مطلق الحويقل
15-Dec-2009, 07:18 PM
ياعين عن بعض المخاليق صدي=نظره وراء شخص مقفي سماجه
مالي وراء المقفي مقاصد وودي=نلقا ويلقا في حياته خراجه
والمقبل أنهض له وأرحب بجدي=يضحك حجاجي قبل يضحك حجاجه
واليابغاله حاجة مستعدي=أعطيه مطلوبه من أيّات حاجه
لاصار مطلوبه معي ملك يدي=يروح من عندي يزيد ابتهاجه
سلم لنا سلم لأبويه وجدي=سلم العرب ماهوب طبع الخواجه
واللي عن الواجب دوام يصدي= جعله من الدنيا تعكر مزاجه
حنّا عرب فينا المروه تعدي=من يوم هذا الكون ولع سراجه
لو الظروف الكايده تستمدي=وأقفا سحاب الغيث واقبل عجاجه
نصبر لو ان الوقت جابه تحدي=والصبر من عقبه يصير انفراجه
ونجود بالماجوب من باب جدي=وبيت الشرف دايم قويٍ(ن) سياجه
مالي وراء المقفي مقاصد وودي=نلقا ويلقا في حياته خراجه
والمقبل أنهض له وأرحب بجدي=يضحك حجاجي قبل يضحك حجاجه
واليابغاله حاجة مستعدي=أعطيه مطلوبه من أيّات حاجه
لاصار مطلوبه معي ملك يدي=يروح من عندي يزيد ابتهاجه
سلم لنا سلم لأبويه وجدي=سلم العرب ماهوب طبع الخواجه
واللي عن الواجب دوام يصدي= جعله من الدنيا تعكر مزاجه
حنّا عرب فينا المروه تعدي=من يوم هذا الكون ولع سراجه
لو الظروف الكايده تستمدي=وأقفا سحاب الغيث واقبل عجاجه
نصبر لو ان الوقت جابه تحدي=والصبر من عقبه يصير انفراجه
ونجود بالماجوب من باب جدي=وبيت الشرف دايم قويٍ(ن) سياجه