بحعلك بين الجمر والمجرفه !!سعود النفيعي

[سلطان بن دحيم]

يالنفيعي جاك سلطان عقب الانتداب = ناوي(ن) يجعلك بين الجمر والمجرفه
كنت اعاملكم بتقدير يا مال الذهاب = واثركم فيكم بلا تحملون اقشر صفه

[مرجح الميزان]

الله الله يا سلطان صح لسانك وصح لسانك نيفز مقدماا :)


الصف منول محمرينه واليوم نبا نزرقه


..

متابع

:):)

[أسير القوافي]

أعتقد إنً الإنتداب هذا .. لم يتعبك ويرهقك .. بل زادك قوًة في الجزالة :)



الليل الليل ..


وصح لسانك ..


وننتظر الأستاذ سعود البرقاوي ..

[سعود البرقاوي]

مرحبا به عد مالاح براق السحاب = مير وجهه مختلف مابغينا نعرفه
يالرويس آخر زمن فيك ضيقه واكتراب = مابقى الا دمع عينك يهل وتذرفه

[عزوز النفيعي]

بدايه طارووق جزل بشعرائه

[سعود البرقاوي]

مرجح الميزان
ههههههههه يبا لك شغل
لكن يتشرف بك الصف اللي انت فيه

اسير القوافي
نسأل التوفيق لنا ولكم ولجميع المسلمين

[رعد الروقي]

يالنفيعي جاك سلطان عقب الانتـداب
ناوي(ن) يجعلك بين الجمر والمجرفه
كنت اعاملكم بتقدير يا مال الذهـاب
واثركم فيكم بلا تحملون اقشر صفـه




مرحبا به عد مالاح براق السحاب
مير وجهه مختلف مابغينا نعرفه
يالرويس آخر زمن فيك ضيقه واكتراب
مابقى الا عندنا دمع عينك تذرفه



الله الله


قاف من اوله مشعلل ابداع


سلطــــان // سعـــــــود



من المدرجات نقول لكم صحت السنتكم


ومتابعين واذا طلعت الكورة برا ... ازهلوها

[سعود البرقاوي]

العمدة
هلا ومرحبا بحبيب الكل
وعلى طاري المدرجات مبروك الفوز
ترى حدسي مايخيب

تحياتي يالرياضي

[رعد الروقي]

ههههههههه



ياخي انت تقرا الكف مدري الفنجان


8

8

8




ومع هذا ما جبتها

[سعود البرقاوي]

ههههههه طيب طيب يالعمدة
نبي نعوضك بوحده غير مثل جده غير ;)

[رعد الروقي]

من هذيك وانا عارف انك مانت صاحي معك نفر والا قروب كامل ههههه

[سلطان بن دحيم]

البقا وانا احمد الله في عز الشباب = والصعب من فضل ربي ليا قمت اعسفه
ليت ابو وجهين ما يعترض لاهل الركاب = لو تفلسف والله انا نعرف الفلسفه

[سعود البرقاوي]

لو يطول الوقت ويدور ماشاب الغراب = ياعسى ربي يبارك بسعر التكلفة
الولد يدرس ودوبه قرى سطر الكتاب = والمدرس بالعصا لايظلّي يرجفه

[عيد بن مرضي]

االله الله


ابن دحيم // سعود البرقاوي


صح الله ااااااااااااااالسنتكم


ومتااااااااااااااااااااااااااااااااابعين لكم (( وجمعه مباركه ))

[سعود البرقاوي]

العمدة
مالك مفر ولامطير
بس انتظر ايام معدودة


عيد بن مرضي
الله يبارك لنا ولكم في صالح الاعمال
وشاكر لك على هالمرور الكريم

[سلطان بن دحيم]

الله اللي عزني والحسد راعيه خاب = ولو تناسا ماقفي معه كلن يعرفه
الولد خطر(ن) يسبب لموترنا انقلاب = اكتفه والا اتركه والله اني لكتفه

[راع ملقا]

ياسلام عليكم


سلطان بن دحيم


سعود البرقاوي


صحت الالسنتكم وبيض الله وجيهكم شعار بمعنى الكلمه تحياتي لكم

[سعود البرقاوي]

كيف تستر عورتك من تحت بيض الثياب = عقب بانت وانكشف كل خافي نكشفه
واحدٍ مسكين فالوقت وش ودى وجاب = مهنتة بين الرياجيل مثل المنشفة

[كبتن عتيبه]

يالنفيعي جاك سلطان عقب الانتـداب
ناوي(ن) يجعلك بين الجمر والمجرفه


مرحبا به عد مالاح براق السحاب
مير وجهه مختلف مابغينا نعرفه



الله الله



صباح الأبداع



ابن دحيم /وسعود





واصلوووووووووووا

[سعود البرقاوي]

راعي ملقا
حي الله هالوجه وابرك الساعات حضورك


كبتن عتيبة
خل الحضارم تهتوش فالدكاكين
ياجعلها هوشه بليا فراعه

[سلطان بن دحيم]

اخر الدنيا يا كثر المشاكل والخراب = الله الله كم وكم من مناظر مؤسفه
نطلب الله رحمته لا يورينا العذاب = حسبنا الله يا رجال(ن) ماجاها تلهفه

[ابو لمار]

الله الله الله

سلطان بن دحيم

سعود البرقاوي


صحت السنتكما



متااابع للابداااااااع

[سعود البرقاوي]

آخر الايام نفتح كشوفات الحساب = لين نعرف وين بعض الدراهم نصرفه
الاوادم همها فالطعام وفالشراب = مسرفه ،،، مير الليالي تراها مسرفه

[كبتن عتيبه]

خل الحضارم تهتوش فالدكاكين
ياجعلها هوشه بليا فراعه


هههههههههههههههه


هذي وين طحت عليها

[سلطان بن دحيم]

الله يبيض وجه كل من شرفنا بمروره

تحياتي لكم

[مرجح الميزان]

سلطان وسعود صحت الألسن يالدواهي .. :)

[ماجد السميري]

البقا وانا احمد الله فـي عـز الشبـاب=والصعب من فضل ربي ليا قمت اعسفه


سلطان صح لسانك

وبيض الله وجهك





لو يطول الوقت ويدور ماشاب الغراب=ياعسى ربي يبارك بسعر التكلفة


سعود صح لسانك

وبيض الله وجهك


طاروق تشكرون علاه بكل امانه

[سلطان بن دحيم]

سلطان وسعود صحت الألسن يالدواهي .. :)

صح بدنك

ولا عليك زود هههه

[سلطان بن دحيم]

البقا وانا احمد الله فـي عـز الشبـاب=والصعب من فضل ربي ليا قمت اعسفه


سلطان صح لسانك

وبيض الله وجهك





لو يطول الوقت ويدور ماشاب الغراب=ياعسى ربي يبارك بسعر التكلفة


سعود صح لسانك

وبيض الله وجهك


طاروق تشكرون علاه بكل امانه

صح بدنك

لاهنت على المرور

تحياتي