حبيب العازمي وعلي الحصني

[الهزبري]

اقيمت قبل اسبوعين تقريبا محاوره بين الشاعر الكبير والعلم حبيب العازمي والشاعر علي الحصني الذي برز في الأونه الأخيره.........أتمنى من ابوفايح ان يحلل لنا معناها

علي الحصني
ياحبيب تقولون المطر طاح طاح=مار وين العلوم الي تقولونها
الله إنه يعوض البدو جمة رماح=أنتهى جمها ماعاد يردونها
حبيب العازمي
أنت بأعز نومه والدبش بالمراح=والعرب للخباري شدة ضعونها
لاتعد الليالي كل ماراح راح=مابقى إلا الثلاث الي يسمونها
علي الحصني
اجمع الريش لين إنه يكمل جناح=وعد فوق الجبال الي يعدوها
وش تبي بالذخاير وأنت عندك سلاح= لو ينوش الجمال ينزل امتونها
حبيب العازمي
طيرنا لاتذمه من طيور الفلاح=من ورى هقوتك ماهو بمن دونها
التجارب وسيله والوسيله كفاح=لو بلش صاحي العالم بمجنونها
علي الحصني
شفت ناس يخطلون القطن بالوشاح=عندهم ميته يبغون يحيونها
يامنافق نفاقك زاد ماهو مباح= استحو ياعتيبه لا تسوونها
حبيب العازمي
شفتها بالمساء وإلا بعد بالصباح=يمكن إنك تحط الكحل بعيونها
لو نحب النفاق ولانحب النجاح= كان جتكم هديه تستحقونها
علي الحصني
شفتها يوم فالح عند عمه فلاح= واخذو مزودتها واخذو شونها
العلم كيف وقف والعلم كيف طاح= نعرف اصحابنا من ضحكة سنونها
حبيب العاومي
كان جات الحقيقه جد ماهو مزاح= علي هذا كبير الي يحبونها
كيف شفت العلم بينك وبينه سناح= اثر فيكم طبيعه ماتخلونها
علي الحصني
ترضي أهل القصيم وترضي أهل نساح= مار اظن الديوس لمن يحلبونها
لابغيت الحقيقه ياحليف النجاح= ماعرف سر ليله غير مجنونها
حبيب العازمي
لوحسبنا حساب مولدين اللقاح= كان راح اللبن للي يصرونها

[ابو فايح]

أخي الهربزي أشكرك على نقل هذه المحاوره الرائعه في تركيب أبياتها حتى لو أنني غير متأكد من معناها


لكن أن كانت بعد ختام مسابقة المرقاب

فأعتقد أن المعنى حول المسابقه ومن أقيمت له وأسباب إقامتها


ياحبيب تقولون المطر طاح طاح=مار وين العلوم الي تقولونها

تقولون أن سلطان وصل مير وينه ما شفناه؟؟


أنت بأعز نومه والدبش بالمراح=والعرب للخباري شدة ضعونها
لاتعد الليالي كل ماراح راح=مابقى إلا الثلاث الي يسمونها

الرجال واصل ما باقي شي


وش تبي بالذخاير وأنت عندك سلاح= لو ينوش الجمال ينزل امتونها
يقول ما دافعك من وراء اقامة المسابقه ؟؟


واستمر المعنى في مناقشه عن صاحب المسابقه والدوافع وراء اقامتها .


هذا من وجهة نظري إن كان اللقاء بعد ختام مسابقة المرقاب .

[ولدعساف]

أخي الهربزي أشكرك على نقل هذه المحاوره الرائعه في تركيب أبياتها حتى لو أنني غير متأكد من معناها


لكن أن كانت بعد ختام مسابقة المرقاب

فأعتقد أن المعنى حول المسابقه ومن أقيمت له وأسباب إقامتها


ياحبيب تقولون المطر طاح طاح=مار وين العلوم الي تقولونها

تقولون أن سلطان وصل مير وينه ما شفناه؟؟


أنت بأعز نومه والدبش بالمراح=والعرب للخباري شدة ضعونها
لاتعد الليالي كل ماراح راح=مابقى إلا الثلاث الي يسمونها

الرجال واصل ما باقي شي


وش تبي بالذخاير وأنت عندك سلاح= لو ينوش الجمال ينزل امتونها
يقول ما دافعك من وراء اقامة المسابقه ؟؟


واستمر المعنى في مناقشه عن صاحب المسابقه والدوافع وراء اقامتها .


هذا من وجهة نظري إن كان اللقاء بعد ختام مسابقة المرقاب .

بيض الله وجهك يابو فايح وبيض الله وجه الهزيري

[احمد منير الواصل]

شكرآ لك يالهزيري ويعطيك العافيه على موضوعك
وصح لسان شاعرنا ابوفيصل

[الهزبري]

[a7la1=0000ff][size=5]اشكر الجميع على المرور

وبيض الله وجهك يبو فايح أتوقع تحليلك للمعنى صحيح 100%

خصوصاً أن المحاوره أقيمت في نهاية شهر ذو القعده.. أي بعد نهاية المسابقه بأسبوع تقريبا

[الرشيدي]

المعنى مثل ماقال ابو فايح

وهو عن الامير سلطان ومسابقة المرقاب وسياسة القناة

[الرمز]

السلام عليكم ورحمة الله وبركاته

صدق تحليل ابو فايح للمعنى بين الشاعر الكبير حبيب العازمي وعلي الحصني فالمحاوره جرت

بعد المسابقه بيوم واحد فقط نهائي المسابقه يوم الثلاثاء والمحاوره الاربعاء وكانت في الرياض

في قاعة الدوليه على طريق جابر ومن بين الحضورالشاعر راشد السحيمي والشاعر مسعد القصير

[خيال الأصيله]

لا هنت على النقل اخوي تشكر

[ماجد العصيمي]

اتفق مع تحليل ابو فايح


كيف شفت العلم بينك وبينه سناح يعني الجائزه اذا ماخاب ظني


والله اعلم

[فارس بن روق]

استحوا ياعتيبة لاتسوونهاااااااااااا


قال حبيب

كان جتكم ؟ هدية تستحقونهااااهههههههههههههههههه

[أبو عمر الحربي]

أبو فايح الله لايهينك على هذا التحليل الصائب ماشاء الله عليك
لكن كأني أرى أن المعنى ناش قناة المرقاب - أو أني غلطان ؟