألغامي = مير طاحت فوق رأسك قنبله ذريّه

[محمد الحمادي]

أبو ريان ,


صح بدنك وحيّاك الله ,

ووودّي إنك راد بعد المحاوره ,

عشان تخليني آخذ راحتي بدون ربكَه :)

/
\
/

عبدالله , حيااه الله ~,

أرحب , وصححح قلبك , واليوم خلّك معيّ تراني هاك الليل معك يوم الديربي :)

/
\
/
\

[مــــحــــمــــد]

طيب طيب



لاتوقع ياولد عين الرقيب تنامي = ولاتعود يامحمد في زمانك عيه
القشر كنه لنهجك يالعميل ألزامي = تحسبنك تاتحقق بالقشر شعبيه

[محمد الحمادي]

هههه أبك لا



بندقك يا أخوك ما سرّتك وأنته رامي = والرصاصه لا تعوّد بيننا عكسيّه

من يعاتب في محمد , حاكم الغنّامي = والله إنّاا مانلومه يا عرب موليّه

[مــــحــــمــــد]

ههههههههههههههه


يامحمد من فعولك في قبل العامي = صرت الحبل في يمناك مثل الحيه
جيت يم العد ضامي وابا اعود ضامي = كل من دل الدلو يرجع ولابه شيه

[محمد الحمادي]

هههههههههه
والله إنّك درع جنّبي فاللقاا وإحزامي = نارنا حيّه ونارك يا صحيبي حيّه
مير لو ينقل كفنك أخوك فأول زامي = من يسددّ ربعك الجذعان , مالك ديّه ؟

[مــــحــــمــــد]

اشهد انك من رجال ٍ تقهر الاخصامي = كم خصيم ٍ حطوا بوجهه قبل ماريه
في حياة رجالنا ما نقبل الاسوامي = كل قطرة من دمي يذبح بدلها ميّه

[محمد الحمادي]

ونعم وماعليك زود ,


للسان أحيان يارجال وقع إحسامي = يغنّي الرجال عن ميقااف حرب وهيّه
وأنت سامي فكر مير الأمر جاء لك سامي = ثم ماتظمن بعد روحتك هذي جيّه

ههههه

[مــــحــــمــــد]

كلمتك هذي موقع فوقها ببهامي = بس لازم ناخذ الموضع بالجديه
الزكاة الواجبه ما تفرح الايتامي .؟ = اشهد انك ما بقلبك رحمه و ماويه

[مــــحــــمــــد]

الختام عندك

وصح لسانك وبيض الله وجهك وامتعتناء بالمحراف اللي استفدنا منه الشي الكثير

تصبح على خير