سلام رديه تنوش كراعها حيد الكويت ..!

[مرجح الميزان]

:):)





للفائده يا سعود النفاعي ..












سلام رديه تنوش كراعها حيد الكويت .!=ومن طولها تلمس يديها يالنفاعي.. مدركه
ياا سعود عقب إنك تلبست الهلالي وانتميت=عامك جديد ويالعله عام خيرٍ وبركه

[علي الثبيتي]

ياوجه الله هاذي قنبله ذريه ماهي برديه هههههههههههههههههه صح لسااااااااانك يامرجح الميزان
وصح لساااااااااااااااااااااااان متلبس الهلالي خخخخخخخخخخ

[مرجح الميزان]

هلا والله ومرحبا يالنشمي :)










والله يرحم والديك وخررر عنا ونسلم :)

[مهندس القاف]

هذي منبطحه ياكافي ههههههههه
صح لسانك ولسان سعود

[ابو لمار]

الله الله الله
مرجح الميزان

صح لسانك يامبدع
يالعله عام خير وابركه
ههههههههههه

وصح لسان المنتمي



متاااابع

[مرجح الميزان]

مهندس القاف وأبو لمار مرحبا والله ومسهلا
مار لا تضحكون ثم تشحنون سعود ..!! :)

[شاعر شعبي]

ههههههههههههههههه


ابك هذي ويش


رديه وتمغط :)



والله انك من الدواهي يامرجح الميزان


لكن انا تضامنا مع اهل الكويت في صف النفاعي



وصح السااااااانك يامرجح الموازين


وصح الساااااااااااان النفاعي مقدما

[ناصر الجلاه]

..

مرجح الميزان

..


هههههه ياتركي ابن حميد وش ذا البعيري :)

وش ذا الرديه ياجاري .. صح لسانكـ وصح لسان سعود

متابعين :)


دمتم


..

[مرجح الميزان]

ههههههههههههههههه


ابك هذي ويش


رديه وتمغط :)



والله انك من الدواهي يامرجح الميزان


لكن انا تضامنا مع اهل الكويت في صف النفاعي



وصح السااااااانك يامرجح الموازين


وصح الساااااااااااان النفاعي مقدما










ههههااا ما أقول غار الله لا يهينك يا شاعر شعبي ترى الدعوه ما هي ناقصه :)

[مرجح الميزان]

أررررررررررررحب والله يا جاري يا ناصر




واصبر علاه شوي يمكن يطيري :)










مرورك لحاله مكسب :)














لا هنت

[سعود البرقاوي]

يامرحبا يامرجح الميزان ،، وياساتر استر


مالك سوى الترحيب لو إنّا ماندري وش نويت = يالشاعر اللي صار عندك تالي الوقت حركه
كل يبا ياخذ حقوقه لن زعلت ولن رضيت = هاذي حقيقة واضحة ماهيب زيف وفبركه

[سعود البرقاوي]

النشمي
هلا والف هلا بشايبنا وعارفتنا


مهندس القاف
صح بدنك والله يستر من المنطبحه


ابو لمار
مرحبا مليون بالحبيب الغالي


شاعر شعبي
يالبا قلبك ووقفتك ماهيب غريبة


ناصر الجلاه
ههههههه امنعنا من جارك

[مــــحــــمــــد]

الله الله الله

بدعه عالميه يامرجح الميزان

ولاكن ابو فهد بالمرصاد


مالك سوى الترحيب لو إنّا ماندري وش نويت
يالشاعر اللي صار عندك تالي الوقت حركه
كل يبا ياخذ حقوقه لن زعلت ولن رضيت
هاذي حقيقة واضحة ماهيب زيف وفبركه



ياسلام ياسلام يابو فهد رد وافي ولانقول غير مافيك حيله والصف صفك

[مرجح الميزان]

هاك هاك يا سعود .. :) ..



..





أنا وقوفي يرهب الشعار وتروح شتيت = كم واحد"ن" قدمي يبا ينشب لساانه فحنكه
عقب الفضيحه كرموا ياسر بسياره وبيت .!=المستوى مشي .! ولكن الوساطه تشركه

[مرجح الميزان]

لكل من مر يا مرحباااا تراحيب المطر .. :)

[سعود البرقاوي]

وقف على كيفك بعد ماصار لك سمعه وصيت = واليا انفلت حبل المطية ،، شد حيلك وامسكه
احدٍ ركب وسط البدي وأحدٍ على ظهر الونيت = وأحد ليا منه سلك له درب نقدر نسلكه

[مرجح الميزان]

أبك أبك أبك :)





..





لا والله الا يالنفاعي ما رميتَ إذ رميت .!=اللي يعرف الفيصليه ما جهل بالمملكه
مدري تباها في ذرى التقسيط ولا كمبليت=الطلقه اللي لو تنوش شعيل يمكن تهلكه ..؟!

[سعود البرقاوي]

الله يخارج ،، ربي ياحبيبي


لاصرت تعرف وش حصيلك من مراه ومن كميت = مافيه داعي تفلك البندق ،، علامك تفلكه
يامرجح الميزان يوم انك مع المدخل وزيت = قدم شهودك ،، قبل لاتشتب نار المعركة

[مرجح الميزان]

منك مار دووووك :)




..






ماني مجامل فالحقايق معك لو إنك سريت=طبع البحر حوته يبا ياكل طواريف سمكه ..!
بالله يومك تزعل الضيفان منا ما استحيت ..؟!=يااا خي ترى حنا عتيبه " ما نحب الحكحكه "

[سعود البرقاوي]

طيب طيب طيب ،،، هادوك


لاواحليلك يالمقاطي يوم فالدرب استويت = شتفك تصعلك ،، مير حنا مانحب الصعلكه
دربي على درب الصحابة لاكفرت ولازنيت = واكره لاشفت اللي يدافع عن حقوق المشركة

[مرجح الميزان]

لله دررررك :)








يالله رجيتك يوم أنا ما غيرك الليله رجيت= الساحل الشرقي بلشنا في قطيفه وعنكه
في كلمتك هذي لك الله لا هدمت .. ولا بنيت=مار الغشيم اللي يغر الدرب خشمه نفركه

[سعود البرقاوي]

ههههههههه ،، عزالله سريت علي


أخر حلول المشكلة نرسل عليهم ديناميت = واليا انفجر مافيه واحد في مكانه يتركه
حنا عتيبة والتسلسل والتدرج من ثبيت = وشلون نرضى بالكلام اللي يجي من فيلكه

[مرجح الميزان]

:) دور غاااارها ..










سعود ناوِ يذبح المسلم ويرمي به فـ/ زيت=الظاهر انه يالعوارف من نتاج الأمركه ..!!
ما تدري انا ندمح الزلات ونقول البخيت=اللي ليا شاف المذهب ما يسميه تنكه

[مرجح الميزان]

لله درررررررك يا سعود .. يعلم الله اني تشرفت بمجاراتك ..
الختام عندك وتصبح على خار .. :)

[أسير القوافي]

هههههه .. ياسلاام يالدواااهي ..



المملكة×الفيصلية .. :)

8
8
8
8
8

هذي إسم المحاورة ..



صحًت ألسنتكم ..


مقاااارعة كبار ..

[سعود البرقاوي]

مرجح الميزان
الله يرفع قدرك ويعطيك العافية
صح لسانك ترليون ولاعاد عند اخوك القطرة

تحياتي لك

[سعود البرقاوي]

أسير القوافي
شهادة نعتز فيها ياحبيب الكل
سلمت على هالمرور الفخم

تحياتي

[سعود البرقاوي]

مرجح الميزان

سلام رديه تنوش كراعها حيد الكويـت .!=ومن طولها تلمس يديها يالنفاعي.. مدركه
ياا سعود عقب إنك تلبست الهلالي وانتميت=عامك جديد ويالعلـه عـام خيـرٍ وبركـه




سعود البرقاوي

مالك سوى الترحيب لو إنّا ماندري وش نويت=يالشاعر اللي صار عندك تالي الوقت حركه
كل يبا ياخذ حقوقه لن زعلت ولن رضيت=هاذي حقيقة واضحة ماهيب زيف وفبركه




مرجح الميزان

أنا وقوفي يرهب الشعـار وتـروح شتيـت=كم واحد"ن" قدمي يبا ينشب لساانه فحنكـه
عقب الفضيحه كرموا ياسر بسياره وبيت .!=المستوى مشي .! ولكن الوساطـه تشركـه





سعود البرقاوي

وقف على كيفك بعد ماصار لك سمعه وصيت=واليا انفلت حبل المطية ،، شد حيلك وامسكه
احدٍ ركب وسط البدي وأحدٍ على ظهر الونيت=وأحد ليا منه سلك لـه درب نقـدر نسلكـه




مرجح الميزان

لا والله الا يالنفاعي ما رميتَ إذ رميـت .!=اللي يعرف الفيصليه مـا جهـل بالمملكـه
مدري تباها في ذرى التقسيط ولا كمبليـت=الطلقه اللي لو تنوش شعيل يمكن تهلكه ..؟!




سعود البرقاوي

لاصرت تعرف وش حصيلك من مراه ومن كميت=مافيه داعي تفلـك البنـدق ،، علامـك تفلكـه
يامرجح الميزان يوم انك مـع المدخـل وزيـت=قدم شهودك ،، قبـل لاتشتـب نـار المعركـة





مرجح الميزان

ماني مجامل فالحقايق معك لـو إنـك سريـت=طبع البحر حوته يبا ياكل طواريف سمكـه ..!
بالله يومك تزعل الضيفان منا ما استحيت ..؟!=يااا خي ترى حنا عتيبه " ما نحب الحكحكـه "





سعود البرقاوي

لاواحليلك يالمقاطي يوم فالدرب استويت=شتفك تصعلك ،، مير حنا مانحب الصعلكه
دربي على درب الصحابة لاكفرت ولازنيت= واكره لاشفت اللي يدافع عن حقوق المشركة




مرجح الميزان

يالله رجيتك يوم أنا ما غيرك الليله رجيـت=الساحل الشرقي بلشنا في قطيفـه وعنكـه
في كلمتك هذي لك الله لا هدمت .. ولا بنيت=مار الغشيم اللي يغر الدرب خشمـه نفركـه






سعود البرقاوي

أخر حلول المشكلة نرسل عليهم ديناميت=واليا انفجر مافيه واحد في مكانه يتركه
حنا عتيبة والتسلسل والتدرج من ثبيت=وشلون نرضى بالكلام اللي يجي من فيلكه




مرجح الميزان

سعود ناوِ يذبح المسلم ويرمي به ف/ زيت=الظاهر انه يالعوارف من نتاج الأمركه ..!!
ما تدري انا ندمح الزلات ونقول البخيـت=اللي ليا شاف المذهب مـا يسميـه تنكـه