المساعد الشخصي الرقمي

مشاهدة النسخة كاملة : شعبن يزف التهنئة بسم نايف


الجزل
15-Dec-2009, 07:51 AM
السلام عليكم و رحمة الله و بركاته

مساكم الله بالمسرات

اقدم لكم قصيدة لـ شاعر / عويض المزيني العتيبي

بمناسبة عودة ولي العهد بالسلامة الأمير / سلطان بن عبدالعزيز حفظه الله من كل سوء



التهنئة منا بحب و سلاما=شعبن يزف التهنئة بسم نايف
فرحة تعم الأرض شرقن و شاما=أجبالها و سهولها و المصايف
زيارتك لأبناك تجلى الألامى=مناظرن فيها تضيع الوصايف
ما هي غريبة من عيال الأيماما=عبدالعزيز مأمنن كل خايف
أنا احمد الله جت على ما يرامى=في عودتة فرحة جميع الطوايف
يكتب لسلمان الوفاء باحتراما=أعلامها و أقلامها و الصحايف
في عهد ابو متعب لبسنا الوسامى=أمن و امان و منجزات و وظايف
و حنا جنودن للوطن و الأماما =حامين اراضيها من اهل الطرايف
يحاول الحوثي يخرق النظاما = لكن عود خارج الحد عايف
خش بجبل دخان مثل الحماما=و شالوه من فوق الجبل بالقذايف
حدودنا ما هي ببرد و سلاما=يا كم فرقنا دونها من ولايف
كلمة ابو متعب بمسك الختاما= أم النصر ولا الشهادة شرايف

ولدعساف
15-Dec-2009, 09:50 AM
صح لسانك واعتلا شانك ويسعدني ان اكون اول من يرد عليك

الجزل
15-Dec-2009, 01:18 PM
هلآ و غلآ ولد عسااف

الله يسلمك مشكور على مرورك المميز

و أنا اسعد اكثر

ابن ملفي العتيبي
05-Jan-2010, 09:45 PM
الحمد لله على سلامة سلطاان الخيرر

و تسلم على القصييدة الجزلهـ ..

ابن صنهوت
05-Jan-2010, 10:57 PM
حزل ما تجيب الا الجزل لاهنت وصح لسان قايلها

الجزل
16-Jan-2010, 02:35 PM
اخووواني الاعزاء ابن صنهوت و ابن ملفي العتيبي

شكرا على مروركم ولاهنتم على الرد الجميل

علي الشهراني
16-Jan-2010, 02:37 PM
صح لسان الشاااعر


و صحت يمينك على النقل


و الحمد لله على سلامة بو خالد

الجزل
25-Mar-2010, 10:13 PM
صح لسان الشاااعر


و صحت يمينك على النقل


و الحمد لله على سلامة بو خالد




مشكووور يا شاعر شهران على مروركـ