اقرب شاعر يتفضل

[الشاعر فهد رحيم النفيعي]

/

/

/

اقرب شاعر يتفضل





يا هجوس(ن) ما تغر العوايد والسلوم = سيريبي بين جزر البحور ومدها


ودنا نبدع ونسمع من جديد العلوم = عند قوم (ن) بالموقف ما باحت سدها


/

/

/

[الشاعر فهد رحيم النفيعي]

وين شعار الهيلا الليلة

[@ـايل]

الله الله ..

صح لسانك يابن رحيم ..

وفي انتظار الشاعر الاخر وصح لسانه .

..

[فرهودي]

ياهجوسه وصليه الكواكب والنجوم = كلمة الطيٌب شيوخ الرجال تعدها
يالنفاعي ماش غير المشاكل والهموم = ماقعد لام الكباير شعور تكدها

[@ـايل]

صح لسانك يالفرهودي ..

واصلو ومتابعين ..

..

[فرهودي]

هلا ومرحبا ياهايل صح بدنك لاهنت ولاشنت

[الشاعر فهد رحيم النفيعي]

حيال الجميع

[الشاعر فهد رحيم النفيعي]

يابن فرهود المعاني مثل ضرب السهوم = أنت تمزح والعرب يافتى من جدها



باقين علم الوفاء والكرم في كل يوم =وان بنينها على ساسها لاتهدها

[سعد حميد الثبيتي]

صح لسان الشاعر المبدع فهد ولسان الشاعر المبدع كذلك فرهودي وعساكم على القوه ومتابعين

[الشاعر فهد رحيم النفيعي]

حياك اخوي سعد ولا يهونون الآخوة الحاضرين


تحيتي للجميع

[ابراهيم الزراقي]

صح ت ألسنتكم كلكم مبدعين

[فرهودي]

ماعطيتك غير تمر الحساء ماجبت ثوم = كان ماطاحت سنونك يدينك مدها
الوفا والطيب عند الرياجيل القروم = الجبال تهدها والسيوف تحدها

[فرهودي]

هلا ومرحبا سعد الثبيتي صح بدنك لاهنت ولاشنت

[فرهودي]

هلا ومرحبا ابراهيم الزراقي صح بدنك هلانت ولاشنت

[الشاعر فهد رحيم النفيعي]

حياك اخوي ابراهيم تشرفنا بوجودك

[الشاعر فهد رحيم النفيعي]

اسهر العين السعيدة ولا يدخلك نوم = وكان باقي في ظميرك علوم(ن) عدها


تزعل العربان ترضا على حب الخشوم = ننصح اهل العرف وتقول محد(ن) قدها

[فرهودي]

ياطويل العمر ماكل سباح ٍ يعوم = مانبا بعض العرب للبحر نحتدها
كل رجال ٍ يفصل على قده هدوم = لاتقايس للعرب بدٌ نفسك بدها

[الشاعر فهد رحيم النفيعي]

جيت انا للعد والعد يارجل مهدوم =والبلا من خالها والبلا من جدها


الصقر من فوق فرهود فالعالي يحوم = شد حيلك والمعاني فهد بيشدها

[الشاعر فهد رحيم النفيعي]

الليل الليل وين الصفوف

[فرهودي]

الوسايط ماشيه عند راعين الختوم = ماتروح معامله قبل تدهن يدها
البراقع لبٌست يافهد في راس بوم = لو عطاه الله جناح الصقر ماهدها

[محمد الشامان الحشيبري]

الله الله
صحت الالسنه والقلوب

[فرهودي]

هلا ومرحبا الشامان صح بدنك لاهنت ولاشنت

[الشاعر فهد رحيم النفيعي]

ماش فكه يافتى لو يطيح ولو يقوم = وحده في جنبها وحده في خدها



البراقع والقناع اصبحت دلن وسوم = كم عيون(ن) في لضا الشمس صعب يلدها

[الشاعر فهد رحيم النفيعي]

حياك اخوي الشامان

[فرهودي]

اخذ لك حبة مسكٌن معك عند اللزوم = المصايب كاثره ماتحدد حدها
راعي المعروف ماهو عن الخير محروم = والبشر ماكل ودٌك يطابق ودٌها


فهد مضطر للخروج

وصح لسانك تشرفت بمجاراتك والمعذره على القصور

وتصبح على خير

[عيد بن مرضي]

الله الله


طارروق ممتع


النفيعي // فرهودي



صح الله اااااااااااااااالسنتكم

[الشاعر فهد رحيم النفيعي]

ماني بمحتاج قسمي من اطياب القسوم = ولو يجينا خمس هجمات انا بصدها



راعي المعروف ما ينسي يأهل السلوم = كان في صدرك مشاريه قله بدها





اشكر اخوي الشاعر فرهودي



كما اشكر كل من تابع هذا المحراف



من المحاورة



وما حصل قصور وتصبحون على خير



إحترامي للجميع




أبو فيصل

[الشاعر فهد رحيم النفيعي]

صح بدنك اخوي عيد بن مرضي



تشرفنا بوجودك إحترامي لك