واقلبي اللي محرقته المحبه

[((الدلبحي))]

هذه القصيده قلتها وهي غزليه واتمنى ان تنال اعجاب الجميع :
واقلبي اللي محرقته المحبه
واسباب مابه حب عين النداوي
ماني بجاهل مير عقلي لعبه
غرون حلاه الزين ملزوم ياوي
ليا سليت القلب كنه منبه
عود يجر الصوت وده مضاوي
بنت الرجال اهل الفشق والمشبه
لاحل يومٍ فيه نار ومكاوي
رجالهم يرقى على راس تبه
حيثه طويل الباع راع العزاوي
وفي مجلسه ترتاح ولطيب نبه
دكتور ومجرب وشاعر وراوي
وفي عونة المحتاج ماصك عبه
يعطي ورزقه عند ربٍ سماوي
هذا افتخربه دوم وافخر بقربه
وبنته ولدها ذيب مثل العطاوي
من راس ابوه وعزوته تفتخربه
مذرب وسيع ابطان صنديد شاوي
وامه ستيرت حال وتخشى المسبه
من واشي نمام رمه وواي
ضفره ومنزوع الحيا ضاع لبه
دوره مضى مابين عجز وقهاوي
ولادوجت فالسوق مع كل دبه
ولالبست اثياب الغجر والغطاوي
اثر الهوى مقفول من دون ضبه
وقفت وصك الباب زولٍ شفاوي
بنت النشاما شوق قلبي وطبه
وعشقٍ على وضح النقى له هواوي
وقصر الغلا بانيه صعبٍ يكبه
ريم الخلا ماشاف مدن وقراوي
ومن يشتكي شكواي يشكي لربه
ساعة تضيق ادروب سبل الشواوي
مناحي حمود الدلبحي
وسلامتكم

[مطلق الحويقل]

الدلبحي
صح السانك وتسلم قصيده جزله ومعبره بمعنى الكلمه
اتمنى لك التوفيق ولاتبخل علينا بمثل هذه القصيده

[الــوآفــي]

بنت النشاما شوق قلبي وطبه
وعشقٍ على وضح النقى له هواوي


تستاهل بنت النشاما

صح لسانك يالدلبحي

عزالله انها جزله

لا تحرمنا من جديدك

اخوك ذيبان

[وصل العطياني؟؟؟]

يا سلام عليــك ...

إبداع بمعنى الكلمة ...

لا هنت والله ...

وصح لســانك مليوون ولا يكفووون ...




تحياااااااااااتي

[((الدلبحي))]

الاخ العزيز
مطلق تسلم على التعليق الرائع وابشر بسعدك
الاخ ذيبان
علمك غانم ويعطيك العافيه وعسانا عند حسن الظن
الاخ العزيز
وصل
شهاده افتخر فيها عندما تاتي من مثلك وابشر بماهو جديد وقيم
جميع الاخوان تقبلوا تحياتي

[بعيـد المرامع]

صح لسانك يابوحمود

وننتظر منك ماوعدتنا به ..من قصائد

بعيد المرامع

[((الدلبحي))]

بعيد المرامع
صح بدنك
ابشر بكل ماطلبت وابشر بكل علم غانم

[بن بادي]

ولادوجت فالسوق مع كل دبه
...................................... ولالبست اثياب الغجر والغطاوي

هههههههههههههههه

صح لسانك يالدلبحي

جزله بمعنى الكلمه .. الله يعطيك العافية

ننتظر جديدك على الجمر

بن بادي

[((الدلبحي))]

ابن بادي
صح بدنك وتسلم على التعليق
ممايشرفني اطلاعك وهذا الاعجاب
تقبل تحياتي

[ابن مشيب]

صح السانك يابوحمود , قصيدة في قمة الروعة والجمال , ولاتكفينا منك هذة القصيدة فقط , نتمنى منك المزيد



تحياتي

[((الدلبحي))]

الاخ العزيز ابن مشيب
مشكور على الاطلاع والاعجاب المتبادل كمايسرني ردك الجميل
ابشر بمايسرك وتقبل تحياتي

[الخــراص]

صح لسانك

يالدلبحي

ويعطيك العافيه


الخـــــــــــــــــــراص

[عالي الحوم]

السلام عليكم

صح الله لساااانك أخوي مناحي , أبيات جزله من راس شاعر جزل .


تقبل تحيات وأعجاب أخوك عالي الحوم .

[داهية عتيبة]

صح لسانك مليون يالدلبحي


قصيدة جزله من جزل


لا عدمناك يبن العم


ونتمنى المزيد


تحياتي ..

[((الدلبحي))]

الخراص
صح بدنك وتسلم على المرور والتعليق الجميل

[((الدلبحي))]

عالي الحوم
وعليكم السلام ورحمة الله وبركاته
مشكور على التعليق ومقدر لك هذا الاعجاب

[((الدلبحي))]

ابن العم
الغالي
داهية عتيبه صح بدنك وتسلم على المشاركه برد
ولك مني اطيب التحيات

[إبن مفلح]

صح لسانك يالدلبحي ...


لاهنت لاهنت ...



تحياتي لك

[((الدلبحي))]

ابن مفلح
ياهلا ومرحبا
يسعدني مرورك واطلاعك
تحياتي

[ولد عسّاف]

ليا سليت القلب كنه منبه
عود يجر الصوت وده مضاوي


الله عليك يالدلبحي....

ليل صار عندكم يالربع مثل هالقصيدة لا احد يبخل..

صح لسانك ولاقصرت.. وعطنا اللي عندك طال عمرك..




ولد عساف

[((الدلبحي))]

ولد عساف
مشكور على المرور والتعليق
مميايشرفني زيارتك
ابشر بماطلبت خلال الايام المقبله ان شاء الله
تحياتي