من يباها فالمنتدى تثور

[ماجد العصيمي]

من يباها على راسه تثور=يرفع اذنه ويومي مسبحه
وان قضا قافنا قلنا طهور=ياجدونه هله فالمشرحه

[سلطان الجـذع]

...

ياجدونه هله فالمشرحه ... يارجال حرام عليك

يتنّوم فالعنايه اسبوع مافيه مشكلة ... بس فالمشرحه

على طول لا لا خف ربك :)

صح لسااااااااااااااااانك وفي انتظار اقرب انتحاري :)

[ماجد العصيمي]

صح بدنك يالجذع ومرورك اكبر شرف



والمشرحه نتيجة المزح الزايد هههههههههههههههههههههههههههههههههههههه

[الكنق]

ههههههههههههههههههههه


على راسه تثور !


صح لسااااااااااااااانك

[شاعر شعبي]

ههههههههههههههههههههههههههههههه



ولايزال البحث جاري عن الانتحاري اللي يباها على راسه تثور :)


صح السانك ياشبل مرجحين الموازين



وبانتظار قبيلك

[حافي الحافي]

هاك خذها على راسك دبور=جتك مثل النجوم مطبحه
وان قضا القاف قل تكفا معذور=وهاك منديل والدمع امسحه

[ماجد العصيمي]

صح بدنك يالكنق

[ماجد العصيمي]

انت فقران والحظ امعثور=البحور الغميقه مالحه
مهنتك لاتلف ولاتدور=والعرب بالسلاح مسلحه

[ماجد العصيمي]

صح بدنك يالشعبي ومروركم انار متصفحي

[حافي الحافي]

البحر وين ماشفنا بحور=لو لقيناه يمكن نسبحه
كان تحمل سلاح مايثور =لايثقل عليك وتطرحه

[ماجد العصيمي]

مانبا كشفت اغطي القدور=كيف ابقطع بهامي واجرحه
مرت المايله قدمه مرور=مزرين قفلها لايفتحه

[حافي الحافي]

اكشفه قبل فوحه لايفور=ثم كل الحصيل يبيحه

لوتبا المايله تلقا عبور =تصدم فالجدار وتنطحه

[ماجد العصيمي]

سم بالله وارقد وامهجور=دور امع الوساده مطرحه
لوتفتح ترا العينين عور=مانت لاقي بعير تمالحه

[حافي الحافي]

من تكلم كلام اهل الفجور =نجلده جلد ذل ونبطحه

غير اسمك ترى اسمك فيه جور=حلم مليون يورو تربحه

[بروفيسور الهيلا]

هههههههههههههههههههههههه

هذا والله المصامخ

صحت السنتكم يالثنين

[حافي الحافي]

صح بدنك برفسور الهيلا