انت وش بينك وبين معمر القذافي \ ابو لمار

[عقاب العنزي]

ياسلام الله سلام ٍ من ضمير ٍ صافي = يعلم الله مانجيب السلعه الممنوعه

انت وش بينك وبين معمر القذافي = كل يوم تهاجمه في داخل المطبوعه

[قو الصخر]

عقاب الله يستر عليه بابرق الشيوخ

[عقاب العنزي]

الله يستر على الجميع بستره الضافي


لاهنت على حضورك


..

[:: محمد النفيعي ::]

صح لسانك ياولد وايل

[عقاب العنزي]

صح بدنك يامحمد ولاهنت

[شاعر الويلان]

سنايدي والله صح لسانك يابن العم عزالله تشرف

[صاهود]

ياسلام الله سلامن من ضميرن صافي=يعلم الله مانجيب السلعه الممنوعه

هذا اللي يخلي الرياجيل اتحرص علي لعبك

صح السانك يابوفيصل

وبنتظار ابولمار ليكتمل الابداع

وصح السانه مقدما

[ابو لمار]

مرحبا ترحيبة" تضفي بستر" ضافي = يالعميل اللي يجيب الطيب من ينبوعه

والله انّا مانعارض حذفة الحذافي = مير بعض الناس ياشينه وشين اطبوعه

[عقاب العنزي]

شاعر الويلان

هلا بالبناخي انت الشرف يالذيب وشرفتني بحضورك


صاهود

هلا بصديقي الخاص لاهنت والله يبيض وجهك مير امسك الصف ههه


صح بدنك

..

[فهيد الايدا المورقي]

عقاب العنزي

ابو لمار

صحت السنتكم جميع


تحيتي

[صاهود]

مرحبا ترحيبة" تضفي بستر" ضافي = يالعميل اللي يجيب الطيب من ينبوعه

والله انّا مانعارض حذفة الحذافي = مير بعض الناس ياشينه وشين اطبوعه

الله الله

حلو الرد وحلو اللحن

ذكرتوني في لعبه بين ابن شلاح والثبيتي

الليل الليل

[:: محمد النفيعي ::]

ولازلنا متابعين


صح لسانك يابو لمار

[عقاب العنزي]

البقا وانته مشيت الدرب وانته حافي = عانك الله وانت واحد داخل المجموعه

يالثقيفي صاحبك وافي ومثلك وافي = ودنا نحل القضيه بالرضا والطوعه

[عقاب العنزي]

بناخي الايداء

صاهود

محمد النفيعي

لاهنتو لاهنتو شرفتونا بحضوركم

صحة ابدانكم

[ابو لمار]

مامشينا الا بعلم الطيب للعرّافي = البلا في اللي منكّس للعرب قبوعه

الوفا لاهل الوفا ياصاحبي ينشافي = مير لاتنفخ في داخل قربة" مفقوعه

[ابو لمار]

مرحباااا بالجميع

شرفتونا بتواجدكم


لاهنتم يالغالين؛؛

[صاهود]

مامشينا الا بعلم الطيب للعرّافي = البلا في اللي منكّس للعرب قبوعه

الوفا لاهل الوفا ياصاحبي ينشافي = مير لاتنفخ في داخل قربة" مفقوعه

الوفا لاهل الوفا ياصاحبي ينشافي= مار لاتنفخ في داخل قربة مفقوعه

هذا البيت قريب لمعاناتي

لازلت متابع رغم الحجز الكلي للموتمر الخليجي المقام في دولة الكويت

الليل الليل

[عقاب العنزي]

الله الله


والله ونعم ٍ بكم والصيت ماهو خافي = مار كلمتك الاخيره ماهي بمشروعه !!

بالقشر ودك تحطّم ذا الرقم ياكافي = يكتبك مستر جينس في داخل الموسوعه

[صاهود]

الله الله


والله ونعم ٍ بكم والصيت ماهو خافي = مار كلمتك الاخيره ماهي بمشروعه !!

بالقشر ودك تحطّم ذا الرقم ياكافي = يكتبك مستر جينس في داخل الموسوعه

هههههههههههههههههه

ودك ولا ودك يابوفيصل

السياسه توابعها وخيمه ههههههههه

الليل الليل

[شاعر شعبي]

ياسلااام



طاروووق كايف



وشعراء مبدعين



لاهنتوا واصلوا



وانا في صفك يابولماار ولايهون العنزي

[عقاب العنزي]

على السياسه قامت دول ولاانت الله يهداك حتى ابن وسام والشيخي رثعت بهم هههههههههههههه

منور منور ياخلف ومعطي الطاروق نكهه

[عقاب العنزي]

شاعر شعبي ياهلا ومرحبا وصح بدنك

وبصف ابو لمار كنك بصفي


شرفتنا

[ابو لمار]

انت ماتدري عن النصاب والبلاّفي = والمصيبه كلمته بين العرب مسموعه

الخبل مايدري ان السيف للسيّافي = سيف ابو زيد الهلالي سلّته مفروعه

[ابو لمار]

مرحباااا ياصاااهووود

مشرفنا بتواجدك وحضورك المهم


لاهنت يالغالي؛؛

[صاهود]

على السياسه قامت دول ولاانت الله يهداك حتى ابن وسام والشيخي رثعت بهم هههههههههههههه

منور منور ياخلف ومعطي الطاروق نكهه

ليه ماذكروا ذيب عروا

وسعود البرقاوي =ورفيع المنزل

يستاهلون ههههههههه

[ابو لمار]

شاعر شعبي

الابداع وجودك وحضورك المشرّف


والصف يزهى بك يالقرم



لاهنت يالغالي؛؛

[عقاب العنزي]

تحت ظل آل سعود تناصر الاشرافي = حسبي الله نيّتك من داخلك منزوعه

لن حماك السيف قلنا ماعليك خلافي = خايف ٍ من ضربة ٍ مثنية ٍ مربوعه

[صاهود]

انت ماتدري عن النصاب والبلاّفي = والمصيبه كلمته بين العرب مسموعه

الخبل مايدري ان السيف للسيّافي = سيف ابو زيد الهلالي سلّته مفروعه



الرد هذا يابولمار

يجبرني انزل لعبة شليويح والثبيتي في قسم المحاورات المنقوله

شليويح المطيري عسا ربي يكافيه=كبير وشاب راسه ولا كب اللعانه

انا جيته مسير ولقاني علابيه=ولا حتي تحرك شويه عن مكانه

تدور حول موضوعكم
ترقبوها حصري

[عقاب العنزي]

اي والله ياخلف زودنا بمحاورات شليويح وسوار الذهب كان قدرت

[ابو لمار]

ههههههههه
الله الله
طيب00 طيب


العرب ترضى بحكم العدل والانصافي = فيك شك انك مؤجّر واجرتك مدفوعه

لاتخاف الا على اللي في اللقا خوّافي = كان عمّك معجبك لاتختلف عن طوعه

[ابو لمار]

صاااهووود

ايو الله اسعفنا بمحاورات العمالقه
اللي مثل هذي

بس علمني اذا نزلتها

[صاهود]

ههههههههه
الله الله
طيب00 طيب


العرب ترضى بحكم العدل والانصافي = فيك شك انك مؤجّر واجرتك مدفوعه

لاتخاف الا على اللي في اللقا خوّافي = كان عمّك معجبك لاتختلف عن طوعه

لا لا يابولمار

ابوفيصل يديه انضاف ههههههههههههه وعني انا

لو يذحبه الجوع مايسويها ههههههههههه

والله اني بغيت اطلبك وفكني الله

مار عقاب علي اسمه عقاب يفتك نفسه

[صاهود]

صاااهووود

ايو الله اسعفنا بمحاورات العمالقه
اللي مثل هذي

بس علمني اذا نزلتها


حاضر انا ماسمع

غير الثبيتي وبن شلاح والمسعودي والنمري والجبرتي وذيب عروا

هذولا شعاري المفضلين

ابشر ابشر يابولمار

[ابو لمار]

لا لا يابولمار

ابوفيصل يديه انضاف ههههههههههههه وعني انا

لو يذحبه الجوع مايسويها ههههههههههه

والله اني بغيت اطلبك وفكني الله

مار عقاب علي اسمه عقاب يفتك نفسه

هههههههههه
والله اني عارف مير ابي اتخارج
من عقاب
عفاب هذا مجرم محترف ويجي
على الجرح دائم مايفوت فرصه


تبي تطلبني هههههه
عز الله لو دريت هجيت من بدري
مافي خراج لامنك ولامن عقاب

[عقاب العنزي]

هههههههه



لن تكلمنا الصراحه والكلام الشافي = قمت تحذفني وتتهم نفسي المرفوعه

والله ان ّ مانهاب اليا احتما الميقافي = مير ليه اسب بنك الراجحي وفروعه

[عقاب العنزي]

منصور المنصوري


شرفتنا


خلف

الله يسلمك وكلامك يعزز معنوياتي ويخليني اتصدى قصف ابو لمار عسى اسلم منه بجلدي ههههه

[صاهود]

منصور المنصوري


شرفتنا


خلف

الله يسلمك وكلامك يعزز معنوياتي ويخليني اتصدى قصف ابو لمار عسى اسلم منه بجلدي ههههه

شف ياعقاب انا لي عرق فالحجاز واعرفهم

لاشفتهم امعصبين الليله لاتطلبهم في نفس الوقت اطلبهم من بكره

تسيطر علي الوضع

امّا ان طلبتهم وهم امعصبين هاذي لاعلم نتايجها ههههههههههه

[عقاب العنزي]

هههههههههههههه


والله انت تبخنهم اكثر مني ومشكور على نصايحك

[ابو لمار]

مالحقك الشك منّي والقلوب انظافي = مير غيرك بالمظاهر عالم" مخدوعه

من يحطّك في بنوك الراجحي صرّافي = وانت ماتحسب حساب العمله المقطوعه

[ابو لمار]

عقاااب العنزي

صح لسانك لين ترضى يابحر الابداع والاخلاق العاليه

والشكر موصول لحبيب الكل صاااهووود
شرفنا بتواجده وتعليقاته المميزه والفكاهيه


الشكر لكل من شرفنا على هذا المتصفح

والختام عندك ياعقاب

بيّض الله وجهك



تصبحون على خير جميعا"

[صاهود]

صحت الالسن والقلوب جميع

لاهنت يابوفيصل ولاهنت يابولمار

امتعتونا

وتصبحون علي خير

[منصور المنصوري]

ابو لمار نام

[عقاب العنزي]

دام لك منصب وعايش فالمحل الدافي = وش تبا في جيش ابن غانم وكسر دروعه

ودي اني اجتمع مع كافة الاطرافي = لين ننكشف وش خفايا الفتنه المصنوعه

[عقاب العنزي]

وجهك ابيض والشرف لي لقبول دعوتي وصح لسانك وبدنك


تلقى خير

[علي الثبيتي]

اشهدلله انكم جزلين وشعراء مميزين ومحاورتكم هاذي تستاهل ان تكون المميزه لهذا الاسبوع

صحت السنتكم مليار

[سعود البرقاوي]

عقاب وابو لمار
صحت الالسن والقلوب

[عزوز النفيعي]

هههههههههههههه



لاتعليق



صفهم ملتحم مافيه شكٍ وريبه

[ابو لمار]

التميز مرورك يابو فهد

والجزاله تعلمناها منك ياستاذ

لاهنت يالغالي

[ابو لمار]

سعود البرقاوي

صح بدنك وقلبك


لاهنت

[خيال الأصيله]

الله الله


أبداع منقطع النظير


لا هنتوا وصحت ألسنتكم

[معجب العتيبي]

عقاب العنزي

ياسلام الله سلام ٍ من ضمير ٍ صافي = يعلم الله مانجيب السلعه الممنوعه

انت وش بينك وبين معمر القذافي = كل يوم تهاجمه في داخل المطبوعه



ابو لمار

مرحبا ترحيبة" تضفي بستر" ضافي = يالعميل اللي يجيب الطيب من ينبوعه

والله انّا مانعارض حذفة الحذافي = مير بعض الناس ياشينه وشين اطبوعه


عقاب العنزي

البقا وانته مشيت الدرب وانته حافي = عانك الله وانت واحد داخل المجموعه

يالثقيفي صاحبك وافي ومثلك وافي = ودنا نحل القضيه بالرضا والطوعه


ابو لمار

مامشينا الا بعلم الطيب للعرّافي = البلا في اللي منكّس للعرب قبوعه

الوفا لاهل الوفا ياصاحبي ينشافي = مير لاتنفخ في داخل قربة" مفقوعه



عقاب العنزي

والله ونعم ٍ بكم والصيت ماهو خافي = مار كلمتك الاخيره ماهي بمشروعه !!

بالقشر ودك تحطّم ذا الرقم ياكافي = يكتبك مستر جينس في داخل الموسوعه


ابو لمار

انت ماتدري عن النصاب والبلاّفي = والمصيبه كلمته بين العرب مسموعه

الخبل مايدري ان السيف للسيّافي = سيف ابو زيد الهلالي سلّته مفروعه


عقاب العنزي

تحت ظل آل سعود تناصر الاشرافي = حسبي الله نيّتك من داخلك منزوعه

لن حماك السيف قلنا ماعليك خلافي = خايف ٍ من ضربة ٍ مثنية ٍ مربوعه



ابو لمار

العرب ترضى بحكم العدل والانصافي = فيك شك انك مؤجّر واجرتك مدفوعه

لاتخاف الا على اللي في اللقا خوّافي = كان عمّك معجبك لاتختلف عن طوعه




عقاب العنزي

لن تكلمنا الصراحه والكلام الشافي = قمت تحذفني وتتهم نفسي المرفوعه

والله ان ّ مانهاب اليا احتما الميقافي = مير ليه اسب بنك الراجحي وفروعه


ابو لمار

مالحقك الشك منّي والقلوب انظافي = مير غيرك بالمظاهر عالم" مخدوعه

من يحطّك في بنوك الراجحي صرّافي = وانت ماتحسب حساب العمله المقطوعه


عقاب العنزي

دام لك منصب وعايش فالمحل الدافي = وش تبا في جيش ابن غانم وكسر دروعه

ودي اني اجتمع مع كافة الاطرافي = لين ننكشف وش خفايا الفتنه المصنوعه

[معجب العتيبي]

عقاب الابداع

وابو لمار التميز



صحة الالسن



مبدعين


نقاش وحوار عقال وكبار


تمنيت انني كنت متواجد